Ооганстанда талибдер соңку жылы эле 20 миң музыкалык аспапты жок кылганы августта маалым болду. 2021-жылы бийликти басып алган экстремисттик топ аспаптарды “шарыятка туура келбейт” деп жүйө келтирет. Каардуу бийликтен корккон ооган өнөрпоздору мекенин таштап чыгып кетти.
Олжобай Шакир үч жылдык пробация менен эркиндикке чыгарды. Украинанын Херсон жана Одесса аймактарына урулган авиасоккудан ондогон адам жапа чекти. Ноокат районундагы медреседе 14 жаштагы баланы бычактаган деп шектелген 16 жаштагы өспүрүм бир айга камалды.
Украинанын Херсон жана Одесса аймактарына урулган авиасоккудан ондогон адам жапа чекти. Сокку мектепке жана бала бакчага тийди. Ал эми Украинанын Орусия аннексиялап алган Крым жарым аралындагы Феодосия шаарындагы мунай базада тутанган өрт өчө элек.
Ал эми казакстандыктар бийликтин АЭС куруу дымагын колдоду. Борбордук шайлоо комиссиясы тараткан расмий жыйынтыкка караганда, мындай тандоону 6-октябрдагы референдумга катышкандардын 71,12% жасады. Жалпы шайлоочулардын 64% өз добуштарын беришти.
Бир жыл мурун ХАМАСтын согушкерлеринин Израилге капыстан болгон кандуу кол салуусунан кийин израил армиясы ага жооп иретинде Газа тилкесинде согуш баштаган. Бул апаатта 41 миңден ашуун карапайым палестиндин каны төгүлүп, анклав кыйроого дуушар болду.
Казакстанда жекшембидеги референдумга катышкан шайлоочулардын 71% ашыгы Борбор Азиядагы алгачкы атомдук электр станциясын курууга макулдугун беришти. Жалпы элдик добуш берүүнүн алдында АЭСтин курулушуна каршы чыккан активисттер кармалды.
Жекшембиге караган түнү Израилдин армиясы (ЦАХАЛ) Ливандын борбор калаасы Бейруттун түштүк райондоруна абадан сокку урду. Ал тапта Газанын Дейр-ал-Балах шаарындагы мечитке сокку урулду. Кеминде 19 киши набыт болду.
“Кумтөр Голд Компани” жабык акционердик коому быйыл алтын өндүрүү убактылуу азайып жатканын билдирди. Мунун себебин казылган рудаларда алтындын үлүшү төмөн болуп жатканы менен түшүндүрдү. Ушундай эле көрүнүш былтыр да катталган.
Израил армиясынын Ливандагы аба соккуларынан Жакынкы Чыгыштагы бул өлкө гуманитардык кризистин кырында турат. Соңку апталарда эле 1 миллиондой киши өз үй-жайын таштап, жер которууга мажбур болду. Бейрутта миңдеген киши ай талаада конуп-түнөп, күн өткөрүүдө.
Сооронбай Жээнбековдун бийлигин алмаштырган Октябрь окуяларына төрт жыл болду. 2020-жылы 5-октябрда шайлоонун жыйынтыгына нааразы болгон эл Ак үйгө кирип барган.
Ирандын жогорку руханий лидери, аятолла Али Хаменеи 4-октябрдагы жума намазда беш жылдан берки алгачкы кайрылуусун жасады. Израил Ливанга аба соккуларын күчөтүп жаткан маалда Жакынкы Чыгышта жаңжал кеңейип кетиши мүмкүн деген кооптонуу күч алды.
"Азаттык" Украинадагы согушка кеткен бир нече каармандын кайгылуу окуясын баяндоо менен Орусиянын түрмөлөрүндө мигранттарды кан күйгөн кармашка айдоо дагы эле уланып жатканын көрсөтөт. Белгилүү себептерден улам берүүдө сүйлөгөн каармандардын жүзүн жаап, атын өзгөртүп беребиз.
Дагы жүктөңүз
