Анкета Свабоды

• 17:05, 14 кастрычнік 2010

  Анкета кандыдата: Сяргей Рыжоў

  Нарадзіўся ў 1964 годзе ў Віцебску. Беспартыйны. Інжынэр-эканаміст, бухгальтар-эканаміст. 1996 год — скончыў Віцебскі дзяржаўны тэхналягічны ўнівэрсытэт. 1983—1992 гг. — старшы кладаўшчык Віцебскага аддзяленьня Беларускай чыгункі, агент па забесьпячэньні Віцебскага тэхналягічнага інстытуту лёгкай прамысловасьці, дырэктар Селязьнёўскага гандлёвага прадпрыемства Вяліскага райпо (Расея), намесьнік дырэктара аб'яднаньня грамадзкага харчаваньня Віцебскага райспажыўсаюзу, загадчык адной з крамаў у Віцебску. 1992—1997 гг. — дырэктар па камэрцыйных і зьнешнеэканамічных пытаньнях прадпрыемстваў "Эміт" і "Дыяніс". 1997—2009 гг. — дырэктар па камэрцыйнай працы прамысловай кампаніі "Стафард-энтэрпрайзэс", намесьнік гендырэктара прадпрыемства "Дыяніс". 2010 год — загадчык сэктару фінансава-маркетынгавага аналізу Віцебскага абласнога цэнтру маркетынгу, начальнік сэктару зьнешнеэканамічнай дзейнасьці Віцебскага пладова-гародніннага камбінату. Разьведзены, мае дачку Ўльяну.

• 17:50, 12 кастрычнік 2010

  Анкета кандыдата: Юры Глушакоў

  Нарадзіўся ў 1966 годзе. Скончыў з адзнакай БДУ і асьпірантуру. 1997-2005 гг. Працаваў навуковым супрацоўнікам у Гомельскім абласным краязнаўчым музэі. 2006-2009 гг. Выкладчык, асыстэнт катэдры Гомельскага дзяржаўнага мэдыцынскага ўнівэрсытэту. 1991 г. Браў удзел у абароне «Белага дому» (Масква). 2003-2007 гг. Дэпутат Гомельскага гарадзкога Савету дэпутатаў. Першы намесьнік старшыні Беларускай партыі «Зялёныя».

• 17:35, 11 кастрычнік 2010

  Анкета кандыдата: Іван Кулікоў

  Нарадзіўся ў 1949 годзе ў Хоцімску Магілёўскай вобласьці. 1972—1973 гг. — інжынэр Казахскага аддзяленьня ЦНДІ "Праектстальканструкцыя" Дзяржбуду СССР у Алма-Аце. 1977 г. — скончыў асьпірантуру Інстытуту ядзернай энэргетыкі АН БССР. 1981 г. — кандыдат тэхнічных навук па спэцыяльнасьці "Ядзерныя энэргетычныя ўстаноўкі". 1991 г. — загадчык лябараторыі Інстытуту ядзернай энэргетыкі АН БССР. 1995 г. — загадчык лябараторыі Інстытуту праблем энэргетыкі НАН Беларусі. 1995 г. — доктар фізыка-матэматычных навук. 1995—1998 гг. — намесьнік дырэктара на навуковай працы Інстытуту праблем энэргетыкі НАН Беларусі. 2000 г. — прафэсар. 1998—2002 г. — дырэктар РУП "Белінвэстэнэргазьберажэньне". 2004 г. — загадчык лябараторыі Аб'яднанага інстытуту энэргетычных і ядзерных дасьледаваньняў "Сосны" НАН Беларусі. 2004—2005 гг. — начальнік упраўленьня Камітэту дзяржаўнага кантролю Рэспублікі Беларусь. З 2005 г. узначальвае лябараторыю абсталяваньня ядзерных энэргетычных установак і рэсурсазьберагальных тэхналёгій Аб'яднанага інстытуту энэргетычных і ядзерных дасьледаваньняў "Сосны" НАН Беларусі. Беспартыйны, валодае ангельскай мовай. Удавец, мае двух сыноў і дачку.

• 16:56, 08 кастрычнік 2010

  Анкета кандыдата: Рыгор Кастусёў

  Нарадзіўся ў 1957 годзе. Беларус. Праваслаўны. Жанаты. Трое дзяцей. 1982 г. Скончыў Беларускую сельскагаспадарчую акадэмію, інжынэр-мэханік. 1983—1988 гг. Галоўны інжынэр саўгасу "Друць" Бялыніцкага раёну. 1988—1991 гг. Дырэктар саўгасу "Іскра" Бялыніцкага раёну. 1995—2001 гг. Дырэктар Шклоўскага раённага аб’яднаньня жыльлёва-камунальнай гаспадаркі. 2002—2004 гг. Дырэктар сумеснага беларуска-ўкраінскага прадпрыемства "Гідрасіла — Белая Русь" у г. Магілёве. Тройчы абіраўся дэпутатам мясцовых Саветаў. Падчас прэзыдэнцкіх выбараў 2006 году быў даверанай асобай Аляксандра Мілінкевіча.

• 17:18, 07 кастрычнік 2010

  Анкета кандыдата: Віктар Цярэшчанка

  Нарадзіўся ў 1950 годзе. Дэпутат Вярхоўнага Савета Рэспублікі Беларусь 13-га скліканьня. У 1994 годзе вылучаўся кандыдатам на пасаду прэзыдэнта. Вырашыў падтрымаць Аляксандра Лукашэнку, стаўшы ягонай даверанай асобай. У 2001 годзе зноў вылучаўся кандыдатам на пасаду прэзыдэнта. Старшыня рады Асацыяцыі малога і сярэдняга прадпрымальніцтва. Ганаровы грамадзянін горада Бэтун, Францыя.

