Як паведаміў Павал Севярынец, адзін з удзельнікаў акцыі абароны Курататаў, актывісты выпрацавалі супольную пазыцыю па перамовах з уласьнікамі рэстарацыі ля ахоўнай зоны мэмарыялу.
23 чэрвеня ў Менску прайшло пасяджэньне Сойму Партыі БНФ, падчас якога была абмеркавалі сытуацыя з разьмяшчэньнем забаўляльнай установы «Поедем поедим» у Курапатах вакол месца згубы ахвяраў палітычных рэпрэсіяў 30-40-х гадоў, паведамляецца на сайце партыі.
На просьбу Радыё Свабода сытуацыю, якая ўзьнікла пасьля адкрыцьця каля Курапатаў рэстаранна-забаўляльнага комплексу «Поедем поедим», камэнтуе былы рэдактар газэты «Літаратура і Мастацтва» Анатоль Вярцінскі, які і апублікаваў у 1988 годзе артыкул Зянона Пазьняка і Яўгена Шмыгалёва «Курапаты — дарога сьмерці».
Лідэр партыі БНФ Рыгор Кастусёў і сябар партыі, амэрыканскі адвакат Юрась Зянковіч дасягнулі «прынцыповай дамоўленасьці» аб правядзеньні сустрэчы ўсіх зацікаўленых бакоў для дасягненьня кампрамісу адносна канфлікту вакол рэстарацыі «Поедем поедим»
Калі накласьці схему зон аховы вакол Курапат ад 2004 году на сучасны спадарожнікавы здымак, ніводзін з будынкаў рэстарана «Поедем поедим» у яго не трапляе.
Ігар Чарняўскі, былы начальнік упраўленьня па ахове гісторыка-культурнай спадчыны Міністэрства культуры, распавядае, як рэстаран «Поедем поедим» зьявіўся каля Курапат.
Як паведаміў Свабодзе Павал Севярынец, адзін з арганізатараў і актыўных удзельнікаў акцый пратэсту супраць рэстарацыі «Поедем поедим» ля Курапатаў, сёньня лідэры апазыцыі і актывісты зьбяруцца апоўдні, каб падвесьці вынікі трох тыдняў вахты і дамовіцца наконт плянаў кампаніі.
Чэскі пісьменьнік, ляўрэат Дзяржаўнай літаратурнай прэміі Чэхіі за 2017 год Яхім Топал сказаў у інтэрвію Радыё Свабода, што ведае пра сытуацыю вакол Курапатаў і сочыць за яе разьвіцьцём.
20 чэрвеня вахту каля рэстарацыі «Поедем поедим» трымалі актывісты незарэгістраванай партыі «Беларуская хрысьціянская дэмакратыя». Паводле Паўла Севярынца, усяго ў пікеце было задзейнічана каля 20 чалавек.
Беларускі пісьменьнік і філёзаф Валянцін Акудовіч на просьбу Радыё Свабода камэнтуе сытуацыю, якая ўзьнікла пасьля адкрыцьця рэстарацыі «Поедем поедим» ў непасрэднай блізкасьці ад урочышча Курапаты.
Амэрыканскі адвакат Юрась Зянковіч, сябра партыі БНФ, былы дэпутат Менскага раённага і Ждановіцкага сельскага саветаў чарговы раз наведаў Беларусь і паспрабаваў разабрацца з канфліктам вакол новай рэстарацыі каля Курапатаў.
Трэці тыдзень у менскім урочышчы Курапаты ідуць пратэсты супраць адкрыцьця рэстарану «Поедем поедим». Як паказала апытаньне Свабоды, частка менчукоў нават ня ведае, што такое Курапаты. Мы сьцісла адказваем на самыя наіўныя пытаньні.
Рэжысэр Аляксей Туровіч, адзін з актыўных абаронцаў Курапатаў, якія пратэстуюць супраць дзейнасьці рэстарацыі «Поедем поедим» ля месца сталінскіх расстрэлаў, атрымаў адказ на свой допіс у кнізе скаргаў рэстарацыі.
Чалец Савету Рэспублікі, старшыня РГА «Белая Русь» Генадзь Давыдзька на просьбу Свабоды пракамэнтаваў канфлікт вакол рэстарацыі «Поедем поедим», якая адкрылася за 50 мэтраў ад месца масавых расстрэлаў ахвяраў сталінскіх рэпрэсій у Курапатах
Польскі рэжысэр, сцэнарыст, філёзаф і пісьменьнік Кшыштаф Занусі выказаўся наконт рэстарану каля месца масавых расстрэлаў ахвяраў сталінскіх рэпрэсій у Курапатах.
