Эўрапейскія лідэры сабраліся ў панядзелак на надзвычайны саміт, каб абмеркаваць пляны прэзыдэнта ЗША Дональда Трампа спыніць вайну ва Ўкраіне на фоне асьцярог, што іх адсунуць ад перамоваў.
У панядзелак з ініцыятывы прэзыдэнта Францыі Эманюэля Макрона ў Парыжы адбудзецца сустрэча кіраўнікоў эўрапейскіх дзяржаў, на якой будуць абмяркоўваць пытаньні бясьпекі.
24-гадовы падазраваны ў наезьдзе ў Мюнхэне прызнаўся, што скіраваў машыну на ўдзельнікаў прафсаюзнага мітынгу наўмысна, паведаміла пракуратура 14 лютага.
У лістападзе 2024 году заява грузінскага ўраду аб прыпыненьні да 2028 году перамоваў аб уступленьні Грузіі ў ЭЗ выклікала масавыя пратэсты, на якія ўлады адказалі рэпрэсіямі.
У 4,3 раза вырасла актыўнасьць мігрантаў, якія спрабавалі незаконна трапіць у краіны Эўразьвязу зь Беларусі ў студзені і першай дэкадзе лютага 2025 году ў параўнаньні з аналягічным леташнім пэрыядам.
Краіны Балтыі ўдзень 9 лютага пасьпяхова падключыліся да адзінай энэргасыстэмы кантынэнтальнай Эўропы. Гэта адбылося пасьля таго, як напярэдадні Літва, Латвія і Эстонія адключыліся ад энэргетычнай сыстэмы Расеі і Беларусі.
Прэзыдэнт Чэхіі Пэтар Павэл 6 лютага падпісаў закон Lex Ukrajinа, накіраваны на падаўжэньне ў Чэхіі часовай абароны ўкраінскіх уцекачоў. Адна зь яго паправак уводзіць забарону на выдачу чэскага грамадзянства расейцам, якія перад гэтым не адмовіліся ад пашпарта Расеі. Закон раней ухваліў Сэнат Чэхіі.
Дар’я Астапенка не зьявілася для адбываньня пакараньня і ня выплаціла ў належны час 3850 даляраў.
Пасьля амаль васьмімесячных перамоваў у Бэльгіі ўдалося сфармаваць кіроўную кааліцыю. У Бэльгіі гэта доўгі працэс, паколькі большасьць партый прадстаўляюць асобна франкамоўную Валёнію ці нідэрляндзкамоўную Фляндрыю.
Бундэстаг Нямеччыны выказаўся супраць радыкальнага ўзмацненьня жорсткасьці міграцыйнага заканадаўства.
Перад прэзыдэнцкімі выбарамі ў Польшчы, якія пройдуць 18 траўня, на мяжы чакаюць новых правакацый з боку Беларусі.
Рыскі акруговы суд 30 студзеня пакінуў у сіле абвінаваўчы прысуд прарасейскаму актывісту Юрыю Аляксееву, якога асудзілі за незаконнае захоўваньне боепрыпасаў, паведамляе партал Delfi. Вядома, што сам Аляксееў раней уцёк у Беларусь, і судовыя разборы праходзяць безь яго ўдзелу.
Асуджаная беларуска Дар’я Астапенка не зьявілася для адбываньня пакараньня і не зрабіла ў належны час плацяжу 3850 даляраў. Дзе яна можа быць цяпер, невядома, піша «Белсат».
Эўразьвяз падрыхтаваў праект 16-га пакету санкцый супраць Расеі і Беларусі за падтрымку агрэсіі супраць Украіны і расейскага вайскова-прамысловага комплексу.
Рымская пракуратура адкрыла расьсьледаваньне супраць прэмʼер-міністаркі Італіі Джорджы Мэлёні і двух міністраў за рэпатрыяцыю ў Лібію палявога камандзіра, якога шукае Міжнародны крымінальны суд у Гаазе.
У Варшаве прайшла прэзэнтацыя кнігі дыплямата Марціна Вайцяхоўскага «Эўрапейскі выбар Беларусі — страчаны шанец?». Яе аўтар чатыры гады кіраваў амбасадай Польшчы ў Менску — у той час, калі адносіны дзьвюх краін дайшлі да найгоршага ўзроўню.
Калі б ЭЗ ня здолеў узгадніць рашэньне да 31 студзеня, законнасьць замарожваньня расейскіх сувэрэнных актываў апынулася б пад пытаньнем.
У Брусэлі запэўніваюць, што Беларусь застаецца ў цэнтры ўвагі эўрапейскіх дзяржаў і пасьля фальшывых выбараў 26 студзеня.
