У Гомелі дарадца амбасады ЗША ў палітычных і эканамічных пытаньнях Дэвід Страшной сустрэўся з гомельскімі дэмакратычнымі актывістамі.
Міністэрствы ўнутраных спраў, па падатках і зборах ды іншыя афіцыйныя арганізацыі ў гэтыя дні правяраюць дакумэнты патэнцыйных кандыдатаў у прэзыдэнты Беларусі.
У Менску і рэгіёнах улады вызначылі месцы і памяшканьні для правядзеньня сустрэч кандыдатаў у прэзыдэнты Беларусі з выбарцамі, а таксама для перадвыбарных сходаў, якія арганізуюць выбарцы.
Рэгістрацыя кандыдатаў у прэзыдэнты адбудзецца 18 лістапада а 12-й гадзіне ў залі № 7 менскага Палаца рэспублікі. Аднак ня ўсе кандыдаты возьмуць удзел ва ўрачыстасьці.
Мясцовыя выканкамы Берасьцейскай вобласьці вызначылі месцы для правядзеньня сустрэчаў выбаршчыкаў з кандыдатамі. У Баранавіцкім парку, дзе дазволеныя выбарчыя мерапрыемствы, праводзяцца рамонтныя працы.
З 85 скаргаў у суды пра неўключэньне 413 чалавек у склад участковых выбарчых камісіяў 83 пакінутыя без задавальненьня. Дзьве скаргі яшчэ не разгледзелі.
Лідэр кампаніі "Гавары праўду!" знаходзіцца зараз з візытам у Чэхіі. Пра яго перамовы ў чэскай сталіцы распавёў кіраўнік выбарчага штабу Някляева Андрэй Дзьмітрыеў.
Камісія пагадзілася паставіць празрыстыя скрыні на ўсіх участках для галасаваньня, калі знойдуцца спонсары, каб прафінансаваць гэтую ініцыятыву.
Актывісты грамадзянскай кампаніі «Гавары праўду» правялі пэрформанс «За празрыстыя выбары», які скончыўся затрыманьнем двух актывістаў і канфіскацыяй налепак з надпісам: «Хаваць трэба сьмецьце, а не галасы!»
На сёньня ў рэгіёнах Беларусі выдаюцца 13 недзяржаўных грамадзка-палітычных выданьняў. Дзяржаўных газэт — у дзесяць разоў больш. Як адны і другія асьвятляюць выбарчую кампанію?
Зьвесткі аб прыбытках і маёмасьці кандыдатаў у прэзыдэнты будуць агучаныя падчас іх рэгістрацыі на пасяджэньні Цэнтравыбаркаму.
Бюро Дэмакратычных інстытутаў і правоў чалавека (БДІПЧ) АБСЭ сёньня адкрыла місію дзеля назіраньня за прэзыдэнцкімі выбарамі ў Беларусі, прызначанымі на 19 сьнежня.
Актывісты грамадзянскай кампаніі "Гавары праўду" ладзілі вулічную акцыю "Хаваць трэба сьмецьце, а не галасы".
Кіраўнік місіі назіральнікаў БДІПЧ АБСЭ Герт Арэнс сустрэўся з старшынёй ЦВК Лідзіяй Ярмошынай. 40 доўгатэрміновых назіральнікаў з 18 краінаў сьвету прыедуць у Беларусь 17 лістапада.
Дату рэгістрацыі назвала старшыня Цэнтральнай камісіі па выбарах і правядзеньні рэспубліканскіх рэфэрэндумаў Лідзія Ярмошына на сустрэчы з міжнароднымі назіральнікамі БДІПЧ АБСЕ.
Беларусь наведае эўракамісар па пытаньнях пашырэньня і эўрапейскай палітыцы суседзтва Штэфан Фюле, які плянуе сустрэцца з прадстаўнікамі грамадзянскай супольнасьці, зь кіраўніком МЗС С.Мартынавым і кіраўніком місіі назіральнікаў АБСЭ Г.Арэнсам.
Чарговы этап выбарчай кампаніі — рэгістрацыя кандыдатаў у прэзыдэнты — пройдзе з 14 па 23 лістапада. Дакумэнты на рэгістрацыю ў Цэнтарвыбаркам перадалі ўсе 11 прэтэндэнтаў.
Усе адзінаццаць прэтэндэнтаў падалі неабходныя дакумэнты на рэгістрацыю кандыдатамі на пасаду прэзыдэнта Беларусі. Пра гэта сёньня паведамілі ў Цэнтрвыбаркаме. Цяпер дакумэнты накіраваныя на праверку. Чым быў адметны мінулы тыдзень перадвыбарчай кампаніі?
