Пра стварэньне Антыкарупцыйнага камітэту абвясьціў кандыдат у прэзыдэнты Віталь Рымашэўскі. Узначаліць гэту структуру прадпрымальнік з Бабруйску Вячаслаў Шэлег. З гэтай нагоды кандыдат у прэзыдэнты правёў прэсавую канфэрэнцыю.
На сустрэчу з журналістамі прыйшлі людзі, якія асабіста пацярпелі ад карупцыянэраў. Той жа Вячаслаў Шэлег расказаў, што двое сьледчых, якія вялі яго справу, цяпер самі знаходзяцца за кратамі. Яны асуджаныя за сыстэматычнае вымаганьне і атрыманьне хабару. Суд прызнаў, што маёмасьць бабруйскага прадпрымальніка распрададзеная незаконна. І яму дзяржава павінна кампэнсаваць страты. Аднак гэтае судовае рашэньне не выконваецца.
Кіраўнік зарэгістраванай у Беларусі чарнобыльскай арганізацыі «Дапамога» Валеры Зайцаў прывёў шмат фактаў, калі ў Гомельскай вобласьці сапраўдных ліквідатараў пазбавілі ільгот, а чыноўнікі, якія мелі ўскоснае дачыненьне да Чарнобыльскай катастрофы, такімі ільготамі карыстаюцца. І дамагчыся праўды грамадзкая арганізацыя нідзе ня можа.
Прадпрымальнік з Ваўкавыску Валеры Ціханаў прынёс ксэракопіі ўласнага расьсьледаваньня, якое ён вядзе ўжо 8 гадоў. Ён даказвае, што пры будаўніцтве кватэр у горадзе немалыя грошы абмінаюць дзяржаўную скарбонку і асядаюць у кішэнях чыноўнікаў.
Кандыдат у прэзыдэнты публічна паабяцаў дамагчыся гучнасьці гэтых ды іншых спраў. А таксама заявіў, што ў выпадку перамогі на выбарах зьнішчыць карупцыю. Гэтыя абяцаньні і далі мне падставу спытаць спадара Рымашэўскага, ці не ідзе ён тым жа шляхам, што і Аляксандар Лукашэнка напярэдадні першых прэзыдэнцкіх выбараў? І ці можна правесьці тут нейкія паралелі?
«Можна сказаць, што гэта лягічны працяг. Лукашэнка казаў, што ён збавіць Беларусь ад карупцыі. Я кажу пра тое, што мы разам пераадолеем карупцыю ў Беларусі. Адзін чалавек ня можа быць збаўцам. Ёсьць толькі адзін збаўца — Ісус Хрыстос.
Зрабіць грамадзтва лепшым, пераадолець карупцыю мы можам толькі супольна. Для гэтага і ўтвараецца гэты камітэт. Для гэтага мы будзем рабіць акцэнт на барацьбу з карупцыяй у кожным канкрэтным рэгіёне. Баранавічы, Лепель, Бабруйск, Калінкавічы — паверце, тут паўсюды комплекс жахлівых праблем. І мы будзем старацца іх вырашыць».
Сярод тых, хто сёньня выступаў на прэсавай канфэрэнцыі, быў і член-карэспандэнт Нацыянальнай акадэміі навук Беларусі Іван Нікітчанка. Чаму гэты знакаміты экспэрт працуе менавіта зь Віталём Рымашэўскім?
«Я далучыўся да Віталя чаму? Таму што ў яго аднаго, з усіх кандыдатаў, узьнікла пытаньне па Чарнобыльскай праблеме. І ён па рэгіёнах чарнобыльскіх праехаў. І таму я лічу, што калі ўлічыць яго веру, яго дзелавыя якасьці, Віталь, калі яму дапамагчы, давядзе гэту праблему да канца».
На сустрэчу з журналістамі прыйшлі людзі, якія асабіста пацярпелі ад карупцыянэраў. Той жа Вячаслаў Шэлег расказаў, што двое сьледчых, якія вялі яго справу, цяпер самі знаходзяцца за кратамі. Яны асуджаныя за сыстэматычнае вымаганьне і атрыманьне хабару. Суд прызнаў, што маёмасьць бабруйскага прадпрымальніка распрададзеная незаконна. І яму дзяржава павінна кампэнсаваць страты. Аднак гэтае судовае рашэньне не выконваецца.
Кіраўнік зарэгістраванай у Беларусі чарнобыльскай арганізацыі «Дапамога» Валеры Зайцаў прывёў шмат фактаў, калі ў Гомельскай вобласьці сапраўдных ліквідатараў пазбавілі ільгот, а чыноўнікі, якія мелі ўскоснае дачыненьне да Чарнобыльскай катастрофы, такімі ільготамі карыстаюцца. І дамагчыся праўды грамадзкая арганізацыя нідзе ня можа.
Прадпрымальнік з Ваўкавыску Валеры Ціханаў прынёс ксэракопіі ўласнага расьсьледаваньня, якое ён вядзе ўжо 8 гадоў. Ён даказвае, што пры будаўніцтве кватэр у горадзе немалыя грошы абмінаюць дзяржаўную скарбонку і асядаюць у кішэнях чыноўнікаў.
Кандыдат у прэзыдэнты публічна паабяцаў дамагчыся гучнасьці гэтых ды іншых спраў. А таксама заявіў, што ў выпадку перамогі на выбарах зьнішчыць карупцыю. Гэтыя абяцаньні і далі мне падставу спытаць спадара Рымашэўскага, ці не ідзе ён тым жа шляхам, што і Аляксандар Лукашэнка напярэдадні першых прэзыдэнцкіх выбараў? І ці можна правесьці тут нейкія паралелі?
Лукашэнка казаў, што ён збавіць Беларусь ад карупцыі. Я кажу пра тое, што мы разам пераадолеем карупцыю ў Беларусі. Адзін чалавек ня можа быць збаўцам. Ёсьць толькі адзін збаўца — Ісус Хрыстос.
«Можна сказаць, што гэта лягічны працяг. Лукашэнка казаў, што ён збавіць Беларусь ад карупцыі. Я кажу пра тое, што мы разам пераадолеем карупцыю ў Беларусі. Адзін чалавек ня можа быць збаўцам. Ёсьць толькі адзін збаўца — Ісус Хрыстос.
Зрабіць грамадзтва лепшым, пераадолець карупцыю мы можам толькі супольна. Для гэтага і ўтвараецца гэты камітэт. Для гэтага мы будзем рабіць акцэнт на барацьбу з карупцыяй у кожным канкрэтным рэгіёне. Баранавічы, Лепель, Бабруйск, Калінкавічы — паверце, тут паўсюды комплекс жахлівых праблем. І мы будзем старацца іх вырашыць».
Сярод тых, хто сёньня выступаў на прэсавай канфэрэнцыі, быў і член-карэспандэнт Нацыянальнай акадэміі навук Беларусі Іван Нікітчанка. Чаму гэты знакаміты экспэрт працуе менавіта зь Віталём Рымашэўскім?
«Я далучыўся да Віталя чаму? Таму што ў яго аднаго, з усіх кандыдатаў, узьнікла пытаньне па Чарнобыльскай праблеме. І ён па рэгіёнах чарнобыльскіх праехаў. І таму я лічу, што калі ўлічыць яго веру, яго дзелавыя якасьці, Віталь, калі яму дапамагчы, давядзе гэту праблему да канца».
