د افغانستان په ګڼو سیمو په تېره بیا جنوب لویدیځو برخو کې دا څو ورځې تر شدیدو توپانونو او بارانونو وروسته سېلونه راوتلي دي. سېلونو، توپانونو او ږلیو یواځې په فراه، هلمند او کندهار کې لږ تر لږه ۴۰ کسان مړه او شاوخوا ۵۰ نور ټپیان کړي دي.
په جرمني کې د فبروري د ۲۳ نېټې په پارلماني انتخاباتو کې د مسیحي محافظه کار ایتلاف په بریالیتوب، او د کډوالو په اړه یې د مشر فردریش مرتس له یو څه نرمو څرګندونو ورسته، د ځينو افغان فعالانو په خبره، اوس د افغان کډوالو اندېښتېې تر یو بریده لرې شوې دي.
د طالبانو حکومت د ترانسپورت او هوايي چلند وزارت د هوا پېژندنې ادارې د سالنګونو په ګډون د افغانستان په ۲۹ ولایتونو، کې د سختو اورښتونو او بادونو اټکل کړی دی.
د افغان کډوالو د جبرې ایستلو په اړه د اندېښنو په دوام د بشري حقونو د ملاتړو او مدني فعالانو ۳۹ افغان بنسټونو د پاکستان حکومت ته یو سر خلاصی لیک لیږلی دی.
د پاکستان د بهرنیو چارو وزارت د تورخم له تړلو شاوخوا یوه اونۍ وروسته، افغان طالبان په دې تورن کړل چې هڅه کوي د پاکستان په خاوره کې امنیتي پوستې جوړې کړي. خو په ننګرهار کې د طالبانو چارواکي وايي چې تورخم د پاکستان له خوا په یو اړخیزه توګه تړل شوی دی.
دخوړو نړیوال پروګرام وايي سره له دې چې د ځینو توکو بیې يو څه ټیټې شوي، خو په ټوله کې په افغانستان کې د ژوند لګښت لا هم لوړ دی او د ډېری اړینو توکو بیې لاهم له کورونا او د ۲۰۲۱ کال له سیاسي بدلون د مخکې پرتله لوړې دي.
په افغانستان کې د ملګرو ملتونومرستندوی ماموریت یا یوناما وایي ښځې او ماشومان په دغه هېواد کې د اوبو د ناورین تر ټولو زیات زیان ګالي.
د عمان په مېدلیست کالج کې لسګونه افغانې محصلينې چې د متحده ايالاتو په مرسته يې د " ډبليو اس اي" بورسيې تر لاسه کړې وې وايي چې د دې پروګرام مالي ملاتړ بند شوی او دوی اوس له دې هيواده د ایستلو له ګواښ سره مخ دي.
یو شمېر افغانې ښځې او نجونې وايي وایي د طالبانو د حکومت له خوا پر دوی د لګېدلو محدودیتونو له امله په افغانستان کې د ګڼو نورو بشري اړتیاوو تر څنګ یې په ځېنو برخو کې ان ژوند ژغورونکو حیاتي روغتیایي خدمتونو ته لاسرسی سخت او ستونزو سره مخ شوي دي.
د اروپایي ټولنې، بریتانیا او نورو هېوادونو استازو له طالبانو غوښتي دي چې پر نجونو او ښځو لګېدلي محدودیتونه لیرې کړي او د نړیوالو قوانینو په اساس د افغانستان پر ژمنو عمل وکړي.
د افغانستان او پاکستان ترمنځ د تورخم دروازې له تړل کېدو یوه اوونۍ اوړي، خو لا یې هم د خلاصېدو په اړه په خبرو کې کوم پرمختګ نه دی شوی. له دې امله دواړو غاړو ته مساپرو او سوداګر له جدي ستونزو سره مخ دي.
نور راوښيه
