سرچینې وايي د طالبانو د حکومت پلاوی د سه شنبې په ورځ بروکسل ته خوځیږي. دغه سفر چې د اروپايي کمیسیون په بلنه ترسره کیږي له ګڼو اعتراضونو سره مخ شوی دی. داسفر په داسې مهال ترسره کیږي چې ګڼو اروپايی هیوادونو نیت څرګند کړی چې افغانستان ته د ځینو افغان کډوالو د ستنولو لړۍ ګړندۍ کړي.
د متحده عربي اماراتو په جبل علي او ځینو نورو سیمه ییزو بندرونو کې لا هم د افغان سوداګرو زرګونه کانټینرونه بند پاته دي. د دې کار لاملونه د منځني ختیځ شخړې او د سیمې پر ټرانزیټي لارو لګول شوي محدودیتونه دي.
په خیبر پښتونخوا کې میشت افغان ساز غږونکي او سندرغاړي وايي د زده کړو په برخه کې د خپلو ماشومانو راتلونکي ته سخت اندېښمن دي. د دوی په خبره په دولتي ښوونځیو کې کډوالو ماشومانو ته د زده کړو اجازه نه ورکول کیږي او په شخصي ښوونځیو کې یې دوی د لګښتونو توانايي نه لري.
د کډوالو نړیواله ورځ نن په داسي حال کې نمانځل کېږي، چې لا هم افغانان یو له هغو ملتونو څخه دي چې ډېر کډوال لري او له سختو شرایطو سره مخامخ دي.
افغانستان کې د طالبانو حکومت وايي تیره شپه یې بلوچستان او خیبرپختونخوا ایالتونو کې د داعشیانو مراکز په نښه کړې دي. د پاکستان پوځ چې یوه اونۍ مخکې یې د افغانستان په دریو ولایتونو کونړ، خوست او پکتیکا هوايي بریدونه کړي وو تراوسه یې دتیرې شپې د بریدونو په هکله څه نه دي ویلي.
د ازبکستان ولسشمر شوکت میرضیایف د تاشکند د پانګونې فورم ته وویل چې هیواد یې دترانس- افغان د ریللارې په پروژې عملا کار کوي. دغه پروژه چې د منځنۍ اسیا هیوادونه د افغانستان او پاکستان له لارې سمندري بندرونو سره تړي کارپوهان یې د سیمې د اقتصادي تحول لپاره ډیره مهمه ګڼي.
نور راوښيه
