Ня меней за 34 чалавекі былі асуджаныя за «наўмыснае прывядзеньне ў непрыдатнасьць транспартнага сродку або шляхоў зносін» або замах на гэта (артыкул 309 КК) з сярэдзіны 2020 году, падлічылі праваабаронцы «Вясны».
Былога журналіста Свабоды Ігара Карнея пераводзяць адбываць пакараньне ў калёнію ў Мазыры. Этап зь перасыльнымі турмамі звычайна доўжыцца да тыдня.
Група беларускіх праваабаронцаў, якія цяпер у эміграцыі, перадала зварот Высокаму камісару ААН у правах чалавека Фолькеру Цюрку.
У Менскім гарадзкім судзе агучылі прысуд палітзьняволенаму Масатосі Наканісі — сем гадоў калёніі ва ўмовах узмоцненага рэжыму і штраф у 500 базавых велічыняў (21 тысяча рублёў).
Палітзьняволеная Антаніна Канавалава, давераная асоба Сьвятланы Ціханоўскай на прэзыдэнцкіх выбарах 2020 году, пакінула Беларусь.
Amnesty Polska заклікае далучыцца да кампаніі #BiegamDobrze, каб падтрымаць беларускіх палітвязьняў.
Палітзьняволены Ўладзімер Гундар ня мае адной нагі вышэй калена. На прагулкі ён выходзіць на мыліцах.
У Эўрапейскім парлямэнце прайшла ўжо трэцяя акцыя ў падтрымку беларускіх палітвязьняў.
13 сакавіка ў праскім Інстытуце вывучэньня таталітарных рэжымаў адбылася прэзэнтацыя кнігі «Няскоранае пакаленьне» — зборніку гісторыяў беларускіх студэнтаў, жыцьці якіх зьмяніліся ў 2020 годзе. Гэта 25 галасоў маладых беларусаў і беларусак, якія апынуліся ў выгнаньні, прайшлі праз рэпрэсіі і турмы.
У сьпісе хворыя, інваліды, людзі з мэнтальнымі разладамі, вязьні сталага ўзросту. У траўні 2024 году у такім сьпісе былі 254 палітвязьні.
Менскі гарадзкі суд аб’явіў перапынак у разглядзе крымінальнай справы журналіста, палітвязьня Ігара Ільяша. Пра гэта паведаміў на сваёй старонцы ў Фэйсбуку журналіст Сяргей Ваганаў, дзед жонкі Ільяша журналісткі Кацярыны Андрэевай (Бахвалавай), таксама палітзьняволенай.
Бацьку шасьцярых дзяцей Аляксандру Зялюткіну пасьля болей чым трох гадоў зьняволеньня пачалі пагражаць новымі крымінальнымі справамі. Па вызваленьні ён выехаў зь Беларусі.
4 гады таму затрымалі журналіста Дзяніса Івашына. Палітвязень правёў за кратамі ўжо 1461 дзень.
9 сакавіка каля амбасады Беларусі ў Вільні прайшоў мітынг з нагоды другой гадавіны ўтрыманьня палітзьняволенага Сяргея Ціханоўскага бяз сувязі з вонкавым сьветам і супраць рэпрэсіяў у Беларусі.
У Беларусі цяпер 154 палітзьняволеныя жанчыны. Праваабаронцы «Вясны» да сьвята 8 сакавіка прэзэнтавалі агляд парушэньняў правоў жанчын у месцах няволі ў Беларусі з 2020-га па канец 2024 году.
7 сакавіка ў Менскім гарадзкім судзе пачынаецца працэс над журналісткай Палінай Піткевіч, якую затрымалі ў чэрвені 2024 году.
Гэта робіцца, каб пакінуць за кратамі і псыхалягічна зламаць чалавека, перакананы былы палітвязень Леанід Судаленка.
Рэпрэсіі ў Беларусі працягваюцца. Свабода вядзе храналёгію судоў, затрыманьняў, іншага перасьледу з палітычных матываў.