• 17:44, 06 кастрычнік 2010

  Анкета кандыдата: Уладзімер Правальскі

  Нарадзіўся 14 студзеня 1959 году ў вёсцы Сцяпурава Багушэўскага раёну Віцебскай вобласьці. Беларус. Жанаты, мае двух дарослых дзяцей. Пасьля заканчэньня ў 1978 годзе Віцебскага політэхнічнага тэхнікуму да 1991 году працуе ў будаўніцтве. Пачынаў бэтоншчыкам, скончыў дырэктарам асацыяцыі будаўнічых каапэратываў Віцебскай вобласьці. Ад 1991 году — індывідуальны прадпрымальнік. Пераможца абласнога конкурсу "Лепшы прадпрымальнік Віцебскай вобласьці" ў 2008 і 2009 гадах у намінацыі "Лепшы прадпрымальнік у сфэры паслуг". Пераможца рэспубліканскага конкурсу "Лепшы прадпрымальнік 2009 году" ў намінацыі "Лепшы прадпрымальнік у сфэры паслуг".

• 17:03, 05 кастрычнік 2010

  Анкета кандыдата: Яраслаў Раманчук

  Нарадзіўся ў 1966 годзе. Скончыў Менскі дзяржаўны лінгвістычны ўнівэрсытэт, асьпірантуру Рэспубліканскага інстытуту вышэйшай школы пры Беларускім дзяржаўным унівэрсытэце. Жнівень 1990 г. — кастрычнік 1997 г. Працаваў выкладчыкам, журналістам, дырэктарам прадпрыемства, аналітыкам. Галоўны спэцыяліст Камісіі па эканамічнай палітыцы і рэформах Вярхоўнага Савету Рэспублікі Беларусь 13-га скліканьня. Студзень 1997 — травень 2002 гг. Эканамічны аглядальнік, затым намесьнік галоўнага рэдактара, выканаўчы дырэктар штотыднёвіка "Белорусская газета". Зь лютага 2002 г. — кіраўнік навукова-дасьледчага цэнтру Мізэса, які ўваходзіць у склад аналітычнага цэнтру "Стратэгія". 2003г. - ляўрэат штогадовай узнагароды Свабоды ISIL 2006,2007г.г. – ляўрэат прэмій Atlas Economic Research Foundation З 2007 г. – выканаўчы дырэктар аналітычнага цэнтра "Стратэгія". З красавіка 2000 г. — намесьнік старшыні Аб’яднанай грамадзянскай партыі. Быў вылучаны кандыдатам у дэпутаты Палаты прадстаўнікоў па сьпісе Аб’яднаных дэмакратычных сіл на выбарах, якія адбыліся 28 верасьня 2008 году, выбары прайграў. Са студзеня 2009 г. працуе ў складзе міжведамаснай рабочай групы пры Савеце міністраў Рэспублікі Беларусь для выпрацоўкі пляну дзеяньняў па разьвіцьці краінавага маркетынгу Рэспублікі Беларусь. Сябра Міжнароднага таварыства індывідуальных свабодаў, 31 мая 2010 г. вылучаны кандыдатам у прэзыдэнты Беларусі ад імя Аб’яднанай грамадзянскай партыі.

• 18:29, 04 кастрычнік 2010

  Анкета кандыдата: Алесь Міхалевіч

  Нарадзіўся ў 1975 годзе. 1997 г. Скончыў юрыдычны факультэт Беларускага дзяржаўнага ўнівэрсытэту па спэцыяльнасьці «палітоляг-юрыст». Падчас вучобы ва ўнівэрсытэце ачольваў Аб’яднаньне беларускіх студэнтаў. Стажыраваўся ў Варшаўскім (Польшча) і Оксфардзкім (Вялікая Брытанія) унівэрсытэтах. Працаваў намесьнікам дырэктара, генэральным дырэктарам СП «Аркадыя», якое спэцыялізавалася на турыстычным бізнэсе. Жанаты, бацька дзьвюх дачок. 2008- 2010 гг. Юрыст Беларускага незалежнага прафсаюзу. 2007-2008 гг. Юрысконсульт Асацыяцыі інвалідаў вайны ў Аўганістане. Зь 2006 г. — антыкрызісны кіраўнік, акрэдытаваны Міністэрствам эканомікі РБ. 2004-2008 гг. Намесьнік старшыні партыі БНФ. 2003-2007 гг. Дэпутат Пухавіцкага раённага савету Менскай вобласьці, каардынатар Асамблеі дэпутатаў мясцовых саветаў. У той жа час — выдавец газэты «Рэгіён».

• 22:35, 01 кастрычнік 2010

  Анкета кандыдата: Уладзімер Някляеў

  Нарадзіўся ў 1946 г. у Смаргоні, вучыўся ў Менскім электратэхнікуме сувязі, у Менскім пэдагагічным інстытуце, у Літаратурным інстытуце ў Маскве. Паэт, грамадзкі дзеяч. Стварыў і доўгія гады быў галоўным рэдактарам самага папулярнага ў Беларусі часопіса «Крыніца». Аўтар шматлікіх кніг, паэтычных зборнікаў, папулярных беларускіх песень. З 1998 да 2001 году — старшыня Саюза пісьменьнікаў Беларусі. З 2010 г. узначаліў усебеларускую грамадзянскую кампанію «Гавары праўду!». Ляўрэат Дзяржаўнай прэміі Беларусі. Жанаты, мае дзьвюх дарослых дачок.

