Віцебскі прадпрымальнік Уладзімір Правальскі абскардзіў у Вярхоўны суд адмову Цэнтравыбаркаму ў рэгістрацыі яго кандыдатам у прэзідэнты Беларусі.
У кампаніі для абраньня прэзыдэнта Рэспублікі Беларусь пачаўся чарговы этап — агітацыя за кандыдатаў на найвышэйшую дзяржаўную пасаду. Цягам амаль месяца 10 прэтэндэнтаў будуць карыстацца магчымасьцю давесьці да выбарцаў сваю праграму.
Ці чакае Беларусь пераменаў? Каго бачаць беларускія выбарцы ў натоўпе кандыдатаў? Над гэтымі тэмамі ў “Праскім акцэнце” разважаюць Сяргей Астраўцоў, Юры Варонежцаў і Вольга Карач.
Сябра Беларускага Хэльсынскага камітэту Гары Паганяйла падаў у Вярхоўны суд скаргу на рашэньне Цэнтральнай выбарчай камісіі аб рэгістрацыі Аляксандра Лукашэнкі кандыдатам на прэзыдэнта.
Актывісты кампаніі "Праваабаронцы за свабодныя выбары" падсумавалі вынікі назіраньня за чарговым этапам выбарчай кампаніі.
Выступы кандыдатаў таксама можна будзе слухаць на нашым сайце. Штодня ў эфіры і на сайце – аналіз зьместу, рэакцыя слухачоў.
На асабістую сустрэчу з выбарцамі сёньня прыйшоў кандыдат у прэзыдэнты Андрэй Саньнікаў. Яго прыхільнікі ўсталявалі намёт каля Камароўскага рынку, разгарнулі бел-чырвона-белыя і эўрапейскія сьцягі, раздавалі сінія стужкі, газэты з інтэрвію кандыдата.
У менскім Доме літаратара на вуліцы Фрунзэ, 5 адчынілася грамадзкая прыёмная кандыдата Аляксандра Лукашэнкі. У першай палове дня на прыём запісалася каля пяцідзесяці грамадзянаў, якія прыйшлі найперш са сваімі скаргамі і нявырашанымі праблемамі.
Ад сёньня пачаўся этап агітацыі за кандыдатаў на прэзыдэнта. Ён будзе доўжыцца амаль месяц — да 18 сьнежня, апошняга дня перад галасаваньнем. Якім атрымаўся старт агітацыі, удакладняюць карэспандэнты «Свабоды».
19 лістапада рэпартаж расейскага тэлеканалу пра пачатак агітацыйнай кампаніі па выбарах прэзыдэнта Беларусі быў выразаны цэнзурай і не паказаны на тэрыторыі РБ.
Старшыня міжнароднага камітэту парлямэнту Чэскай Рэспублікі Давід Вадражка і ягоны намесьнік Ян Гамачак бачаць пэўныя знакі лібэралізацыі ў Беларусі. Аднак яны занепакоеныя тым, што прыкметы дэмакратызацыі могуць насіць толькі касмэтычны характар.
У выпусках навін трох агульнанацыянальных дзяржаўных тэлеканалаў у паведамленьнях аб рэгістрацыі кандыдатаў не была агучаная галоўная інфармацыя: хто ж змагаецца за пасаду прэзыдэнта.
Напярэдадні выбараў 19 сьнежня Свабода пацікавілася, што думаюць пра стан здароўя прэзыдэнта або прадстаўленьне кандыдатамі на прэзыдэнцкую пасаду адпаведных мэдычных даведак у ЦВК кандыдаты на прэзыдэнта Беларусі, як самі гэтыя людзі падтрымліваюць здаровы лад жыцьця і з чаго б яны пачалі зьмены ў айчыннай ахове здароўя.
"Выбарчая кампанія зьнешне праходзіць больш дэмакратычна, але што да выкарыстаньня адміністрацыйнага рэсурсу, тут лібэралізацыі ня бачна", — такую выснову зрабілі актывісты кампаніі "Праваабаронцы за справядлівыя выбары".
Кандыдат на прэзыдэнта Ўладзімер Някляеў 19 лістапада праводзіць у Варшаве, як ён выказаўся, "закрытыя сустрэчы".
Пра розныя аспэкты новага этапу выбарчай кампаніі ў ранішнім эфіры "Свабоды" гутарым з карэспандэнтам нашага радыё Валерам Каліноўскім.