12 лістапада ў Менску адбылася прэзэнтацыя маладзёжнай кампаніі "Грамадзянін".
Пра стварэньне Антыкарупцыйнага камітэту абвясьціў кандыдат у прэзыдэнты Віталь Рымашэўскі. Узначаліць гэту структуру прадпрымальнік з Бабруйску Вячаслаў Шэлег. З гэтай нагоды кандыдат у прэзыдэнты правёў прэсавую канфэрэнцыю.
На вуліцах беларускіх гарадоў і вёсак павялічваецца колькасьць афіцыйнай перадвыбарчай агітацыі. Практычна ўсе расьцяжкі, плякаты, білборды аформленыя па-расейску. Беларуская мова ігнаруецца.
У Менск прыбылі сябры місіі доўгатэрміновых назіральнікаў Бюро дэмакратычных інстытутаў і правоў чалавека АБСЭ на чале з паслом Гертам Арэнсам (Нямеччына).
Два апазыцыйныя кандыдаты на прэзыдэнта Ўладзімер Някляеў і Андрэй Саньнікаў заявілі пра дамову аб каардынацыі дзеяньняў у часе выбарчай кампаніі. Дамова зьяўляецца джэнтэльмэнскай, як паведамілі самі кандыдаты.
Экспэрты НІСЭПД на падставе нядаўна праведзенага нацыянальнага апытаньня робяць выснову: выбарчая кампанія актуалізавала зацікаўленьне беларусаў палітыкаю, аднак спадзяваньні на байкот выбараў альбо на паўтор сцэнару Плошчы чатырохгадовай даўніны -- марныя.
Бальшыня кандыдатаў у прэзыдэнты Беларусі ўжо перадала ў ЦВК камплект дакумэнтаў, неабходны для афіцыйнай рэгістрацыі. Згодна з заканадаўствам, апошні дзень здачы дакумэнтаў прыпадае на суботу, 13-га лістапада.
«Мы з Саньнікавым дамовіліся пра каардынацыю дзеля перамогі на выбарах», - заявіў журналістам кіраўнік кампаніі «Гавары праўду» Ўладзімер Някляеў.
На 11:30 менскага часу камплект дакумэнтаў на рэгістрацыю ў якасьці кандыдата ў прэзыдэнты Беларусі перадалі пяць прэтэндэнтаў.
Зарэгістраваны ў Літве Незалежны інстытут сацыяльна-палітычных і эканамічных дасьледаваньняў агучыў вынікі агульнанацыянальнага сацыялягічнага апытаньня, праведзенага ў кастрычніку.
Гомельскі гарвыканкам адмысловым рашэньнем вызначыў месцы для сустрэчаў з кандыдатамі ў прэзыдэнты і разьмяшчэньня агітацыйных матэрыялаў падчас сёлетняй выбарчай кампаніі.
12 лістапада ў Менск прыбывае місія доўгатэрміновых назіральнікаў Бюро па дэмакратычных інстытутах і правах чалавека АБСЭ. Як і ў часе папярэдніх палітычных кампаніяў — выбараў прэзыдэнта 2006 году і абраньня дэпутатаў Палаты прадстаўнікоў у 2008-м — групу ўзначаліць амбасадар Герт-Генрых Арэнс.
Распаўсюджаная Reuters інфармацыя пра тое, што прэзыдэнт Літвы Даля Грыбаўскайце лічыць, што толькі Лукашэнка можа гарантаваць палітычную і эканамічную стабільнасьць у Беларусі, камэнтуюць некаторыя кандыдаты на прэзыдэнта. <b>ВЫКАЖЫЦЕ СВАЁ МЕРКАВАНЬНЕ </b>
Спадзяваньні некаторых прадстаўнікоў беларускай апазыцыі на байкот маючых адбыцца 19 сьнежня прэзыдэнцкіх выбараў вельмі прывідныя. Да такой высновы прыйшлі спэцыялісты НІСЭПД.
Чым 11 лістапада займаліся магчымыя кандыдаты на прэзыдэнта?
Кастрычніцкі суд Магілёва не задаволіў скаргу няўрадавай арганізацыі «Магілёўскі праваабарончы цэнтар» на адміністрацыю аднайменнага раёну абласнога цэнтру. Скаржнікі намагаліся ўключэньня ва ўчастковыя камісіі сваіх прадстаўнікоў.
