1-октябрда Израилдин жөө аскерлери Ливандын түштүгүнө кирип барып, жердеги операциясын баштады. Израил бул операциясы "Хезболлага" каршы гана багытталганын билдирүүдө. "Хезболла" Израилдин аймагын 1-октябрда да аткылады.
Жалал-Абаддын Сузак районунда 18 жаштагы жигиттин өлүмүнө байланыштуу 30-сентябрда маркумдун жакындары облустук бийликтин имаратынын алдына нааразылык акциясына чыкты. Алар тергөөнүн жүрүшүнө нааразы болуп жатышат.
Израилдин армиясы Йемендеги хуси козголоңчуларына абадан сокку урду. Президент Садыр Жапаров демөөрчүлүк фондунан 40тай жетекчиге айына каражат берип турарын айтты. Биринчи май райондук соту вебкам студияларды уюштурган деген шек менен кармалган Даниел Ажиевди тогуз жылга абакка кести.
Израил армиясы Йемендеги Ходейда шаарындагы хуси козголоңчуларына сокку урду. Ошол эле учурда ЦАХАЛ Бейруттагы “Хезболла” уюмунун позицияларына авиачабуулдарын улантууда. Бул уюм Ливандын түштүгүнүн көп бөлүгүн көзөмөлдөйт.
Токмокто мурда аскер кызматкери болуп иштеген күйөөсү катуу сабап, ооруканага түшкөн келиндин окуясы Кыргызстандагы аялдардын коопсуздугу, үй-бүлөлүк зомбулук маселесин кайра күн тартибине чыгарды. Ага чейин Ош, Жалал-Абад, Баткенде быйыл зомбулук боюнча милицияга кайрылуу көбөйгөнү маалым болгон.
Жакынкы Чыгышта кырдаал курчугандан бери Ливандын чек арага жакын тилкесин жана борбор калаасы Бейруттун түштүк райондорун бутага алып келген Израил 30-сентябрдын таңында шаардын борбордук бөлүгүндөгү Кола кварталына абадан чабуул койду.
Ички иштер министрлиги 2019-жылы “Манас” аэропортунун жанында турган автоунаанын багажынан сөөгү табылган адамдын өлүмүнө байланыштуу 33 жаштагы шектүү Орусияда кармалып, Кыргызстанга экстрадицияланганын билдирди.
Ливандын бийлиги Израилдин соңку соккуларынан өлкөнүн чыгыш тилкесинде тогуз кишинин өмүрү кыйылганын билдирди. Израил Ливан тараптан учурулган 10 ракета, төрт дрон жок кылынганын, бир киши жараат алганын жана Ливанда жайгашкан "Хезболла" жоочулар тобуна каршы күрөшү токтобой турганын маалымдады.
Кыргызстанда укук коргоо органдарынын кызматкерлеринин ишине мыйзамсыз кийлигишип, аларды сүрөт жана видеого тартып, каралоо максатында интернет сайттарга таратууга тыюу салуу сунушталууда. Мындай ченемди камтыган мыйзам долбоорун Жогорку Кеңештин депутаттары алып чыкты.
Орусиянын армиясы Украинанын Покровск багытын көздөй тынбай чабуул коюп жаткан маалда шаардын сыртындагы зоопаркка келген киши өтө азайды. Төрт кызматкер аба чабуулдары күчөгөндө жүздөгөн жан-жаныбарды тынчтандырып, аларга камкордук көрөт.
25-cентябрда президент Владимир Путин дүйнөнү кайра коркутуп, өзөктүк арсеналы бар мамлекет колдогон кайсы өлкө болбосун Орусияга кол салса, Кремл ядролук курал колдонорун жарыялады. Эгер Орусия Украинага же Батыш Европага өзөктүк сокку урса континенттин аны токтотуп калууга күч-кубаты жетеби?
Дагы жүктөңүз
