На просьбу Радыё Свабода сытуацыю, якая ўзьнікла пасьля адкрыцьця каля Курапатаў рэстаранна-забаўляльнага комплексу «Поедем поедим», камэнтуе былы рэдактар газэты «Літаратура і Мастацтва» Анатоль Вярцінскі.
Менавіта Анатоль Вярцінскі апублікаваў у 1988 годзе артыкул Зянона Пазьняка і Яўгена Шмыгалёва «Курапаты — дарога сьмерці».
— Як вы ставіцеся да рэстарану, які 5 чэрвеня пачаў працу за 50 мэтраў ад Курапацкага лесу?
— Мяне гэта ня толькі абурае, мяне гэта дзівіць. Дзівіць, чаму менавіта там, у гэтым месцы, спатрэбілася будаваць рэстаран.
Думаю, прычына ў тым, што ў нас на афіцыйным узроўні ня вырашана праблема сталінскіх рэпрэсій. Вось што дазваляе адбывацца такому. Таму турыстаў вязуць на Лінію Сталіна і не паказваюць ім Курапаты.
Яшчэ застаецца пытаньне пра спробу ўраду ўвекавечыць Курапаты як гісторыка-культурную каштоўнасьць.
Мне часта даводзіцца праяжджаць міма Курапатаў, калі я кіруюся на дачу з унукамі. Вядома, усе, хто едзе міма, глядзяць на гэтыя крыжы. Яны — вусьцішны напамін.
— Што б вы сказалі ўладальнікам рэстарану «Поедем поедим», калі б сустрэліся зь імі асабіста?
— Я не ўяўляю сабе такой сустрэчы. Навошта мне зь імі сустракацца? Я не пляную сустракацца зь імі.
Гэтыя людзі аказаліся ў Курапатах зь меркаваньняў выгады, прыбытку.
Мне здаецца, што гэта альтэрнатыва праўдзе, спроба некаторых проціпаставіць забаўляльны комплекс праўдзе пра Курапаты.
Што важна ведаць: пратэсты супраць новай рэстарацыі ў Курапатах
- Рэстаран «Поедем поедим» у Курапатах меркавана запрацаваў увечары 5 чэрвеня.
- Грамадзкія актывісты штодня ад 31 траўня пікетуюць забаўляльны комплекс, патрабуючы закрыцьця рэстарацыі.
- 1 чэрвеня рэстаран «Поедем поедим» пачаў рэклямавацца ў інтэрнэце.
- 28 траўня карэспандэнт Свабоды трапіў на тэрыторыю комплексу, дзе пабачыў падрыхтоўку да хуткага адкрыцьця рэстарацыі.
- Адрас рэстарацыі супадае з адрасам ТАА «Амізбел», якое было створана кампаніяй «Белноватэкс груп». Апошняя валодае шэрагам фэшэнэбэльных рэстаранаў у Менску.
- Рэстарацыя стаіць за 50 мэтраў ад месца, дзе ў 1930-я адбываліся масавыя расстрэлы. Карнікі НКВД расстралялі тут ад 30 тысяч да 250 тысяч чалавек.
- Будоўля забаўляльнага комплексу пад назвай «Бульбаш-хол» пачалася ў 2010 годзе ў ахоўнай зоне Курапатаў. У 2014-м ахоўную зону зьменшылі. Гісторыя будаўніцтва і змаганьня тут.
- Першая грамадзкая абарона Курапатаў адбывалася ў 2001–2002 гг., калі моладзь пратэставала супраць пашырэньня кальцавой дарогі праз урочышча. На пачатку 2017-га актывісты адстаялі Курапаты ад будоўлі бізнэс-цэнтру.
Сталінскія рэпрэсіі і Курапаты
У Беларусі масавыя рэпрэсіі пачаліся яшчэ з прыходам да ўлады бальшавікоў — у 1917 годзе. А скончыліся, калі памёр Сталін — у 1953-м. Дасьледчыкі мяркуюць, што іх зазналі як мінімум 600 тысяч чалавек. Паводле іншых ацэнак, гэтая лічба дасягае 1,4 мільёна. Але дакладная колькасьць невядомая — КДБ дагэтуль не раскрыў архівы. Паводле розных падлікаў, ад 30 да 250 тысяч чалавек карнікі НКВД расстралялі з 1937 па 1941 гады ў Курапатах — лясным масіве пад Менскам.
Асноўнае пра Курапаты
Чытайце таксама:
«Чарка і скварка» ў Курапатах. Камэнтуюць: дэпутат, рокер, лекар-дыетоляг
«Чарка і скварка» ў Курапатах. Камэнтуюць прадстаўнікі каталіцкай і праваслаўнай цэркваў
«Чарка і скварка» ў Курапатах. Камэнтуюць Ганна Бонд, Уладзімір Войнавіч і Юлія Чарняўская
«Пытаньне ня ў тым, што побач, а ў тым, як гэта спалучаецца», — рабін Абрамовіч пра рэстарацыю ля Курапатаў
Касманаўт Кавалёнак пра Курапаты: Нельга, каб побач са сьвятым месцам былі гулянкі з голымі азадкамі
Дэпутат Марзалюк: «Рэстаран не на касьцях. Але есьці там ніколі ня буду»
Лявон Вольскі: «Установа грамадзкага харчаваньня ля Курапатаў — гэта зусім цынічна»
Мікалай Чаргінец пра рэстаран каля Курапатаў: «Праяжджаючы міма, адварочваў бы галаву»
Лія Ахеджакава пра Курапаты: Там, дзе расстрэльвалі, ставіць рэстаран — ганебна!
Алексіевіч пра Курапаты: «Гэтыя „шуневічы“ пачуваюцца абсалютна беспакарана»
ІТ-прадпрымальнік Юры Гурскі: «Я ў сумнеўных месцах ня ем»
Дэпутатка Анісім: «Нават калі б падала з голаду, туды не пайшла б»
Лыжнік Далідовіч пра рэстаран каля Курапатаў: «Я туды дакладна не паеду бавіць час»
Ярмошына пра Курапаты: «Тэма палітычна разьдзьмутая, але свой юбілей тут не адзначала б»
Музыка Андрэй Макарэвіч пра Курапаты: Ставіць у такім месцы рэстаран — непрыстойна
Ярмошына пра Курапаты: «Тэма палітычна разьдзьмутая, але свой юбілей тут не адзначала б»
