Европа Украинада урушту токтотуунун планын иштеп чыгат

Лондондо Европа лидерлеринин Украина боюнча саммити өттү. Британ премьер-министри Кир Стармер анын өлкөсү Киевге эки млрд долларлык жаңы аскердик жардам көрсөтөрүн билдирди. Жыйындын соңунда согушту токтотуу боюнча жаңы тынчтык планын иштеп чыгуу чечими кабыл алынды. Ал план АКШ менен бирге талкууланат. 28-февралда Ак үйдө Украина президенти Зеленский менен АКШнын лидери Дональд Трамптын жолугушуусу кайым айтышуу менен аяктаган. Соңку жыйында Зеленский АКШга кайра барууга даяр экенин билдирди.