Паўночныя і балтыйскія краіны «падтрымліваюць заяву вярхоўнага прадстаўніка ЭЗ у замежных справах і палітыцы бясьпекі Каі Калас аб падтрымцы беларускага народу».
Міністар замежных спраў Польшчы, якая старшынюе ў Эўразьвязе ў першай палове 2025 году, Радослаў Сікорскі і беларуская дэмакратычная лідэрка Сьвятлана Ціханоўская вечарам 26 студзеня разам паляцелі ў Брусэль на пасяджэньне кіраўнікоў замежнапалітычных ведамстваў краін Эўразьвязу.
У шматлікіх гарадах Нямеччыны ў суботу, 25 студзеня прайшлі мітынгі супраць уплыву правых папулістаў і экстрэмістаў. У Бэрліне ў пратэстах удзельнічалі каля 100 тысяч чалавек, у Кёльне — прыкладна 70 тысяч.
Прадстаўнікі Вугоршчыны заблякавалі супольны зварот краін Эўрапейскага Зьвязу адносна непрызнаньня прэзыдэнцкіх выбараў у Беларусі. Гэта вынікае з інфармацыі ад вартых даверу крыніц Радыё Свабода/Радыё Свабодная Эўропа ў Брусэлі.
Прэм’ер-міністар Вугоршчыны Віктар Орбан запатрабаваў ад Эўразьвязу дабіцца ад Украіны аднаўленьня транзыту расейскага газу. Ён пагражае заблякаваць працяг санкцый ЭЗ супраць Расеі ў выпадку, калі гэтага ня будзе зроблена.
У Эўрапейскім парлямэнце пасьля дэбатаў ухвалілі рэзалюцыю «Неабходнасьць дзеяньняў у барацьбе з працягам прыгнёту і фальшывых выбараў у Беларусі».
Кіраўніца замежнай палітыкі ЭЗ Кая Калас заявіла, што «Трамп мае рацыю, кажучы, што мы недастаткова трацім на абарону».
Вугоршчына, мабыць, ня будзе блякаваць падаўжэньне на 6 месяцаў эканамічных санкцый супраць Расеі, паколькі новая адміністрацыя ЗША, падобна, выступае за тое, каб санкцыі заставаліся ў сіле.
Супрацоўнікі Мытнай службы Літвы на мінулым тыдні канфіскавалі ў грамадзян Беларусі тры аўтамабілі, у якіх перавозілі кантрабандныя цыгарэты, паведамляе прэс-служба ведамства.
Палітэмігрант з Архангельску Дзьмітрый Батура прыкаваў сябе да агароджы расейскай амбасады ў Варшаве. Ён меў намер галадаваць у падтрымку Украіны. Трансьляцыя ішла на YouTube-канале апазыцыянэра Яўгена Дамажырава.
У Польшчы была раскрытая міжнародная злачынная групоўка, якая афармляла фіктыўныя дакумэнты на атрыманьне польскіх віз. Іншаземцам дапамагалі атрымліваць гасьцявыя візы, а таксама візы Poland Business Harbour (PBH).
Літва і Варшава дамовіліся зьвярнуцца ў Эўракамісію з супольнай заяўкай на фінансаваньне будаўніцтва альтэрнатыўнай дарогі Аўгустаў (Польшча) – Вільня (Літва) для павелічэньня вайсковай мабільнасьці.
У 2024 годзе 42 тысячы беларусаў атрымалі рашэньні аб дазволе на жыхарства (ДНЖ) у Польшчы, што амаль на траціну менш, чым у 2023 годзе (59 тысяч), вынікае з дадзеных Упраўленьня па справах замежнікаў Польшчы.
Друкаваць «пашпарт Новай Беларусі» будуць у Беларускім пашпартным цэнтры ў Вільні. «Разглядаецца магчымасьць стварэньня аналягічных цэнтраў у Польшчы і, магчыма, ва Ўкраіне», паведаміў парталу «Люстэрка» кіраўнік праекту Марус Гудэлайціс.
Шэсьць краін Эўрапейскага Зьвязу зьвярнуліся да Эўракамісіі з заклікам панізіць так званую столь цэнаў на расейскую нафту, вызначаную раней краінамі «Групы сямі» (G7) на ўзроўні 60 даляраў за барэль.
Прэм’ер-міністар Літвы сацыял-дэмакрат Гінтаўтас Палуцкас заявіў, што ў сёньняшнім кантэксьце камэнтары міністра ўнутраных спраў Уладзіслава Кандратовіча аб блізкасьці беларусаў да літоўцаў гучаць дзіўна. Пра гэта інфармуе LRT.
