Мексиканын бийлиги АКШдан артка кайтарылган жарандары үчүн баш калкалоочу жайларды даярдап, бирок президент Клаудия Шейнбаум үчүнчү өлкөлөрдүн мигранттары кабыл алынбай турганын билдирди. Өз кезегинде Дональд Трамп Мексика менен чек арага бир жарым миң аскерди жөнөтүү тууралуу буйрукка кол койду.
Президент Жапаров атайын кызматтын төрагасы Камчыбек Ташиевдин кримтөбөл Камчы Көлбаевдин бир жыл мурун жок кылынганы тууралуу сөзүнө түшүндүрмө берди. Ал коопсуздугунан улам сыртка чыгып кеткенин айткан укук коргоочу Абдирасуловага да токтолуп, ага эч кандай коркунуч жоктугун билдирди.
Жогорку Кеңештеги "Ата-Журт - Кыргызстан" фракциясынын депутаты Жеңишбек Токторбаев Оштун мэри болуп дайындалды. Саясатка ишкерликтен келген Токторбаев Улуттук коопсуздук комитетинин төрагасы Камчыбек Ташиевдин жакын санаалашы катары белгилүү.
Шылуундарга алданып, малын жана автоунаасын алдырып жибергенин айткан жарандар "Азаттыкка" кайрылышты. Алар былтыр май айынан бери милициядан жардам сурап, бирок жыйынтык чыкпай келгенин, чыгашасы 5 млн сомдон ашканын билдиришкен. ИИМ окуянын чоо-жайы териштирилип жатканын маалымдады.
Президент Садыр Жапаров айыл-кыштактардын аталышын өзгөртүү боюнча дагы бир мыйзамга кол койду. Анда тогуз айылдын аталышы өзгөргөн.
Коопсуздугуна коркунуч жаралганын айтып, өлкөдөн чыгып кеткенин билдирген белгилүү укук коргоочу Азиза Абдирасулованын маселеси боюнча президент Садыр Жапаров комментарий берди. Абдирасулова Кыргызстандан убактылуу чет жакка чыгып кеткени былтыр жыл соңунда белгилүү болгон.
Баш калаа Бишкектин ыш көйгөйү ушул жумада парламентте көтөрүлдү. Анда депутаттар өкмөттөн абаны булгап жаткан себептерди жоюуну талап кылды. Айрым эл өкүлдөрү соңку жылдары өлкөдө ыштын айынан ден соолугунан ажырагандар болуп жатканын айтышууда.
Украинанын президенти Владимир Зеленский Орусиянын көзөмөлүндөгү аймактардан Киев юридикалык негизде баш тартпасын билдирди. Муну менен бирге ал согуштун активдүү баскычын токтотууну колдой турганын кошумчалады.
Президент Жапаров дин тутуу эркиндиги жана диний бирикмелер тууралуу мыйзамга кол коюп, андагы талкуу жараткан маселелерди түшүндүрдү. Ал диний агымдар жөнүндө сөз кылып, тармакты иретке келтирүү зарылдыгын белгиледи. Мыйзамды парламент былтыр 26-декабрда кабыл алган.
Мамлекеттик салык кызматынын борбордук аппаратында текшерүү башкармалыгынын функциясы кыскартылды. "Азаттык" мекеменин жаңы жетекчиси менен Кыргызстандагы салык саясаты тууралуу маектешти.
Февраль айында Ысык-Көлдөгү үч чокуну бириктирген лыжа базаны куруучу компанияны аныктоо үчүн сынак жарыяланат. Бул тууралуу президент Садыр Жапаров билдирди. Буга чейин базаны курууга франциялык компания кызыгып жатканы айтылган. Жапаров соңку билдирүүсүндө ал компания тууралуу үн каткан жок.
Түркиянын Болу провинциясындагы "Grand Kartal" мейманканасында чыккан өрттөн набыт болгондордун саны 76 адамга жетти. 50дөн ашуун кишинин абалы оор экени кабарланды. Түрк өкмөтү окуяга шектүү төрт киши кармалганын кабарлады. Түркияда 22-январда аза күтүү күнү жарыяланды.
Дагы жүктөңүз