Праваабарончая супольнасьць прызнала ў лютым палітвязьнямі 39 чалавек і запатрабавала рэабілітацыі 16 экс-палітвязьняў, аб пазбаўленьні волі якіх стала вядома ўжо пасьля вызваленьня. Такія дадзеныя зьмяшчаюцца ў падрыхтаваным «Вясной» аглядзе сытуацыі з правамі чалавека ў Беларусі ў лютым 2025 году.
У Празе прайшоў вечар салідарнасьці з палітзьняволенымі праваабаронцамі Валянцінам Стэфановічам, Алесем Бяляцкім і Ўладзем Лабковічам.
Вершы на волі і вершы за кратамі розьняцца ня толькі і ня столькі месцам іх стварэньня. Часта ў турме яны становяцца адзіным спосабам кантакту зь дзецьмі, незаменным болесуцішальным лекам, містычнай повязьзю з рэчаіснасьцю.
28 лютага у Беларускім Замку ў Вільні прайшла сустрэча з нобэлеўскай ляурэаткай, пісьменьніцай Сьвятланай Алексіевіч.
У судзе Аршанскага раёну і гораду Оршы 27 лютага пачынаецца працэс над анархістам Аляксандрам Францкевічам.
Былы палітвязень Андрэй Аўсіевіч, 29 гадоў, родам з Городні, пасьля вызваленьня летась у чэрвені мусіў зьехаць з Беларусі.
Тэлеканал «Настоящее время» расказаў пра заснавальніка праваабарончага цэнтру «Вясна» Алеся Бяляцкага, пра тое, за што ён змагаецца і як адбывае палітычна матававаны вырак у беларускай турме.
Вядомы горадзенскі журналіст працягвае заставацца за кратамі ў Беларусі.
Вікарый каталіцкай парафіі Ўзвышэньня Сьвятога Крыжа ў Лідзе Зьміцер Малец затрыманы за падпіску на рэсурсы, якія ўлады прызналі «экстрэмісцкімі», паведамляе ініцыятыва «Хрысьціянская візія».
Паводле лекараў і праваабаронцаў, практычна ўсе палітвязьні маюць псыхалягічныя траўмы ад затрыманьняў, фізычных пагроз, зьняволеньня і нявызначанасьці ў далейшым лёсе.
Турэмная адміністрацыя працягвае зьдзекавацца з палітвязьня.
Кадры з былым палітвязьнем Арцёмам Баярскім, які вызваліўся з калёніі 20 студзеня 2025 году па памілаваньні, паказалі прапагандысты ў перадачы «Трывожная кнопка» на дзяржаўным тэлеканале АНТ. Ён правёў за кратамі амаль 4 гады.
Юрыст і праваабаронца «Вясны» Павал Сапелка адказвае на пытаньне, чаму пасьля прэзыдэнцкіх выбараў палітычныя рэпрэсіі не зьмяншаюцца, і ацэньвае апошнія зьмены ў Крымінальным кодэксе.
У Менскім гарадзкім судзе 21 лютага пачаўся працэс над журналістам Ігарам Ільяшом, якога праваабаронцы прызналі палітвязьнем. журналісту пагражае да 6 гадоў зьняволеньня.
На 20 лютага ў Беларусі сама меней 1217 палітвязьняў, прызнаных такімі праваабарончай супольнасьцю. Рэальна зьняволеных з палітычных матываў можа быць больш.
Рэжым Лукашэнкі працягвае напаўняць «пералік арганізацый і фізычных асобаў, датычных да тэрарыстычнай дзейнасьці».
На 58-й сэсіі Рады ААН па правах чалавека (РПЧ), якая адкрываецца 24 лютага ў Жэнэве, адбудзецца інтэрактыўны дыялёг па сытуацыі з правамі чалавека ў Беларусі, паведамляецца на сайце арганізацыі.
Праблемамі для вязьняў менскага ЦІП (Цэнтру ізаляцыі правапарушальнікаў) застаюцца хлёрка, клапы, жалезныя нары без матрацаў.
Група ляўрэатаў Нобэлеўскай прэміі зьвярнулася да прэзыдэнта ЗША Дональда Трампа і іншых сусьветных лідэраў з заклікам неадкладна забясьпечыць вызваленьне ўсіх палітычных зьняволеных у Беларусі.