• 18:26, 30 верасень 2010

  Анкета кандыдата: Мікалай Статкевіч

  Нарадзіўся ў 1956 годзе. 1978 г. Скончыў Менскую вышэйшую інжынэрную зэнітна-ракетную вучэльню. 1986 г. Абараніў кандыдацкую дысэртацыю. Працаваў выкладчыкам Менскай вышэйшай інжынэрнай зэнітна-ракетнай вучэльні. Люты 1991 г. На знак пратэсту супраць падзей у Вільні выйшаў з КПСС. 1991 г. Сябра Цэнтральнай рады і выканаўчага камітэту Беларускай сацыял-дэмакратычнай партыі (Народная Грамада). 1995 г. Старшыня БСДП (НГ). 1991-1995 гг. Стваральнік і кіраўнік Беларускага згуртаваньня вайскоўцаў. 2000 г. Удзельнічаў у выбарах у Палату прадстаўнікоў. 2005 г. Быў прысуджаны да трох гадоў абмежаваньня волі за арганізацыю 18-19 кастрычніка 2004 году ў Менску вулічнай акцыі супраць афіцыйных вынікаў парлямэнцкіх выбараў і рэфэрэндуму. Па амністыі тэрмін абмежаваньня волі быў скарочаны на год. Кіраўнік аргкамітэту ў справе стварэньня Беларускай сацыял-дэмакратычнай партыі (Народная Грамада).

• 14:16, 29 верасень 2010

  Анкета кандыдата: Віталь Рымашэўскі

  Нарадзіўся ў 1975 годзе. Жанаты, выхоўвае дачку. Беларус. Праваслаўны. 1997 г. Скончыў Беларускі Нацыянальны Тэхнічны Ўнівэрсытэт, інжынэр-будаўнік. 1999 г. Вучыўся ў Нямеччыне на курсах Вышэйшай школы дзяржаўнага кіраваньня ў інстытуце «Саюз грамадзкага кіраваньня», вывучаў эканамічнае і палітычнае становішча ФРГ. 1996 г. Сябра Каардынацыйнай Рады «Беларускага аб’яднаньня маладых палітыкаў». 2002-2004 гг. Сябра прэзыдыюму Беларускага нацыянальнага савету моладзевых і дзіцячых грамадзкіх арганізацый «Рада». Адзін з кіраўнікоў кампаніі «Ў абарону свабоды сумленьня і веравызнаньня ў Беларусі». Кіраўнік Менскай арганізацыі стваранай партыі БХД. Сустаршыня аргкамітэту па стварэньні партыі БХД.

• 21:35, 27 верасень 2010

  Анкета Свабоды: Анка Упала

  Беларуская літаратарка, перакладніца Анка. Нарадзілася ў 1981 годзе ў Магілёве. Скончыла факультэт замежных моваў Магілёўскага дзяржаўнага ўнівэрсытэту. У ліпені 2007 перамагла ў літаратурным турніры імя Данііла Хармса ў Санкт-Пецярбурзе. У 2009 г. выйшла ў фінал літаратурнага конкурсу імя Карласа Шэрмана для маладых літаратараў, арганізаванага беларускім ПЭН-цэнтрам. У выдавецтве «Галіяфы» рыхтуецца да друку яе першая кніга. Жыве ў Менску.

• 10:57, 24 верасень 2010

  Анкета Свабоды: Лявон Гаравы

  Настаўнік, актывіст грамадзка-палітычнага руху. Нарадзіўся на Гарадоччыне Віцебскай вобласьці 51 год таму. Сябра БСДП (Грамада), адзін са стваральнікаў «Руху за Свабоду». Абіраўся дэпутатам райсавету. 23 гады настаўнічаў, зь іх 18 гадоў быў дырэктарам школы ў Гарадоцкім раёне. За актыўную дзейнасьць у дэмакратычных арганізацыяй у жніўні 2005-га быў звольнены з працы. Жыве ў Гарадку.

• 14:53, 21 верасень 2010

  Анкета Свабоды: Андрэй Скурко

  Журналіст, музыка. Нарадзіўся ў 1978 годзе ў вёсцы Крывічы Мядзельскага раёну. Скончыў беларускую філялёгію БДУ. Адзін са стваральнікаў і удзельнікаў рок-гуртоў «Цмокі» (1997) і «Band_A” (2006). Аўтар «Нашай Нівы» ад 1998-га, ад 2000-га — намесьнік галоўнага рэдактара. У 2006 годзе быў абраны намесьнікам старшыні Беларускага ПЭН-Цэнтру. З 1 сьнежня 2006-га — галоўны рэдактар тыднёвіка «Наша Ніва». Жыве ў Менску.

• 13:00, 17 верасень 2010

  Анкета Свабоды: Зьміцер Дашкевіч

  Актывіст моладзевага дэмакратычнага руху. Нарадзіўся ў 1981 годзе на беларускім Палесьсі, да 1986 пражываў з бацькамі ў Магаданскім краі, з 1986 году – у Старых Дарогах на Меншчыне, з 2000-га — у Менску. У 2001 годзе далучыўся да дзейнасьці моладзевага руху “Малады Фронт”, кіраўніком якога зьяўляецца з 2004 года. Арганізатар і ўдзельнік шматлікіх вулічных акцыяў, за ўдзел у якіх мае больш за паўгоду адміністрацыйных арыштаў. За дзейнасьць “МФ” у верасьні 2006 быў арыштаваны і пазьней асуджаны на паўтары гады зьняволеньня. Вызвалены ў студзені 2008 году Вярхоўным судом. У 2006 годзе штотыднёвікам “Наша Ніва” прызнаны “Героем году”, у 2008 “За мужнасьць і пасьлядоўнасьць у змаганьні за свабоду” ўзнагароджаны ордэнам Кастуся Каліноўскага.

• 09:47, 13 верасень 2010

  Анкета Свабоды: Павал Касьцюкевіч

  Пісьменьнік, перакладчык ізраільскай і амэрыканскай літаратуры. Нарадзіўся ў 1979 годзе ў Менску. Закончыў Тэль-Авіўскі акадэмічны каледж (факультэт псыхалёгіі) і курсы творчага пісьма ў школе рэклямы Aboodi-Creative (Тэль-Авіў). Аўтар кнігі прозы «Душпастырскія спатканьні для дачнікаў» і трох кнігаў перакладаў. 10 гадоў жыў і працаваў у Ізраілі, цяпер жыве і працуе ў Менску.