Ад сёньняшняга дня кандыдаты на выбарах прэзыдэнта пачынаюць агітацыю. На тое, каб пераканаць выбарцаў, у іх ёсьць роўна месяц — да 19 сьнежня, калі адбудзецца галасаваньне.
Віталь Рымашэўскі выступіць у эфіры Белтэлерадыёкампаніі першым сярод кандыдатаў у прэзыдэнты.
Намесьнік старшыні Цэнтравыбаркаму Расеі Леанід Іўлеў узначаліць групу назіральнікаў ад расейскага ЦВК на прэзыдэнцкіх выбарах у Беларусі.
Пасьля рэгістрацыі дэмакратычных кандыдатаў у прэзыдэнты сустрэлі сябры іх ініцыятыўных групаў, якія сабраліся на Кастрычніцкай плошчы каля ўваходу ў Палац рэспублікі.
Цэнтральная выбарчая камісія правяла афіцыйную рэгістрацыю кандыдатаў у прэзыдэнты Беларусі. З 11-ці заяўнікаў іспыт вытрымалі 10,— усе, акрамя віцебскага прадпрымальніка Ўладзімера Правальскага. Такім чынам, зьявіўся новы рэкорд зарэгістраваных прэтэндэнтаў на прэзыдэнцкіх выбарах.
Пра гэта паведаміла старшыня ЦВК Лідзія Ярмошына пасьля працэдуры рэгістрацыі.
Выступы кандыдатаў у прэзыдэнты і дэбаты паміж імі будуць трансьлявацца ў жывым эфіры. Адпаведную пастанову прыняў Цэнтравыбаркам.
Кандыдат у прэзыдэнты ад Партыі БНФ Рыгор Кастусёў падаў у ЦВК заяву аб рэгістрацыі сваіх давераных асобаў. У сьпіс з 24 чалавек Рыгор Кастусёў уключыў палітвязьня Мікалая Аўтуховіча, які цяпер знаходзіцца за кратамі.
Онлайн-рэпартаж з Палацу Рэспублікі, дзе сёньня адбылася рэгістрацыя кандыдатаў на пасаду прэзыдэнта Беларусі. Зарэгістраваныя 10 кандыдатаў. ЦВК зацьвердзіў выбарчы бюлетэнь на галасаваньне 19 сьнежня і ўзяў дакумэнты на рэгістрацыю давераных асоб.
Аляксандар Лукашэнка сёньня наведае Парк высокіх тэхналёгій у Менску. Аб гэтым БелТА паведамілі ў прэс-службе беларускага кіраўніка.
18 лістапада ў Парыжы на паседжаньні Палітычнага камітэту Парлямэнцкай асамблеі Рады Эўропы (ПАРЭ) будзе абмяркоўвацца сытуацыя ў Беларусі. У пасяджэньні возьмуць удзел прадстаўнікі беларускіх уладаў і апазыцыі.
18 лістапада Цэнтральная выбарчая камісія будзе ўручаць афіцыйныя пасьведчаньні кандыдата ў прэзыдэнты Беларусі. На найвышэйшую афіцыйную пасаду краіны прэтэндуюць 11 чалавек. Але ўжо можна сьмела казаць, што іх будзе ня болей за 10.
У Менску зь візытам знаходзіўся намесьнік памочніка дзяржаўнага сакратара ЗША Дэніэл Расэл. Ён сустрэўся зь некаторымі кандыдатамі ў прэзыдэнты ад апазыцыйных партыяў і дэмакратычных рухаў, а таксама з прадстаўнікамі недзяржаўных арганізацыяў.
У Віцебску на чыгуначным мосьце ў раёне Лучосы зьявіўся бел-чырвона-белы сьцяг. Ён быў добра відаць з шашы, якая праходзіць унізе.
У Менску з аднадзённым візытам знаходзіцца намесьнік памочніка дзяржаўнага сакратара ЗША Дэніэл Расэл. У яго маюць адбыцца сустрэчы зь міністрам замежных спраў Беларусі Сяргеем Мартынавым, некаторымі кандыдатамі ў прэзыдэнты ад апазыцыйных палітычных партыяў і дэмакратычных рухаў.
17 лістапада пачнецца агітацыйная кампанія. Але як высьветлілі нашыя карэспандэнты, у штабах апазыцыйных кандыдатаў яшчэ ня маюць дакладных плянаў агітацыйнай працы ў рэгіёнах.