8 сакавіка — Дзень салідарнасьці жанчын у барацьбе за свае правы. Многія беларускія жанчыны сёньня сутыкаюцца зь цяжкасьцямі: хтосьці яшчэ ў зьняволеньні, хтосьці ўжо на волі, але мае патрэбу ў падтрымцы.
18 лютага ў Магілёўскім абласным судзе адбудзецца разгляд апэляцыі палітвязьня, былога журналіста Радыё Свабода Ігара Карнея.
Год таму па ўсёй Беларусі практычна адначасова за харчовую і грашовую дапамогу сваякам палітвязьняў затрымалі амаль 300 чалавек. У выніку 39 зь іх асудзілі паводле крымінальных артыкулаў.
Паводле падлікаў «Вясны», на прымусовае лячэньне ў псыхіятрычным стацыянары з палітычных матываў за гэты час накіравалі сама меней 33 чалавекі.
Як беларуская тэма прагучала на Мюнхэнскай канфэрэнцыі? Якім можа быць месца Беларусі ў перамоўным працэсе аб спыненьні вайны Расеі супраць Украіны? Якая можа быць роля дэмакратычных сілаў Беларусі ў выпадку ўгоды паміж адміністрацыяй ЗША і рэжымам Лукашэнкі?
Памочнік Дзяржсакратара ЗША па справах Усходняй Эўропы Крыстафэр Сміт сустрэўся з Лукашэнкам падчас нядаўняга візыту ў Менск і кіраўніком КДБ Іванам Церцелем, піша амэрыканскае выданьне The New York Times у публікацыі «Хуткая ціхая паездка ў Беларусь сігналізуе аб павароце ў палітыцы ЗША».
У дакладзе, які група экспэртаў у пытаньнях Беларусі падае Радзе правоў чалавека ААН упершыню з моманту свайго стварэньня ў красавіку 2024 году, паведамляецца, што «парушэньні адбываліся ў кантэксьце шырэйшых намаганьняў, накіраваных на захаваньне ўлады Аляксандра Лукашэнкі».
Пра свой першы дзень на волі, вызваленьне, першыя думкі і ўражаньні на волі Андрэй Кузьнечык расказаў Радыё Свабода.
Як запісваюць прапагандысцкія відэа з палітвязьнямі? Як прымушаюць падпісаць паперы аб супрацы? Як вытрымаць карную псыхіятрыю? Гаворым з былой палітзьняволенай Палінай Шарэндай-Панасюк, якая правяла 4 гады за кратамі, 270 дзён у ШЫЗА і карцарах.
Апошнія два гады Марына Адамовіч ня мела вестак пра свайго мужа, зьняволенага беларускага апазыцыянэра Міколу Статкевіча. Інтэрвію ў яе ў Менску ўзяло агенцтва France-Presse.
Што будзе з будынкамі былой «Валадаркі», пакуль да канца няясна. Раней была інфармацыя, што на месцы СІЗА №1 на вуліцы Валадарскага разьмесьціцца Нацыянальны гістарычны музэй, але прыкмет працаў на замку няма. Вядомы дасьледчык дасавецкага Менску прапануе зрабіць там іншы музэй.
Вярхоўны суд 7 лютага не зьмяніў вынесенага 10 сьнежня мінулага году выраку журналістцы Вользе Радзівонавай: 4 гады пазбаўленьня волі за «перадачу замежнаму СМІ для артыкулаў зьвестак экстрэмісцкага характару», паведаміла Беларуская асацыяцыя журналістаў, піша «Позірк».
Каб выйсьці на волю, палітвязьні пасьля катаваньняў мусяць напісаць прашэньне аб памілаваньні, зьняцца ў прапагандысцкім фільме і падпісаць паперы аб супрацоўніцтве зь сілавікамі. Пра гэта расказала былая палітзьняволеная Паліна Шарэнда-Панасюк, якая заклікала да жорсткай эканамічнай блякады рэжыму.
Загрузіць яшчэ