• 10:34, 10 верасень 2010

  Анкета Свабоды. Вольга Карач

  Нарадзілася ў Віцебску, скончыла школу з залатым мэдалём, узначальвала маладзёвую арганізацыю «Сёмая грань». Скончыла ВДУ імя Машэрава з чырвоным дыплёмам, паралельна ўзначальвала «Зубр». Працавала ў школе выкладчыкам ангельскай мовы. Была дэпутатам гарадзкога Савету 24-га скліканьня. Заснавальнік рэспубліканскай грамадзянскай кампаніі «Наш дом». Старшыня арганізацыі АГП Віцебскай вобласьці. Замужам. Любіць італьянскія машыны, беларускую рыбалку і армянскую тутавую самагонку. У 2010 годзе стала ляўрэатам міжнароднай Радэбойльскай прэміі «За мужнасьць».

• 11:17, 02 верасень 2010

  Анкета Свабоды: Янка Запруднік

  Беларуска-амэрыканскі гісторык і публіцыст, адзін з самых актыўных дзеячаў беларускай дыяспары ў ЗША, ганаровы сябра Беларускага ПЭН-цэнтру. Нарадзіўся 9 жніўня 1926 году ў мястэчку Мір. У часы Другой сусьветнай вайны скончыў Баранавіцкую прагімназію, потым вучыўся ў Баранавічах у гандлёвай школе. Сябра Саюзу Беларускай Моладзі (СБМ) З 1944 г. у Нямеччыне, затым працаваў на шахтах у Вялікай Брытаніі.У 1954 г. скончыў гістарычны факультэт Лювэнскага каталіцкага ўнівэрсытэту ў Бэльгіі. Потым працаваў на радыёстанцыі Вызваленьне (Радыё Свабода). З 1957 году ў ЗША. Абараніў у Нью-Ёркскім унівэрсытэце доктарскую дысэртацыю на тэму «Палітычнае змаганьне за Беларусь у Дзяржаўнай думе 1906-1917 гг.», выкладаў гісторыю ў вышэйшых навучальных установах ЗША. Жыве ў г.Сомэрсэт (штат Нью-Джэрсі, ЗША).

• 13:12, 30 жнівень 2010

  Тамара Мацкевіч

  Пэдагог, грамадзкая актывістка, намесьніца старшыні Таварыства беларускай школы. Нарадзілася 31 ліпеня 1964 году на Лепельшчыне. Скончыла Беларускі дзяржаўны ўнівэрсытэт і асьпірантуру пры ім. З 1986 па 2003 год працавала у Акадэміі Навук у Інстытуце электронікі. У 2003 годзе перавялася ў Беларускі гуманітарны ліцэй імя Я. Коласа, дзе працавала мэтадыстам, выкладчыкам фізыкі. З 1999 году – каардынатарка праграмы “Настаўнік. Школа. Грамадзтва”. Займаецца мэтадычнай і грамадзянскай адукацыяй настаўнікаў. Рэдактар сайту Nastaunik.info. Жыве ў Менску.

• 14:48, 26 жнівень 2010

  Анкета Свабоды: Наста Палажанка

  Актывістка моладзевага дэмакратычнага руху, намесьніца старшыні Маладога Фронту”. Нарадзілася 2 жніўня 1990 году ў Менску. Скончыла школу з эстэтычным ухілам. З 2008 студэнтка факультэта філязофіі й палітычных навук Эўрапейскага гуманітарнага ўнівэрсытэту. За актыўны ўдзел у акцыях дэмакратычнай апазыцыі дзясяткі разоў затрымлівалася міліцыянтамі.

• 21:39, 23 жнівень 2010

  Анкета Свабоды: Анатоль Вярцінскі

  Паэт, публіцыст, перакладчык, драматург, грамадзка-палітычны дзеяч. Нарадзіўся 18 лістапада 1931 году ў вёсцы Дзямешкава, што на Лепельшчыне. Скончыў аддзяленьне журналістыкі БДУ (1956). Працаваў у рэдакцыях “раёнак”, у выдавецтве «Беларусь». У 1986-1990 - галоўны рэдактар газэты «Літаратура і мастацтва». Быў дэпутатам Вярхоўнага Савету БССР XII скліканьня. Аўтар звыш дзясятка кніг вершаў, паэм, п’есаў і публіцыстыкі. Ляўрэат Дзяржаўнай прэміі БССР (1988 за кнігу «Нью-Ёркская сырэна»). Жыве ў Менску.

• 13:51, 19 жнівень 2010

  Анкета Свабоды: Уладзімір Сіўчыкаў

  Літаратар, мастак і выдавец. Нарадзіўся 3 траўня 1958 году ў Жодзіне Менскай вобласьці. Скончыў 8 клясаў Жодзінскай СШ № 5, Менскую мастацкую вучэльню, філфак БДУ. Працаваў настаўнікам, мастаком-афармляльнікам, літаратурным рэдактарам, ачольваў Беларускую асацыяцыю дэтэктыўнага, прыгодніцкага і палітычнага раману (БАДППР), цяпер дырэктар выдавецтва «Радыёла-плюс». Сябра Саюзу беларускіх пісьменьнікаў, Беларускага ПЭН-цэнтру, Беларускай асацыяцыі журналістаў. Жыве ў Менску.

• 19:37, 16 жнівень 2010

  Анкета Свабоды: Антон Койпіш

  Актывіст моладзевага дэмакратычнага руху. Нарадзіўся ў Менску 10 красавіка 1986 году. У 2004 скончыў ліцэй пры Беларускім дзяржаўным унівэрсытэце і паступіў на мэханікаматэматычны факультэт БДУ. Аднак за актыўны ўдзел у акцыях пратэсту быў адлічаны з чацьвёртага курсу. Жыве ў Менску.

