АКШ президенти Дональд Трамп өткөн жумада Ак үйдө Украина президенти Владимир Зеленский менен кайым айтышкан соң Киевге аскердик жардамды убактылуу токтото турууну чечти. Кремль бул чечимди кубаттады. Украинанын өкмөт башчысы АКШ менен алаканы сактап калууга дилгир экенин билдирди.
Украинада согуш башталганда Казакстандын бийлиги атайын каттамдарды уюштуруп, өз жарандарын өлкөдөн чыгарып кеткен. Бирок Марат Дарменовдун үй-бүлөсү Украинада калып, согуштун каарын тарткан жергиликтүүлөргө тилектештик көрсөтүп келет.
Трамп Украинага бардык аскердик жардамды убактылуу токтотту. Кыргызстанда 12 жылдык окутууга байланыштуу маселе кайрадан күн тартибине чыкты. Кыргызстандын жана Тажикстандын өкмөт башчылары Дүйшөмбүдө жолугушту.
Ак үйдө Зеленский менен кайым айтышкандан кийин Трамп Украинага бардык аскердик жардамды убактылуу токтотту. Бул тууралуу бир катар медиа жогорку даражалуу аткаминерлерге таянып жазышты. Алар "бул убактылуу гана чечим" деп белгилешти. Трамп Зеленскийдин “согуш дагы көпкө созулат” дегенин сындады.
Жер кодексинин жаңы редакциясына нааразы болгондор Бишкекке чогулуп, президент Садыр Жапаровду парламентте кабыл алынган жаңы мыйзамга кол койбоого чакырды. Алар кодексте жарандардын менчик укугу сакталбай калганын айтып, кабатыр болушууда.
Лондондо Европа лидерлеринин Украина боюнча саммити өттү. Британ премьер-министри Кир Стармер анын өлкөсү Киевге эки млрд долларлык жаңы аскердик жардам көрсөтөрүн билдирди. Жыйындын соңунда согушту токтотуу боюнча жаңы тынчтык планын иштеп чыгуу чечими кабыл алынды.
Февралдын этегинде АКШнын Нью-Йорк шаарында жашаган тажикстандык жаран "Ислам мамлекети - Хорасан" террордук тобу менен байланышы бар деген айып менен кармалды. Cоңку жылдары кандуу калабаларды пландаган же ишке ашырган деп айыпталган борбор азиялыктардын "кара тизмеси" кеңейип бараткандай.
"Эркин Европа / Азаттык" радиосунун журналисттери Орусиянын Коргоо министрлигинин Башкы аскердик медициналык башкармалыгынын маалымат базасын анализдеп чыгышты.
Бир эле мезгилде эки шаарда же эки мамлекетте жашап көрдүңөр беле? Бельгия менен Нидерланддын чек арасындагы Барле шаарчасынын тургундары күнүгө бир нече жолудан улам бир өлкөгө кирип-чыгышат. Ал жакта чек ара үйлөрдү, ишканаларды, дүкөндөрдү, мэрияны бөлүп өтөт, айланада 30 анклав орун алган. Бирок тосмо, дубал көрө албайсыңар. Нидерланд тилинде сүйлөгөн жергиликтүүлөр кадам сайын өткөн чек араларга карбай ынтымактуу жашаганын айтышат.
Казакстанда айылдарга казакча аталыш берүүнү талап кылган депутатты партиясы жетекчиликтен бошотту. Бийликке ыктаган “Ауыл” партиясы парламенттин төмөнкү палатасынын депутаты Жигули Дайрабаевди партиянын төрага орун басарлыгынан алууну колдоду. Дайрабаев Түндүк-Казакстан облусундагы айылдарга казакча ат берүүнү талап кылып, жакында ал жерге барганда өзүн чет өлкөдө жүргөндөй сезгенин айткан.
Соңку бир айда эле тогуз окуучу ар кандай жагдайда каза болуп, алардын алтоонун өлүмүн милиция суицид деп атаса, үчөө курбуларынын ур-токмогунан көз жумганы айтылды. Бул ирет "Азаттыктын" "Эже-сиңдилер" программасында өспүрүмдөр арасындагы зомбулук себептерин, алдын алуу жолдорун талкуулайбыз.
Дагы жүктөңүз
