د ډالرو په وړاندې د افغانیو د ارزښت له راټیېدو وروسته ځیني خلک او هټیوال « دوکانداران» د خوراکي توکو له لوړو بیو شکایت کوي. د طالبانو ترکنټرول لاندې د افغانستان بانک د دوشنبې د معلوماتو پربنسټ د یوه ډالر د پیر او پلور بیه ۷۴ افغانیو ته رسېدلې، په داسې حال کې چې تېره اوونۍ شاوخوا ۷۰ افغانۍ وه.
له زده کړو راګرځول شوې افغان نجونې په "اسلامي ټولنو کې د نجونو د زده کړو" په اړه له دوه ورځنۍ ناستې وروسته، د طالبانو لخوا پر زده کړو د محدودیتونو پر دوام نیوکه کوي. دوی وايي کله چې نوره اسلامي نړۍ زده کړې روا بولي نو طالبان د افغان نجونو پر زده کړو د بندیز لپاره څه توجیه لري؟
د افغانستان له پوهنتونونو یو شمېر فارغ شوي کسان او د زده کړو د برخې ځینې فعالان د طالبانو د حکومت دې اعلان ته په اشارې سره چې وايي د دیني مدرسو زرګونو فارغانو او « دیني عالمانو» ته د لیسانس او ماسټرۍ سندونه ورکوي د اندیښنې وړ بولي.
د ملګرو ملتونو د بشري چارو د همغږۍ دفتروایي، سږ کال په لومړیو دریو میاشتو کې ځینې روغتیایي، ښوونیزې، خوراکي او د سرپناه لپاره بشري مرستې د قطع کېدو له خطر سره مخ دي. " اوچا " په یو تازه راپور کې اندېښنه ښودلې چې د بودجې نشتوالي په افغانستان کې د دوی پر دغو ژوند ژغورونکو مرستو ژوره اغېزه کړې ده.
د افغانستان د کرکټ د ملي ټيم په اړه د رامنځته شویو لانجمنو بحثونو سربيره د کرکټ نړیوالې شورا په اتلانو جام کې د افغان ټيم حضور تاریخي یاد کړی. نړیوالې شورا د یکشنبې په ورځ د اتلانو جام لپاره د افغانستان د پنځلس کسیز سکواډ/نوملړ یادونه کړې.
په اسلام اباد کې د نړۍ د مسلمانانو د ټولنې او د اسلامي همکارۍ سازمان د غونډې په دوهمه ورځ د افغان نجونو د زده کړو د حقونو په اړه خبرې وشوې او ګډونوالو د طالبانو له حکومته وغوښتل چې پر افغان نجونو د تعلیم بندیز لغوه کړي.
د پاکستان په پلازمینه اسلام اباد کې یو شمیر میشت افغان کډوال ادعا کوي چې د پاکستان حکومت د دوی د ویزو تمدیدول بند کړي دي.
د امریکا د متحده ایالتونو د کلیفورنیا د لاس انجلس په ځینو برخو کې د اور مخه نیول شوې خو ځینو نورو برخو ته د اور لمبې خپرې شوي دي.
په ایران کې د افغان خبریالانو او د بشري حقونو د مدافعانو ایتلاف له ایرانه غوښتي چې له دې هیواده له خطر سره د مخ افغانانو د ایستلو لړۍ ودروي.
یو شمیر موټرو چلوونکي وايي، په سړو ورځو او درنو واورو کې، په طوفاني هوا کې د ساعتونو لپاره یا ان یوه شپه او ورځ له مسافرو سره په لویو لارو کې بند پاتې شوي او له ډیرو ستونزو سره مخامخ شوي دي.
د خوړو نړیوال پروګرام ویلي په روان ٢٠٢٥ کال کې به د پنځو کلونو کم عمره خوارځواکو ماشومانو په شمیر کې ٢٠ سلنه زیاتوالی راشي.
په افغانستان کې يو شمېر کتاب پلورونکي وايي، د نورو کتابونو په پرتله ناولونه ډیر مینه وال لري او خلک یې غواړي.
نور راوښيه
