Як паведамляе «Эўраньюз», аб пачатку расьсьледаваньня ў аўторак заявіла сама Джорджа Мэлёні.
Яе абвінавачваюць у аказаньні дапамогі і пасобніцтве Асаму Наджыму, вядомаму як Асама аль-Масры. Паводле італьянскай прэмʼер-міністаркі, расьсьледаваньне вядзецца таксама ў дачыненьні да міністраў юстыцыі і ўнутраных спраў Італіі Карлё Нордыё і Матэо Пʼянтэдозі.
Джорджа Мэлёні пракамэнтавала абвінавачаньні:
«Тое, што было праўдай учора, дакладна і сёньня: мяне немагчыма шантажаваць і мяне немагчыма запалохаць».
Апазыцыя раскрытыкавала ўрад Мэлёні за вызваленьне аль-Масры з фармальных прычынаў пасьля таго, як яго арыштавалі ў Турыне па ордэры МУС. З крытыкай таксама выступілі Міжнародны крымінальны суд і праваабарончыя групы.
Форум