Кааліцыю ўпершыню ўзначаліць правая партыя N-VA. Прэм’ер-міністрам новага правацэнтрысцкага ўрада стане Барт Дэ Вэвэр, лідэр N-VA. 54-гадовы палітык да гэтага займаў пасаду мэра партовага горада Антвэрпэн.
Нягледзячы на тое, што ўрад фармуе правая N-VA, партыі цэнтрысцкага кшталту будуць захоўваць большасьць у кааліцыі. N-VA сфармуе кааліцыю разам зь лібэральнай партыяй MR, хрысьціянскімі дэмакратамі абодвух рэгіёнаў і флямандзкімі сацыял-дэмакратамі.
N-VA выступае за большую незалежнасьць Фляндрыі, галяндзкамоўнай часткі Бэльгіі, і настойвае на тым, каб яна і Валёнія, франкамоўная частка, існавалі як канфэдэратыўныя дзяржавы.
Форум