Уладзімер Някляеў прапанаваў беларускім прадпрымальнікам дапамагчы з набыцьцём празрыстых урнаў для галасаваньня.
Адлічаны на гэтым тыдні зь Міжнароднага гуманітарнага эканамічнага інстытуту студэнт 5 курсу і каардынатар ініцыятыўнай групы Ўладзімера Някляева Ўладзімер Кумец падае скаргу ў Міністэрства адукацыі Беларусі і пазоў у суд паводле факту службовага падлогу з боку супрацоўнікаў ВНУ.
Адхілены ад прэзыдэнцкіх выбараў віцебскі прадпрымальнік Уладзімер Правальскі, амаль усе подпісы якога былі забракаваны выбарчымі камісіямі, заявіў сёньня «Свабодзе», што не атрымаў пакуль ніякага афіцыйнага тлумачэньня. А калі атрымае, то паводле ягоных слоў, будзе абавязкова судзіцца.
Першамайскі РАУС праводзіць праверку фактаў падробкі подпісаў за Ўладзімера Правальскага, віцебскага патэнцыйнага кандыдата на прэзыдэнцкую пасаду.
10 лістапада Кастрычніцкі суд Магілёву разгледзіць тры скаргі на фармаваньне ўчастковых камісіяў. Партыя «Справядлівы сьвет», рух «БНФ «Адраджэньне» і «Магілёўскі праваабарончы цэнтар» праз суд будуць дамагацца ўключэньня ў камісіі сваіх прадстаўнікоў.
Суды Кастрычніцкага і Першамайскага раёнаў адхілілі скаргі 17 сябраў партыі «Справядлівы сьвет», якія ня трапілі ва ўчастковыя выбарчыя камісіі.
У Цэнтральным райсудзе Менску лідэр АГП Анатоль Лябедзька абвінаваціў адміністрацыю Цэнтральнага раёну Менску ў падрыхтоўцы да фальсыфікацыі вынікаў прэзыдэнцкіх выбараў.
10 з 11 патэнцыйных кандыдатаў на пасаду прэзыдэнта Беларусі прадставілі ў выбарчыя камісіі неабходныя для рэгістрацыі 100 тысяч якасных подпісаў. Пра гэта "Свабодзе" сёньня паведаміў сакратар ЦВК Мікалай Лазавік.
Індывідуальны прадпрымальнік зь Віцебску Ўладзімер Правальскі мае намер аспрэчваць вынікі праверкі тэрытарыяльнымі выбарчымі камісіямі подпісаў, сабраных у падтрымку яго вылучэньня кандыдатам у прэзыдэнты.
Апазыцыйныя кандыдаты на пасаду прэзыдэнта Беларусі гатовыя падпісаць "Пакт аб ненападзе", хаця на праекце "адзіны кандыдат" паставілі крыж.
У выбарчых камісіях па выбарах прэзыдэнта на 8 лістапада акрэдытаваныя 982 назіральнікі.
10 з 11 патэнцыйных кандыдатаў на пасаду прэзыдэнта Беларусі прадставілі ў выбарчыя камісіі неабходныя для рэгістрацыі 100 тысяч якасных подпісаў. Пра гэта "Свабодзе" паведаміў сакратар ЦВК Мікалай Лазавік. Паводле ягоных слоў, толькі прадпрымальнік з Віцебску Ўладзімер Правальскі ня справіўся з заданьнем – ён не прадставіў нават адну тысячу арыгінальных подпісаў у сваю падтрымку.
Як паведамілі ў Цэнтравыбаркаме, рэгістрацыя кандыдатаў у прэзыдэнты можа адбыцца 17-18 лістапада. І толькі тады кандыдаты атрымаюць права пачаць агітацыю. А чым будуць займацца да рэгістрацыі некаторыя дэмакратычныя кандыдаты?
Некалькі тыдняў таму жыхары васьмікватэрнага дома ў пасёлку Малеч накіравалі заяву ў Бярозаўскі райвыканкам з патрабаваньнем вырашыць іх камунальныя праблемы. Інакш яны ня пойдуць на выбары.
У Жлобінскім раённым судзе разгледзелі 6 скаргаў на фармаваньне ўчастковых выбарчых камісіяў.
На паседжаньні выбарчай камісіі Кастрычніцкага раёну старшыня камісіі Мікалай Канявалаў, яго намесьнік Уладзімер Арэхва і сакратар Ірына Мянчэня атрымалі віншаваньні. Усе трое абраныя дэлегатамі 4-га Ўсебеларускага сходу.
Загрузіць яшчэ
