Кыргызстанда Нооруз майрамы белгиленүүдө. Байыркы фарс тилинен которгондо "нау" – "жаңы", "рузи" – "күн" деген маанини билдирип, күн менен түндүн теңелип, жаңы жылдын башталышын айгинелеген бул майрамда дасторкондун көркү болгон сүмөлөк кайнатылып, келечекке болгон жакшы тилектер айтылат.
Кыргызстанда укук тартибин коргоо органдары интернет аркылуу алдамчылык кылгандар өтө күчөгөнүн айтып, жарандарды сак болууга үндөп келе жатат. Бирок кылмыштын бул түрү улам оожалып жатканын айткандар бар. Маселен, өткөн жылы мындай кылмыштын зыяны 1 миллиард сомдон ашык каражат болгон.
Соңку айларда Орусияда "пастереллез жуккан" деп малды өлтүрүп, тарпын өрттөп жаткан видеолор тарай баштады. Казакстан өзүндө тараган ылаңды ринотрахеит деп атаган. Кыргызстанда дагы соңку айларда мал арасында белгисиз ылаң күч алды.
Улуттук коопсуздук комитетинин (УКМК) мурдагы төрагасы Камчыбек Ташиев кызматтан алынып, ИИМге сурак бергенден кийин биринчи ирет коомчулукка чыкты. Бишкектеги мечитте Орозо айт намазынан кийин ал соңку окуяларды учкай комментарийлеп, өз дарегине айтылган айыптоолорду каралоо деп атады.
Ички иштер министрлиги 20-мартта Кыргызстанда Орозо айт намазы тынч өткөнүн билдирди. Борбор калаанын милициясы бул күнү Бишкек шаарынын аймагында айт намазына жалпы 100 миңдей киши катышканын кабарлады. Соңку эки жылдан бери айт намазы жума мечиттерде гана окулуп келген.
Мунайдын дүйнөлүк рыноктогу баасы бейшембиде кайрадан өстү. Анын алдында Иран маанилүү газ кенине урулган соккуга жооп иретинде Жакынкы Чыгыштагы энергетикалык жайларды бутага алганда Катардагы ири газ комплекси жабыркаган.
Бир ай мурда кызматынан бошотулуп, өлкөдөн чыгып кеткен, андан кийин бир топ тарапташтары да иштен алынган жана айрым мыйзамсыз иштерге байланыштуу аты аталып жаткан Камчыбек Ташиев 19-мартта Бишкекке келди. ИИМдин Тергөө комитетинде беш саат сурак берип чыкты.
Улуттук банктын төрагасы Мелис Тургунбаев өз арызы менен кызматтан кетип, ордуна финансы министри болуп иштеп келген Бакыт Бакетаев барды. Тургунбаев бул кадамга эмне себептен барганын комментарийлеген жок.
Бишкектеги Дене тарбия жана спорт академиясынын имараты кантип оңдолуп жатканын коомчулук талкуулай баштады. Айрым активисттер шаардагы тарыхый мааниси бар имараттын фасадын оңдоо туура эмес жүрүп жатканын айтып чыгышты.
Бишкектин чок ортосундагы Сүрөтчүлөр үйү ондогон жылдар бою өлкөнүн маданий символдорунун бири болуп келген. Өткөн кылымда курулган бул имараттын тагдыры учурда арсар абалда турат. Бишкек мэриясы Чүй 108 дарегиндеги жер участогун мамлекетке өткөрүп берүүнү сунуштады.
Ирандын Улуттук коопсуздук жогорку кеңешинин катчысы Али Ларижани каза болгону расмий тастыкталды. Израил Ирандын коопсуздук тармагынын жогорку жетекчиси Тегеранга аба соккусунун натыйжасында мерт кеткенин билдирген.
Салык кызматы “Кыргызнефтегаздагы” коррупциялык схемалар тууралуу иликтөө жарыялап, аны УКМКнын экс-төрагасы Камчыбек Ташиевге жана анын туугандарына байланыштырды. Салык мекемеси ортомчу компаниялар аркылуу жүргүзүлгөн операциялардан мамлекет 4 млрд сомдон ашык зыян тартканын билдирүүдө.
Дагы жүктөңүз