• 11:02, 13 жнівень 2010

  Анкета Свабоды: Хведар Нюнька

  Беларускі грамадзка-культурны дзеяч у Літве. Нарадзіўся 6 красавіка 1928 году на Гарадзеншчыне ў вёсцы Алешавічы Мастоўскага раёну. У 1943 годзе сям’я пераехала ў Вільню, у якой Хведар Нюнька ў 1948 годзе скончыў расейскую гімназію. У 1953 годзе скончыў лясны факульт Літоўскай сельскагаспадарчай акадэміі. Працаваў у праектных інстытутах Вільні. З 1989 году старшыня Таварыства беларускай культуры Літвы. Сябра прэзыдыюму Рады БНР з 1997 году. Жыве ў Вільні.

• 18:54, 10 жнівень 2010

  Анкета Свабоды: Вальжына Цярэшчанка

  Сьпявачка. Нарадзілася на Гарадзеншчыне ў вёсцы Лушчыкі Воранаўскага раёну. Скончыла музычнае аддзяленьне Гомельскай пэдвучэльні і філялягічны факультэт Гомельскагага дзяржаўнага ўнівэрсытэту імя Францішка Скарыны. Ляўрэат Першага фэстывалю аўтарскай песьні ў Беларусі. У 2003 годзе ў Гомелі выйшаў альбом «Хтось крануўся крылаў», на якім гучаць 35 трэкаў — лепшыя яе песьні на вершы Алеся Гаруна, Уладзімера Жылкі, Анатоля Сыса, Ларысы Геніюш ды іншых беларускіх паэтаў, а таксама народныя калядныя мэлёдыі. Жыве і працуе настаўніцай музыкі і сьпеваў у Гомелі.

• 14:12, 06 жнівень 2010

  Юля Цімафеева

  Перакладчыца. Нарадзілася ў 1982 годзе на Брагіншчыне. Пасьля Чарнобыльскай катастрофы разам з бацькамі пераехала на Жлобіншчыну. Скончыла Менскі дзяржаўны лінгвістычны ўнівэрсытэт. Адна са стваральнікаў і каардынатараў інтэрнэт-часопісу перакладаў сусьветнае літаратуры на беларускую мову “Prajdzisvet”. Жыве ў Менску.

• 18:55, 02 жнівень 2010

  Анкета Свабоды: Андрусь Такінданг

  Мастак, музыка, паэт. Нарадзіўся ў 1983 годзе ў сям’і беларускі і ўраджэнца Чаду. Скончыў мастацкі каледж імя Ахрэмчыка і Беларускі дзяржаўны ўнівэрсытэт культуры. Працуе мастаком-рэстаўратарам і грае ў гурце фолькмадэрновай музыкі “Recha”. Жыве ў Менску.

• 14:24, 30 ліпень 2010

  Анкета Свабоды: Валянцін Голубеў

  Гісторык і палітык. Нарадзіўся 21 чэрвеня 1955 году ў Крывым Розе (Украіна). У 1981 годзе скончыў гістарычны факультэт Беларускага дзяржаўнага ўнівэрсітэту. Кандыдат гістарычных навук, старшы навуковы супрацоўнік Інстытуту гісторыі Нацыянальнай акадэміі навук. У 1990-1996 гадах - дэпутат Вярхоўнага Савету Беларусі 12-га скліканьня, каардынатар Апазыцыі БНФ, сакратар Камісіі ВС па міжнародных справах і эканамічных сувязях, адзін з аўтараў Дэклярацыі аб дзяржаўным сувэрэнітэце Беларусі. У 1991—1995 гадах — намесьнік старшыні Беларускага Народнага Фронту, кіраўнік Менскай гарадзкой арганізацыі БНФ, удзельнік галадоўкі дэпутатаў Апазыцыі БНФ у красавіку 1995 г. супраць ініцянаванага Лукашэнкам рэфэрэндуму. Жыве ў Менску.

• 16:55, 26 ліпень 2010

  Анкета Свабоды: Глеб Лабадзенка

  Паэт і журналіст. Нарадзіўся ў 1986 годзе ў Менску. Скончыў Беларускі калегіюм, журфак БДУ, цяпер навучаецца ў магістратуры гэтай установы. Сябра Беларускай асацыяцыі журналістаў, Саюзу беларускіх пісьменьнікаў, Беларускага ПЭН-цэнтру.

• 12:56, 23 ліпень 2010

  Анкета Свабоды: Тацяна Беланогая

  Тацяна Беланогая – бард. Нарадзілася ў 1984 годзе ў Менску, сярэднюю школу закончыла ў Маладзечне. Мае дзьве вышэйшыя адукацыі – геаграфічную і пэдагагічную (выкладчыца ангельскай мовы). Пераможца конкурсу “Бардаўская восень” у Бельску Падляскім, конкурсу “ОРРА-2006” у Варшаве. Выдала альбомы: “Там, дзе мы” (2004), “Пабачыць сьвет”(2006), “Дзьвюхкроп’е”(2007).

• 15:56, 19 ліпень 2010

  Анкета Свабоды: Віктар Хурсік

  Выдавец, журналіст і краязнаўца. Нарадзіўся 56 гадоў таму на чыгуначнай станцыі Ўборак Асіповіцкага раёну. Скончыў політэхнічны інстытут. Сябра і адзін з заснавальнікаў Аб'яднанай грамадзянскай партыі, сябра Саюзу беларускіх пісьменьнікаў, стваральнік і кіраўнік прыватнага выдавецтва, аўтар дакумэнтальных кніг “Магдалена Радзівіл. Белы лебедзь у промнях славы”, “Трагедыя белай гвардыі” (пра час Кастуся Каліноўскага) “Кроў і попел Дражна”. Жыве ў Менску.

