فرانسې د اوکراین د دفاعي ځواک د پیاوړتیا لپاره دې هېواد ته د میراژ ۲۰۰۰ جنګي الوتکې وسپارلې.
که څه هم زده کړې د هر وګړي اساسي او بنسټیز حق دی، خو ملګري ملتونه وايي، په ټوله نړۍ کې هر کال د بېلابېلو ستونزو او لاملونو له امله زرګونه ماشومان له زده کړو بې برخې کېږي.
د امریکا د ولسمشر ډونالډ ټرمپ له لوري د بهرنیو مرستو او د افغان پناهغوښتونکو د منلو پروګرام د ځنډېدو په غبرګون کې، یوه ډله امریکايي سناتورانو د امریکا د دفاع، بهرنیو چارو او کورني امنیت وزارتونو ته په یو لیک کې خپلې اندېښنې څرګندې کړې دي.
د امریکا د بهرنیو چارو وزیر مارکو روبیو ویلي، چې د ځمکې، اقلیم بدلون او تنوع، مساوات او شمولیت د ترویج په اړه د پالیسیو له امله به د روانې میاشتې په وروستیو کې په سویلي افریقا کې د جي ۲۰ هېوادونو د بهرنیو چارو وزیرانو په غونډه کې ګډون ونه کړي.
د بښنې د نړیوال سازمان مشرې اګنس کالامارد رویټرز اژانس ته وویل له غزې څخه په زوره د فلسطنیانو ایستل چې د دوی په خوښه نه وي، جنګي جنایت ګڼل کیږي.
د ملګرو ملتونو د امنیت شورا له لوري د طالبانو د حکومت د کورنیو چارو د سرپرست وزیر سراج الدین حقاني لپاره د سفر معافیت، چې د عمرې حج د ادا کولو لپاره سعودي عربستان ته ورکړل شوی، له پراخو نیوکو سره مخ شوی دی.
د اسماعیلیه شیعه مسلمانانو مذهبي مشر او د اسماعیلیه ۴۹م امام، کریم الحسیني (اغا خان)، د ۸۸ کلونو په عمر ومړ.
څلورم اغا خان ، چې د نړۍ د شیعه اسماعیلي مسلمانانو روحاني مشر ګڼل کېده، د ۸۸ کلونو په عمر وفات شو. د هغه بنسټ وايي چې نوموړی د فبرورۍ په ۴مه په پرتګال کې، د خپلې کورنۍ د غړو د حضور پر مهال، ساه ورکړه.
څو شېبې وروسته له دې چې پر چین د متحده ایالتونو له خوا د تعرفې د لوړولو پرېکړه عملي شوه، چین له امریکا څخه پر وارداتو د تعرفې د لوړولو اعلان وکړ.
پاکستان د امریکا په ګډون له لویدیځو هېوادونو غوښتي چې هغه افغانان، چې دوی له مخکې منلي یا یې د منل کېدو پر کیسونو غور روان دی او په دې هېواد کې انتظار باسي، ژر تر ژره خپلو هېوادونو ته ولېږدوي، کنه د مارچ له میاشتې وروسته به یې له خپلې خاورې وباسي.
ټاکل شوې چې د اسراییل صدراعظم نن سې شنبې په سپینه ماڼۍ کې له ولسمشر ډونالډ ټرمپ سره وګوري.
د سوریې موقت ولسمشر احمد الشرع ویلي د سعودي عربستان له ولیعهد محمدبن سلمان سره یې د اړیکو د لا ښه والي او بشري او اقتصادي برخو کې پر هر اړخیزو همکاریو مفصلې خبرې کړي. سعودي عربستان د سوریې د کورنۍ جګړې پرمهال د بشار الاسد پرضد د یاغي ډلو مالي ملاتړ کاوه.
نور راوښيه