Тысячы людзей выйшлі 12 студзеня ў сталіцы Румыніі, Бухарэсьце, на пратэст супраць скасаваньня вынікаў першага туру прэзыдэнцкіх выбараў у сьнежні.
«Магу пацьвердзіць, што культурна самая блізкая краіна для Літвы — гэта, вядома, Беларусь. Агульная гісторыя, агульная культура, агульны Статут [Вялікага Княства Літоўскага]», — сказаў новы міністар.
Міністар замежных спраў Францыі Жан-Наэль Баро заявіў, што Эўразьвяз не дапусьціць уварваньня ў свае межы іншых краін, хто б гэта ні быў.
8 студзеня беларуская дэмакратычная лідэрка Сьвятлана Ціханоўская пачала працоўны візыт у Варшаву з сустрэчы з Дональдам Тускам – прэм’ер-міністрам Польшчы.
У Варшаве працягваецца пратэст фэрмэраў. Некалькі тысяч чалавек сабраліся каля офісу Эўракамісіі, перадае карэспандэнт украінскай службы Радыё Свабода.
Зарэгістраваная на Кіпры кампанія ROSTUMEL HOLDING LIMITED унесеная ў санкцыйны сьпіс Міністэрства ўнутраных спраў і адміністрацыі (МУСіА) Польшчы на патрабаваньне кіраўніка Нацыянальнай падатковай адміністрацыі (НПА) за гандаль карбамідам вытворчасьці ААТ «Гродна Азот», піша «Позірк».
Упаўнаважаны орган уладаў Чэхіі, функцыі якога адпавядаюць беларускім органам ЗАГС, а канкрэтна Matriční úřad прыняў рашэньне, што Ян і Ларыса Геніюшы былі і бесперапынна заставаліся чэхаславацкімі грамадзянамі. Фактычна гэта азначае, што іх выдача з Чэхаславаччыны ў савецкі Гулаг была незаконнай.
Якую палітыку вядзе Нямеччына адносна Беларусі? Ці гатовыя нямецкія палітыкі размаўляць з Лукашэнкам?
У Магдэбургу ў цэнтральнай частцы Нямеччыны аўтамабіль уехаў у натоўп на калядным рынку, паведамляюць нямецкі друк і міжнародныя агенцтвы, у тым ліку Reuters.
Пракуратура Ляйпцыгу адмовілася распачынаць крымінальную справу ў дачыненьні да дэпутата ад партыі «Альтэрнатыва для Нямеччыны» Ёрга Дорнау, які выкарыстоўваў працу беларускіх палітвязьняў.
Эстонія не прызнáе прэзыдэнцкія «выбары» ў Беларусі, заплянаваныя на 26 студзеня 2025 году, і іх вынікі. Гэта вынікае з камэнтара для ERR News генэральнага сакратара міністэрства замежных спраў гэтай краіны Ёнатана Всевіёва, піша «Позірк».
Урад Эстоніі ўхваліў прапанову міністра замежных спраў краіны Маргуса Цахкны аб забароне для моладзі ва ўзросьце да 21 году ўдзельнічаць у мерапрыемствах на тэрыторыі Беларусі і Расеі.
У Польшчы цяпер знаходзяцца 350 былых беларускіх добраахвотнікаў, паведаміў былы баец палку імя Кастуся Каліноўскага, кіраўнік фонду Асацыяцыі беларускіх вэтэранаў Павал Мар’еўскі на сустрэчы зь віцэ-сьпікерам Сэнату Польшчы Міхалам Каміньскім.
Арыштаваны ў красавіку 2024 году прапаведнік эвангелісцкай царквы «Дабравесьце» Мікалай Хіла зьяўляецца мясцовым супрацоўнікам дэлегацыі ЭЗ у Беларусі. Суд над ім прызначаны на 23 сьнежня.
Пасьля поўнамаштабнага ўварваньня Расеі ва Ўкраіну ў суседніх з РФ краінах вырасла напружанасьць — NATO рыхтуецца да абароны ў выпадку, калі Расея нападзе на альянс, і адпрацоўвае розныя сцэнары нападу, у тым ліку сцэнары, у якіх беларускія войскі таксама ўдзельнічаюць у нападзе разам з расейскімі.
Апэляцыйны суд у Францыі абавязаў былога прэзыдэнта краіны Нікаля Сарказі яшчэ на працягу году насіць электронны бранзалет, каб праваахоўныя органы маглі сачыць за ягоным месцазнаходжаньнем.
Загрузіць яшчэ
