د امریکا د متحدو ایالتونو ولسمشر ډونالډ ټرمپ پرون (شنبې) په مریلنډ کې د امریکا د محافظهکارانو په لویه غونډه کې یو ځل بیا په افغانستان کې د پاتې امریکايي وسلو د بېرته ترلاسه کولو پر اړتیا ټینګار وکړ.
په ترکيه کې یو شمېر افغان کډوالې وایي چې له ګڼو ستونزو لکه د قانوني اسنادو نشتوالی، د کار نهلرل، روغتیایي او تعلیمي خدماتو ته نهلاسرسی، او د شړلو له ګواښ سره مخامخ دي.
د پاکستان د صدراعظم مرستیال او د بهرنیو چارو وزیر اسحق ډار وايي دوی ته اړ شول چې له افغانستانه د بریدونو په اړه عکس العمل وښيي.
د جرمني د فیبرورۍ ۲۳ سراسري ټاکنو ته د نږدې کېدو سره، د جرمني لپاره بدیل (AfD) ګوند د لا زیات ملاتړ ترلاسه کولو په حال کې دی، خو هممهاله له سختو مخالفتونو سره هم مخامخ دی. خلک دا ګوند تورنوي چې د کډوالو له لوري د تاوتریخوالي پېښو څخه د سیاسي موخو لپاره ګټه اخلي.
په افغانستان کې یو شمېر ښځې او نجونې وایي چې د وینې په کمښت اخته شوي خو د اقتصادي ستونزو له امله نه شي کولای درملنه نه شي کولی.
په بادغس کې د طالبانو د حکومت د عامې روغتیا ریاست په دې ولایت کې د ګوزڼ (پولیو) د یوې مثبتې پېښې خبر ورکړى.
د افغانستان د آزادهګانو د ملي جبهې په نوم یوه بنسټ له نړیوالې جزایي محکمې په افغانستان کې په جنګي جرمونو د تورونو کسانو د نیولو غوښتنه کړې.
د افغانستان د کرکټ ملي لوبډلې د چمپینز ټرافي د لوبو په لړۍ کې خپله لومړۍ لوبه د جنوبي افریفا سیالې لوبډلې ته په لوی توپیر وبایلله.
د روغتیايي خدماتو چتر هیلت کلسټر وايي، د امریکا د نړیوالو مرستو له بندیدو سره په تقریبا ټول افغانستان کې څه کم دوه نیم میلیون خلک له روغتیايي خدماتو بې برخې شوې دي.
د امریکا د بهرنیو چارو وزیر مارک روبیو د (د فبرورۍ ۲۰) له کاناډایي-امریکایي خبریالې کاترین هریج سره په ځانګړې مرکه کې د طالبانو له لوري د ترهګرو ډلو د ځپلو پر څرنګوالي خبرې کړې دي. نوموړي ویلي، طالبان په ځینو مواردو کې د ترهګرۍ ضد همکاري کوي، خو په ځینو نورو کې بیا دا همکاري نه تر سترګو کېږي.
له امریکا د ناقانونه کډوالو د ایستلو په اړه د دغه هېواد د ولسمشر ډونالډ ټرمپ له اجرایوي فرمان او ځینو هېوادونو ته د هغوی د لېږد په اړه د راپورونو له خپرېدو وروسته یو شمېر هغه افغان کډوال چې په ناقانونه توګه امریکا ته ننوتي له یاد هېواده یې د ایستلو په اړه اندېښمن دي.
نور راوښيه