Павал Севярынец паведаміў Свабодзе, што на заўтра абаронцаў Курапатаў запрасілі на сустрэчу да намесьніка міністра культуры Аляксандра Яцко.
Дакумэнтальна-мастацкая выстава «Праўда пра Курапаты. Факты, дакумэнты, сьведчаньні», ініцыяваная супольна беларускай грамадзкай ініцыятывай «Экспэрты ў абарону Курапатаў» і Ўкраінскім інстытутам нацыянальнай памяці, пасьля экспазыцыі ў Кіеве пераехала ў Чарнігаў.
Дзьвюх жанчын у Курапатах 31 траўня прыехалі затрымліваць каля 20 мужчын у цывільным і некалькі начальнікаў міліцыі.
30 гадоў таму, 19 чэрвеня 1988 году, адбылося першае шэсьце грамадзкасьці ў Курапаты, арганізаванае неўзабаве пасьля публікацыі артыкулу Зянона Пазьняка і Яўгена Шмыгалёва «Курапаты — дарога сьмерці».
«На месца аднаго дэмана, як вядома з Эвангельля, могуць прыйсьці сем мацнейшых», — кажа горадзенскі праваслаўны сьвятар Георгі Рой пра зьяўленьне рэстарацыі на месцы масавых расстрэлаў у Курапатах.
«Мая кампанія ня мае да гэтага ніякага дачыненьня... І я маўчаў, пакуль зь мяне не зрабілі верхавода габрэйскай мафіі. Мяне гэта абурыла!»
Беларускі IT-прадпрымальнік і найбуйнейшы беларускі падаткаплатнік Віктар Пракапеня зноў выказаўся наконт рэстарану каля месца масавых расстрэлаў ахвяраў сталінскіх рэпрэсіяў у Курапатах.
Князь Карэл Шварцэнбэрг, дэпутат чэскага парлямэнту, былы міністар замежных справаў Чэхіі (2007—2009, 2010—2013) пракамэнтаваў канфлікт у Беларусі вакол Курапатаў і прыгадаў падобную сытуацыю ў Чэхіі.
Актывіст кампаніі «Альтэрнатыва», на якога завялі крымінальную справу, знаходзіцца пад хатнім арыштам з 21-й гадзіны вечара да 6-й раніцы, ён працягвае працаваць на трактарным заводзе, яму забаронена камунікаваць і наведваць масавыя мерапрыемствы.
Супраць аднаго з удзельнікаў пратэстаў супраць рэстарану ў Курапатах Мікіты Найдзён заведзеная крымінальная справа. Як паведаміў лідэр грамадзкай арганізацыі «Альтэрнатыва» Алег Корбан, яму інкрымінуюць «сьвядома ілжывае паведамленне пра небяспеку» (артыкул 340.1 КК РБ).
«Поедем поедим» адчыніўся ў Курапатах — за 50 мэтраў ад лесу з магільнымі ямамі і зь відам на крыжы ў памяць пра тысячы забітых падчас сталінскіх рэпрэсіяў. Што на гэты конт думае грамадзтва? Свабода апытала вядомых людзей пра стаўленьне да рэстарану каля Курапатаў
«Нельга танцаваць на магілах. Я думаю, што пратэст людзей тут вельмі слушны».
Грамадзкі актывіст Зьміцер Дашкевіч 15 чэрвеня змог трапіць унутр рэстарану «Поедем поедим», а ўвечары ў жывой трансьляцыі выказаўся пра сытуацыю ў Курапатах.
Дэпутатка Палаты Прадстаўнікоў Ганна Канапацкая накіравала зварот у Генэральную пракуратуру на імя пракурора Аляксандра Канюка, у якім просіць правесьці праверку законнасьці перагляду межаў зонаў аховы гісторыка-культурнай каштоўнасьці Курапаты, у выніку якога ў непасрэднай блізкасьці ад месцаў масавых пахаваньняў быў пабудаваны рэстаранны комплекс «Поедем Поедим».
Беларускі IT-прадпрымальнік і найбуйнейшы беларускі падаткаплатнік Віктар Пракапеня выказаўся наконт рэстарану каля месца масавых расстрэлаў ахвяраў сталінскіх рэпрэсіяў у Курапатах.
Літоўскаму паэту, перакладчыку, літаратуразнаўцу, эсэісту, дысыдэнту і праваабаронцу Томасу Вянцлаву ня трэба было тлумачыць, што адбываецца ў Курапатах. Венцлава шмат гадоў сочыць за падзеямі, зьвязанымі з урочышчам Курапаты.
«За любыя танцы на костках заўсёды даводзіцца вельмі жорстка расплачвацца наступным пакаленьням».