• 19:20, 12 ліпень 2010

  Анкета Свабоды: Віталь Супрановіч

  Прадусар, выдавец беларускамоўных дыскаў, арганізатар шматлікіх музычных фэстаў, кіраўнік групы “Беларуская музычная альтэрнатыва”. Скончыў Беларускі дзяржаўны ўнівэрсітэт культуры. Нарадзіўся і жыве ў Менску.

• 13:54, 07 ліпень 2010

  Анкета Свабоды: Дар’я Ліс

  Нарадзілася 6 кастрычніка 1981 года ў вёсцы Залесьсе на Смаргоншчыне. З тых часоў любіць залатую восень! Скончыла Залескую сярэднюю школу, потым – факультэт беларускай філялогіі і культуры БДПУ імя М. Танка. Вольная журналістка. Пісала для газэтаў “Новая газета Сморгони”, “Наша Ніва”, сайту “Рэгіён”. Цяпер супрацоўнічае з штотыднёвікам “Свободные новости плюс” і радыё «Рацыя». Піша прозу і вершы. Друкавалася ў часопісах “Акно”, “Верасень”, “Дзеяслоў”. Аўтарка кнігі вершаў і прозы “Вясновы джаз” і калектыўнага зборніка жаночай прозы “Пакахай мяне, калі ласка”. Жыве ў роднай вёсцы.

• 09:40, 02 ліпень 2010

  Анкета Свабоды: Валянціна Трыгубовіч

  Валянціна Трыгубовіч — мастацтвазнаўца, сябра Саюзу мастакоў Беларусі. Працавала ў рэдакцыі газэты «Голас Радзімы», часопіса «Мастацтва». Уваходзіла ў Беларускі народны фронт «Адраджэньне», была старшынёй камісіі па замежных сувязях. Узначальвала Міжнароднае грамадзкае аб’яднаньне «Беларуская пэрспэктыва». Сябра дзейнай рады Праваслаўнага брацтва ў гонар Віленскіх мучанікаў.

• 17:02, 30 чэрвень 2010

  Анкета Свабоды: Валянцін Акудовіч

  Філёзаф, культуроляг, літаратуразнаўца, эсэіст. Нарадзіўся 60 гадоў таму ў мястэчку Сьвіслач на Гарадзеншчыне. Скончыў Літаратурны інстытут у Маскве. Працаваў вартаўніком, кладаўшчыком, выкладчыкам, літаратурным рэдактарам. Майстар спорту СССР па турызьме. Аўтар кніг «Мяне няма. Роздум на руінах чалавека», «Дыялёгі з Богам», «Разбурыць Парыж», «Вайна культураў», «Архіпэлаг Беларусь», «Беларусь як постмадэрновы праект Бога», «Мэтафізыка: сытуацыя росквіту й сытуацыя заняпаду» і іншых. Жыве ў Менску.

• 14:15, 28 чэрвень 2010

  Анкета Свабоды: Алесь Квіткевіч

  Дырэктар гуказапісвальнай кампаніі «БелТонМедыя», перакладчык, паэт. Мае 24 гады, нарадзіўся і жыве ў Менску.

• 10:56, 20 чэрвень 2010

  Анкета Свабоды: Сяржук Сокалаў-Воюш

  Паэт, бард. Нарадзіўся 16 кастрычніка 1957 году ў вёсцы Астроўшчына Полацкага раёну Віцебскай вобласьці у сям’і настаўнікаў. Скончыў беларускае аддзяленьне філялягічнага факультэту Беларускага дзяржаўнага ўнівэрсытэту. Працаваў настаўнікам у Наваполацку, навуковым супрацоўнікам філіі музэю Якуба Коласа (вёска Мікалаеўшчына, Стаўпецкі раён), загадваў літаратурнай часткай лялечнай трупы Беларускага дзяржаўнага акадэмічнага тэатра імя Якуба Коласа (Віцебск), на Радыё Свабода ў Празе. Цяпер жыве з сям’ёй у Нью-Ёрку. Аўтар паэтычнага зборніка «Кроў на сумётах», п’есы-казкі «Сьвецяць, сьвецяць зорачкі», рамана «Крывавы памол» і паэмы «Мяккі знак», песенных альбомаў зь ягонымі «Нефармальны беларус» і «Песьні Лісоўчыкаў». Сам свой пра свой жыцьцяпіс напісаў: «Крывіцкага роду. Ліцьвінскага народу. Беларус.

• 09:36, 16 чэрвень 2010

  Анкета Свабоды: Рыгор Кастусёў

  Інжынэр, прадпрымальнік, палітык. Нарадзіўся 17 красавіка 1957 году ў вёсцы Цяхцін Бялыніцкага раёну. Закончыўшы сярэднюю школу працаваў рабочым саўгасу «Друць» Бялыніцкага раёну. Пасьля атрыманьня дыплёму Беларускай сельскагаспадарчай акадэміі быў загадчыкам майстэрні, галоўным інжынэрам, дырэктарам саўгасу «Іскра» Бялыніцкага раёна. З 1991-га да 2001-га працаваў у Шклове галоўным мэханікам МПМК-283, а затым дырэктарам раённага вытворчага аб’яднаньня ЖКГ. Пасьля актыўнага ўключэньня ў дэмакратычны рух вымушаны быў сысьці з пасады. Быў дырэктарам сумеснага беларуска-украінскага прадпрыемства «Гідрасіла-Белая Русь», камэрцыйным дырэктарам прыватнага прадпрыемства ў Магілёве, прыватным прадпрымальнім. Ад 2008 году — супрацоўнік ТАА «СтройАрком» (Санкт-Пецярбург). Тройчы — у 1987, 1991 і 1995 гадах — абіраўся дэпутатам мясцовых Саветаў. У 1993 годзе абраны старшынёй Шклоўскай раённай арганізацыі Партыі БНФ. З 2002 па 2009 г. — старшыня Магілёўскай абласной арганізацыі БНФ, а з 2009 — намесьнік старшыні Партыі БНФ і ГА БНФ «Адраджэньне». Жыве ў Шклове.

