Частковае перамір’е, татальная вайна. Суровая рэальнасьць ва Ўкраіне і Расеі на фоне мірных перамоваў
Здымкі з усёй Украіны і Расеі паказваюць, што адны з самых разбуральных удараў бесьпілётнікаў за апошнія тыдні былі нанесеныя пасьля таго, як бакі канфлікту публічна пагадзіліся спыніць атакі на энэргетычную інфраструктуру.
1
Жылая вуліца ў Гастомелі пад Кіевам, сфатаграфаваная 19 сакавіка пасьля начнога ўдару бесьпілётніка.
18 сакавіка было абвешчана частковае спыненьне агню, Крэмль паабяцаў спыніць атакі на «энэргетычныя і інфраструктурныя» аб’екты пасьля тэлефоннай размовы паміж прэзыдэнтам ЗША Дональдам Трампам і прэзыдэнтам Расеі Ўладзімірам Пуціным.
2
Пажарнікі працуюць пасьля ўдару па шпіталі ў Краснапольлі Сумскай вобласьці Ўкраіны 19 сакавіка.
Ад моманту тэлефоннай размовы паміж Трампам і Пуціным, якая адбылася 18 сакавіка, па ўсёй Украіне і ў Расеі былі ўдары па шэрагу аб'ектаў.
3
Нафтабаза ў станіцы Каўкаская Краснадарскага краю Расеі гарыць пасьля таго, як 19 сакавіка яе атакавалі бесьпілётнікі. Расейскія ўлады ўсклалі адказнасьць за напад на Ўкраіну.
4
Украінскі вайсковец размаўляе з сваякамі па тэлефоне пасьля вызваленьня з расейскага палону 19 сакавіка.
Украіна і Расея правялі абмен 175 на 175 палонных на наступны дзень пасьля размовы Трампа і Пуціна, гэты абмен быў згаданы падчас размовы.
5
Група расейскіх вайскоўцаў пасьля вызваленьня з украінскага палону 19 сакавіка.
![Жыхары шматкватэрнага дому ў Кіраваградзкай вобласьці ў Цэнтральнай Украіне расчышчаюць завалы пасьля ўдару расейскага бесьпілётніка 20 сакавіка.У пачатку сакавіка Ўкраіна пагадзілася на поўнае спыненьне агню, але прапанову адхіліла Расея. «Як ажыцьцяўляць кантроль рэжыму спыненьня агню ўздоўж лініі баявога судакрананьня, калі яна пад 2000 кілямэтраў? Хто будзе ажыцьцяўляць такі кантроль? Ці ёсьць гарантыі таго, што адзін з бакоў ня стане перакладаць [віну] на іншы», — заявіў Пуцін журналістам.](https://gdb.rferl.org/996fd674-d5ab-45a9-a3da-b7507e907a7c_w1024_q10_s.jpg)
6
Жыхары шматкватэрнага дому ў Кіраваградзкай вобласьці ў Цэнтральнай Украіне расчышчаюць завалы пасьля ўдару расейскага бесьпілётніка 20 сакавіка.
У пачатку сакавіка Ўкраіна пагадзілася на поўнае спыненьне агню, але прапанову адхіліла Расея. «Як ажыцьцяўляць кантроль рэжыму спыненьня агню ўздоўж лініі баявога судакрананьня, калі яна пад 2000 кілямэтраў? Хто будзе ажыцьцяўляць такі кантроль? Ці ёсьць гарантыі таго, што адзін з бакоў ня стане перакладаць [віну] на іншы», — заявіў Пуцін журналістам.
7
Расейская рэактыўная ўстаноўка вядзе агонь па пазыцыях ва Ўкраіне 20 сакавіка. Падчас мірных перамоваў баі на лініі фронту працягваліся пасьля таго, як Расея адмовілася ад поўнага спыненьня агню.
8
Грыбападобная хмара над расейскай авіябазай Энгельс пасьля таго, як украінскія бесьпілётнікі нанесьлі ўдары па сховішчах боепрыпасаў на базе 20 сакавіка.
9
У Кіеве пасьля хвалі расейскіх удараў 23 сакавіка гарыць кватэра на апошнім паверсе дому.
Украінскія ўлады паведамілі, што за выходныя 22–23 сакавіка ў выніку ўдараў па Кіеве загінулі тры чалавекі, у тым ліку 5-гадовая дзяўчынка і яе бацька.
Катэгорыі
- Мультымэдыя
- Відэа