«Людзям здаецца, што калі яны нечага ня ведаюць, дык гэтага ніколі і не было».
Без наведнікаў застаўся рэстаран «Поедем поедим» увечары 14 чэрвеня, калі пачалася тэлетрансьляцыя першай гульні чэмпіянату сьвету па футболе, які стартаваў у Расеі. Пра гэта паведамілі актывісты, якія пікетуюць рэстарацыю, дамагаючыся яе закрыцьця з прычыны парушэньня ахоўнай зоны вакол мэмарыяльнага лесу Курапаты.
Лідэр гурту «Машина времени», архітэктар паводле адукацыі і вядоўца тэлепраграмы «Смак» камэнтуе сытуацыю з рэстаранам каля Курапатаў
Днём раней крыжы павалілі і зьнесьлі ў бок ад «неафіцыйнага» праезду ў рэстарацыю. Цяпер прыбралі зусім. Пратэстоўцы пакуль ня вырашылі, ці будуць аднаўляць крыжы.
Пісьменьнік Уладзімер Арлоў прыехаў да актывістаў, якія пікетуюць рэстарацыю каля Курапатаў, каб падпісаць і раздаць ім сваю кнігу «Імёны Свабоды».
Старшыня Цэнтральнай выбарчай камісіі Беларусі Лідзія Ярмошына на просьбу Свабоды падзялілася са Свабодай сваім бачаньнем канфлікту вакол рэстарацыі каля месца масавых расстрэлаў ахвяраў сталінскіх рэпрэсій у Курапатах.
Вадзім Гліньнік, аўтар праекту паменшаных зонаў аховы Курапатаў, расказаў Свабодзе, што перад тым, як узяцца за работу, ён раіўся зь вядомымі палітычнымі і грамадзкімі дзеячамі. І ніхто не асудзіў яго.
Кіроўца «Мазды» з расейскімі нумарамі не спыніўся перад абаронцамі Курапатаў, якія пікетуюць рэстарацыю «Поедем поедим», і зьбіў двух чалавек.
Удзельнік сямі Алімпійскіх гульняў і тузіну чэмпіянатаў сьвету лыжнік Сяргей Далідовіч падзялілася са Свабодай сваім бачаньнем канфлікту вакол рэстарацыі каля месца масавых расстрэлаў ахвяраў сталінскіх рэпрэсій у Курапатах.
13 чэрвеня абаронцы Курапатаў аднавілі 8 крыжоў, якія былі зламаныя напярэдадні невядомымі. Гэтыя крыжы былі ўсталяваныя актывістамі, каб не было як падвозіць прадукты ў рэстарацыю «Поедем поедим» з боку Курапацкага лесу.
Аднаго зь лідэраў пратэсту супраць адкрыцьця рэстарана каля Курапатаў Паўла Севярынца затрымалі сёньня ў Менску міліцыянты. Пра гэта Свабодзе паведаміла маці актывіста Тацяна Севярынец.
Сябра камісіі Палаты прадстаўнікоў па адукацыі, культуры і навуцы, старшыня Таварыства беларускай мовы Алена Анісім падзялілася са Свабодай сваім бачаньнем канфлікту вакол рэстарацыі каля месца масавых расстрэлаў ахвяраў сталінскіх рэпрэсій у Курапатах.
11 чэрвеня падчас паседжаньня групы ў справе стварэньня памятнага знаку ў Курапатах, створанай Міністэрствам культуры Беларусі, былі паказаныя тры праекты, адабраныя па выніках дзяржаўнага конкурсу.
За два месяцы ўсю забудову рэстарана «Поедем поедим» можна проста перанесьці ў іншае месца на кальцавой, — кажа гісторык архітэктуры Вольга Кукуня. — «Ужо б кармілі ўсю кальцавую! Але яны гэтага чамусьці ня хочуць. З маніякальнай упартасьцю вось тут [у Курапатах] ім трэба».
Беларускі ІТ-прадпрымальнік і інвэстар Юры Гурскі і старшыня Рэспубліканскай канфэдэрацыі прадпрымальнікаў Уладзімер Карагін падзяліліся са Свабодай сваім бачаньнем канфлікту вакол рэстарацыі каля месца масавых расстрэлаў ахвяраў сталінскіх рэпрэсій у Курапатах.
«Шэсьць супрацоўнікаў міліцыі і ДАІ спрабавалі ссунуць пратэстоўцаў з праезду. Дайшло і да штурханіны, на зямлю павалілі Тацяну Севярынец, але адступілі, не змаглі людзей сапхнуць».
Загрузіць яшчэ