• 08:36, 13 чэрвень 2010

  Анкета Свабоды: Сяргей Ханжанкоў

  Арганізатар "групы Ханжанкова" (1962-1963 гг.), якая мела на мэце падарваць радыёглушыльную вежу ў Менску, вязень сталінскіх лягераў. Нарадзіўся 13 сакавіка 1942 году ў пасёлку Усьць-Уціны Магаданскай вобласьці ў сям'і былых палітзьняволеных (бацька быў асуджаны ў 1935-м, дзед па матчынай лініі - у 1929-м). У 1955-м сям’і дазволілі вярнуцца ў Менск. З 1959-га Сяргей Ханжанкоў – студэнт гідратэхнічнага факультэту Беларускага палітэхнічнага інстытуту. 27 траўня 1963 году яго і ягоных сяброў арыштавалі савецкія спэцворганы. 7 кастрычніка таго ж году засуджаны за “спробу зрабіць дывэрсію” і “антысавецкую агітацыю і прапаганду” да 10 гадоў лягераў. Пасьля вызваленьня ў 1973-м вярнуўся ў Менск. Працаваў інжынэрам у Беларускім дзяржаўным інстытуце праектаваньня аўтадарог, на заводзе імя Кірава. З 2002-га на пэнсіі. Удзельнік I-га з’езду палітзьняволеных (жнівень 1990-га, Санкт-Пецярбург). Не рэабілітаваны і рэабілітацыі ніколі не дамагаўся.

• 09:44, 09 чэрвень 2010

  Анкета Свабоды: Юрась Малаш

  Юрась Малаш — мастацтвазнаўца, паэт, мастак. Працуе ў Заслаўскім гісторыка-культурным запаведніку. Дасьледуе творчасьць Язэпа Драздовіча і прадстаўнікоў інсітнага мастацтва. Аўтар кнігі «Патаемнае наіўных мастакоў Беларусі» (2007).

• 13:00, 06 чэрвень 2010

  Анкета Свабоды: Якуб Лапатка

  Перакладчык. Нарадзіўся ў 1944 годзе на Віцебшчыне ў вёсцы Аўсюкова Расонскага раёну. Скончыў гішпанскі факультэт Менскага інстытуту замежных моваў (цяпер лінгвістычны ўнівэрсытэт). Дваццаць гадоў працаваў настаўнікам у Наваполацку. Цяпер жыве ў Хэльсынкі (Фінляндыя). Займаецца перакладам фінскай літаратуры на беларускую мову. Аўтар поўнага перакладу фінскага нацыянальнага эпасу «Калевала».

• 11:08, 02 чэрвень 2010

  Анкета Свабоды: Аляксей Фралоў

  Музыка, саліст ансамблю «Клясык-авангард», стваральнік і кіраўнік трыа «Вытокі», аўтар шматлікіх дэмакратычных і культурных ініцыятываў, краязнаўца. Нарадзіўся ў 1974 годзе ў Менску. Закончыў музычны ліцэй пры Белдзяржкансэрваторыі, а потым, у 1998 годзе, і кансэрваторыю ў клясе фаготу. Аляксей Фралоў — першы беларускi фагатыст, якi атрымаў прызнаньне на прэстыжных заходнеэўрапэйскiх конкурсах як выканаўца-салiст. Жыве ў Менску.

• 12:17, 30 травень 2010

  Анкета Свабоды: Мікола Нікалаеў

  Гісторык. Нарадзіўся 21 лістапада 1955 году на Гарадзеншчыне ў мястэчку Шчучын. Скончыў гістарычны факультэт Беларускага дзяржаўнага ўнівэрсытэту. З 1978 году жыве ў Санкт-Пецярбурзе. Працуе ў Расейскай нацыянальнай бібліятэцы. Даследуе гісторыю сусветнай культуры, беларускае мастацтва, гісторыю праваслаўнай царквы. Доктар філялягічных навук (1997). Аўтар манаграфіі “Палата кнігапісная” (1993), прысьвечанай традыцыям кніжнай культуры ў Беларусі, кнігі "Беларускі Пецярбург" (2009), таксама больш за 200 публікацый па археалёгіі, гісторыі бібліятэк, рукапіснай кнігі, бібліяграфіі. Адзін з заснавальнікаў і член прэзыдыюму Міжнароднай асацыяцыі беларусістаў.

• 18:53, 26 травень 2010

  Анкета Свабоды: Радзім Гарэцкі

  Вучоны-геоляг, акадэмік Нацыянальнай акадэміі навук, грамадзкі дзеяч. Нарадзіўся 7 сьнежня 1928 году ў Менску. У 1930-я, калі на сям'ю Гарэцкіх абрынуліся палітычныя рэпрэсіі, знаходзіўся ў высылцы ў Расеі. Пасьля зьняцьця абвінавачваньняў з бацькі, вядомага вучонага Гаўрылы Гарэцкага, скончыў Маскоўскі нафтавы інстытут. У 1952-м прыняты ў Геалягічны інстытут Акадэміі навук СССР, дзе працаваў да вяртаньня сям'і ў 1971-м у Беларусь.У 1972-м абраны членам-карэспандэнтам АН БССР. У 1977-м абраны правадзейным членам АН БССР і прызначаны дырэктарам Інстытуту геахіміі і геафізікі АН БССР. З 1992-га да 1997-га быў віцэ-прэзыдэнтам Акадэміі навук Беларусі. З 1993-га да 2001-га зьяўляўся прэзыдэнтам "Згуртаваньня беларусаў сьвету „Бацькаўшчына“. Напісаў звыш пяцьсот навуковых працаў, уганараваны шматлікімі ўзнагародамі і прэміямі, аўтар дзьвюх кніг пра трагічны лёс сваёй сям'і і публіцыстычнага зборніка "Шляхам адраджэньня".