Сёньня цягам дня доўгатэрміновыя назіральнікі Бюро па дэмакратычных інстытутах і правах чалавека АБСЭ прыбудуць у Беларусь.
Адразу пасьля рэгістрацыі, якая пройдзе 18 лістапада ў Палацы рэспублікі, дэмакратычныя кандыдаты ў прэзыдэнты распачнуць агітацыйную кампанію. У чым яе асаблівасьці?
У Гомелі дарадца амбасады ЗША ў палітычных і эканамічных пытаньнях Дэвід Страшной сустрэўся з гомельскімі дэмакратычнымі актывістамі.
Міністэрствы ўнутраных спраў, па падатках і зборах ды іншыя афіцыйныя арганізацыі ў гэтыя дні правяраюць дакумэнты патэнцыйных кандыдатаў у прэзыдэнты Беларусі.
У Менску і рэгіёнах улады вызначылі месцы і памяшканьні для правядзеньня сустрэч кандыдатаў у прэзыдэнты Беларусі з выбарцамі, а таксама для перадвыбарных сходаў, якія арганізуюць выбарцы.
Рэгістрацыя кандыдатаў у прэзыдэнты адбудзецца 18 лістапада а 12-й гадзіне ў залі № 7 менскага Палаца рэспублікі. Аднак ня ўсе кандыдаты возьмуць удзел ва ўрачыстасьці.
Мясцовыя выканкамы Берасьцейскай вобласьці вызначылі месцы для правядзеньня сустрэчаў выбаршчыкаў з кандыдатамі. У Баранавіцкім парку, дзе дазволеныя выбарчыя мерапрыемствы, праводзяцца рамонтныя працы.
З 85 скаргаў у суды пра неўключэньне 413 чалавек у склад участковых выбарчых камісіяў 83 пакінутыя без задавальненьня. Дзьве скаргі яшчэ не разгледзелі.
Лідэр кампаніі "Гавары праўду!" знаходзіцца зараз з візытам у Чэхіі. Пра яго перамовы ў чэскай сталіцы распавёў кіраўнік выбарчага штабу Някляева Андрэй Дзьмітрыеў.
Камісія пагадзілася паставіць празрыстыя скрыні на ўсіх участках для галасаваньня, калі знойдуцца спонсары, каб прафінансаваць гэтую ініцыятыву.
Актывісты грамадзянскай кампаніі «Гавары праўду» правялі пэрформанс «За празрыстыя выбары», які скончыўся затрыманьнем двух актывістаў і канфіскацыяй налепак з надпісам: «Хаваць трэба сьмецьце, а не галасы!»
На сёньня ў рэгіёнах Беларусі выдаюцца 13 недзяржаўных грамадзка-палітычных выданьняў. Дзяржаўных газэт — у дзесяць разоў больш. Як адны і другія асьвятляюць выбарчую кампанію?
Зьвесткі аб прыбытках і маёмасьці кандыдатаў у прэзыдэнты будуць агучаныя падчас іх рэгістрацыі на пасяджэньні Цэнтравыбаркаму.
Бюро Дэмакратычных інстытутаў і правоў чалавека (БДІПЧ) АБСЭ сёньня адкрыла місію дзеля назіраньня за прэзыдэнцкімі выбарамі ў Беларусі, прызначанымі на 19 сьнежня.
Актывісты грамадзянскай кампаніі "Гавары праўду" ладзілі вулічную акцыю "Хаваць трэба сьмецьце, а не галасы".
Кіраўнік місіі назіральнікаў БДІПЧ АБСЭ Герт Арэнс сустрэўся з старшынёй ЦВК Лідзіяй Ярмошынай. 40 доўгатэрміновых назіральнікаў з 18 краінаў сьвету прыедуць у Беларусь 17 лістапада.
Дату рэгістрацыі назвала старшыня Цэнтральнай камісіі па выбарах і правядзеньні рэспубліканскіх рэфэрэндумаў Лідзія Ярмошына на сустрэчы з міжнароднымі назіральнікамі БДІПЧ АБСЕ.
Беларусь наведае эўракамісар па пытаньнях пашырэньня і эўрапейскай палітыцы суседзтва Штэфан Фюле, які плянуе сустрэцца з прадстаўнікамі грамадзянскай супольнасьці, зь кіраўніком МЗС С.Мартынавым і кіраўніком місіі назіральнікаў АБСЭ Г.Арэнсам.
Загрузіць яшчэ
