د هرات د سیمهییز روغتون مسؤلین وایي، په دغه ولایت کې د سرطاني ناروغانو شمېر ۳۰ سلنه زیات شوی دی.
د ملګرو ملتونو سرمنشي انتونیو ګوتیریش له حماس ډلې غوښتنه کړې چې د اسراییلي برمته وو د خوشې کولو بهیر ونه دروي او د اوربند له موافقې سره سم پر خپلو ژمنو عمل وکړي.
په کندز ښار کې نن سهار یوې چاودنې، د طالب چارواکو په وینا، ۵ کسان وژلي او ۷ نور یې ټپیان کړي دي.
په کندهار کې ورځني مزدوران وايي، د کار نشتوالي او اقتصادي ستونزو یې ژوند له ګڼو ننګونو سره مخ کړی دی. د دوی په وینا، له سهار تر ماښامه د کار په لټه کې وي، خو اکثره ورځو د مزدورۍ په موندلو بریالي نهشي.
د امریکا ولسمشر خبرداری ورکړ چې د حماس د سخت دریځې ډلې لخوا نیول شوي ټول اسراییلي یرغمل باید د شنبې تر غرمې پورې خوشې شي که نه د غزې د اوربند تړون باید لغوه شي.
د شاون وانډایور په مشرۍ د افغان ایواک په نوم د امریکا د اوسنیو او پخوانیو پوځیانو یوې ډلې د امریکا د بهرنیو چارو وزیر مارکو روبیو او دفاع وزیر پیټ هیګسیت ته لیک استولی او په هغه کې یې د افغانانو د بیا مېشتېدنې د پروګرام ځنډول د متحدوایالتونو ملي امنیت ته ګواښ بللی دی.
امریکا د داعش د خراسان څانګې د وړتیاوو او فعالیتونو په اړه، چې په افغانستان او سیمه کې پراخ شوي، اندېښنه څرګنده کړې ده.
په کابل کې د ایران د سفارت سرپرست، علي رضا بیکدلي، وايي چې د افغانستان او ایران ترمنځ د اوبو اوږدمهاله شخړه د وروستیو بریالیو خبرو اترو له لارې حل شوې ده. نوموړي ویلي، د طالبانو د حکومت چارواکو ایران ته ډاډ ورکړی چې د سیستان او بلوچستان ولایت د اوبو د ستونزې په حل کې به لازمه همکاري وکړي.
د امریکا ولسمشر ډونالډ ټرمپ ویلي نن دوشنبه د فولادو او المونیمو په وارداتو ۲۵ فیصده تعرفه وضعه کوي. کاناډا تر ټولو زیات فولاد امریکا ته صادروي.
په افغانستان کې د داعش د ګواښونو په اړه د ملګرو ملتونو له ځانګړې غونډې سره همهاله یو شمېر هغه کسان چې د کورنۍ غړي یې د اسلامي دولت خراسان څانګې یا داعش ډلې په بریدونو کې وژل شوي، وايي نړیوال باید په افغانستان کې د جنګ جګړو د مخینوي لپاره له افغانانو سره په رښتیني توګه مرسته وکړي.
د ډونالد ټرمپ د ملي امنیت سلاکار مایک والټز تازه له امریکایي رسنۍ اېن بي سي نیوز سره په مرکه کې ادعا کړې ده چې طالبان په افغانستان کې دملګرو ملتونو په قراردادونو کې لاسوهنې کوي. مخکې طالبانو تل ویلي چې افغانستان ته هر ډول مرستې د ملګرو ملتونو له لارې تر اړمنو رسول کېږي.
د ملګرو ملتونو د بشري مرستو دفتر ویلي چې د اوربند له پیل راهیسې له ۱۲،۶۰۰ څخه زیاتې مرستندویه لارۍ غزې ته داخلې شوې دي. د ملګرو ملتونو د بشري مرستو مشر ویلي چې په غزه کې د قحطۍ څخه تر ډیره حده مخنیوی شوی دی خو هغه خبرداری ورکړی چې که اوربند مات شي نو د قحطۍ ګواښ بیرته زیاتېدای شي.
نور راوښيه