• 11:42, 23 травень 2010

  Анкета Свабоды: Мікола Пазьняк

  >Былы палітвязень, каардынатар Фонду Аляксандра Салжаніцына для палітвязьняў зь Беларусі. Нарадзіўся 9 траўня 1926 году ў Лепелі. У вайну працаваў на лепельскім нямецкім радыёвузьле і таемна слухаў савецкія перадачы, а потым перадаваў іх зьмест для падпольных аркушовак. Пасьля прыходу савецкіх войскаў і да канца вайны быў на фронце, за што мае баявыя ордэны і мэдалі. Двойчы засуджаны на дваццаць пяць гадоў. Першы раз абвінавачаны ў здрадзе радзімы, а другі раз атрымаў у дадатак да гэтага яшчэ дваццаць пяць гадоў ужо ў зьняволеньні за нібыта спробу забіць лягернага стукача. Пасьля вызваленьня ў 1960-м вярнуўся ў Беларусь, спраўдзіў мару пра вышэйшую адукацыю і працаваў канструктрам. Жыве ў Барысаве.

• 11:29, 16 травень 2010

  Анкета Свабоды: Максім Жбанкоў

  Максім Жбанкоў нарадзіўся ў 1958 годзе ў Менску. Скончыў Беларускі дзяржаўны ўнівэрсытэт (філязофскае аддзяленьне), асьпірантуру. Кандыдат філязофскіх навук. Працаваў у БДУ, Беларускім фондзе Сораса. Аўтар шматлікіх аналітычных артыкулаў па пытаньнях сучаснай культуры. Кола навуковых інтарэсаў: дынаміка культуры, маргінальныя культурніцкія стратэгіі, масавая культура, сучасны стан беларускай культуры, аналіз візуальных тэкстаў. Жыве ў Менску.

• 14:36, 12 травень 2010

  Анкета Свабоды: Уладзімер Дамашэвіч

  Беларускі празаік. Нарадзіўся 17 лютага 1928 году ў вёсцы Вядзяціна Ляхавіцкага раёну. Пазьней сям'я пераехала на Клеччыну. Скончыў філфак БДУ. Працаваў рэдактарам і літсупрацоўнікам у розных выдавецтвах і часопісах. Аўтар больш дзясятка празаічных кніг. За раман "Камень з гары" атрымаў прэмію прафсаюзаў Беларусі. З шасьцідзесятых гадоў публічна выступаў у абарону роднае мовы, за што шмат цярпеў ад савецкае сыстэмы. Жыве ў Менску.

• 10:08, 08 травень 2010

  Анкета Свабоды: Вера Касмовіч

  Удзельніца пасьляваеннага антысавецкага падпольнага руху. Нарадзілася ў 1928 годзе ў мястэчку Гарадзея на Нясьвіжчыне. Падчас нямецкай акупацыі вучылася ў Нясьвіскай настаўніцкай сэмінарыі. У 1949 годзе арыштаваная па справе «Саюзу змаганьня за незалежнасьць Беларусі». Засуджаная на 10 гадоў лягераў і 5 гадоў пазбаўленьня правоў. Пасьля вызваленьня ў 1955 годзе вярнулася ў Беларусь. Рэабілітаваная ваеннай калегіяй Вярхоўнага суду БССР 24.8.1967. Жыве ў родным мястэчку Гарадзея.

• 10:44, 05 травень 2010

  Анкета Свабоды: Валеры Мазынскі

  Тэатральны рэжысэр і грамадзкі дзеяч. Нарадзіўся 20 лютага 1947 году ў вёсцы Вялікае Стахава Барысаўскага раёну. Быў галоўным рэжысэрам Беларускага драматычнага тэатру імя Якуба Коласа ў Віцебску. Ад 1991 году ў Менску. Ставіў спэктаклі ў Купалаўскім тэатры і выкладаў рэжысуру ў Беларускім тэатральна-мастацкім інстытуце, стварыў тэатар-лябараторыю беларускай драматургіі «Вольная сцэна», кіраўніком якога быў восем гадоў да самага яго закрыцьця ўладамі. Апошні свой спэктакль «На дне» (паводле М.Горкага) Валеры Мазынскі паставіў у камэры турмы на Акрэсьціна, дзе адбываў 10 сутак арышту пасьля затрыманьня на падыходзе да Кастрычніцкай плошчы падчас масавых акцый пратэсту супраць фальсіфікацыі прэзыдэнцкіх выбараў 2006 году. У 2008 годзе зьняў тэлефільм паводле п’есы Янкі Купалы «Тутэйшыя».

• 09:20, 03 травень 2010

  Анкета Свабоды: Віктар Казько

  Віктар Казько — пісьменьнік. Нарадзіўся ў 1940 годзе ў Калінкавічах. У вайну страціў бацькоў, выхоўваўся ў дзіцячым доме, потым працаваў у Кемераве і Кузбасе. Да 1978 году пісаў па-расейску. Вярнуўшыся на радзіму, перайшоў на беларускую мову, працаваў у газэце «Чырвоная зьмена», у часопісе «Нёман». Аўтар кніг «Неруш», «Суд у Слабадзе» (Дзяржаўная прэмія Беларусі 1982 году), «Выратуй і памілуй нас, чорны бусел», «Дзікае паляваньне ліхалецьця», «Бунт незапатрабаванага праху» ды інш. Жыве ў Менску.

Загрузіць яшчэ