Израилдин армиясы менен "Хезболла" (Ливандын түштүк аймактарынын көпчүлүк бөлүгүн көзөмөлдөгөн жоочулар тобу жана саясий партия) бири-бирин ракеталар менен аткылоону күчөттү.
Президент Садыр Жапаров 11-октябрда Бишкек мэриясынын жол кирени көтөрүү сунушуна пикирин билдирди.
Кыргызстандык Азамат Украинадагы согушта жаракат алып, аскердик госпиталда дарыланып жаткан жеринен "Азаттык" менен байланышты. Ал соңку бир айда эки ирет жарадар болуп, ага карабай кандуу кармашка кайра-кайра жиберилген. Азамат эки ай мурун орус абагынан согушка айдалган.
Украинанын президенти Владимир Зеленский Жеңиш планын Европадагы өнөктөштөрү менен талкуулап жатат. Ал тапта Украина Орусия президенти Владимир Путин Түркмөнстанга барганына байланыштуу нааразылыгын билдирип, ал Эл аралык кылмыш сотунун ордери берилген адам экенин эскертти.
АКШнын Флорида штатында “Милтон” бороонунан улам миллиондон ашуун турак-жай жарыксыз калды. Эки миллиондон көп киши коопсуз жактарга чыгарылды. 10-октябрга караган түнү бороондун күчү бар аз басаңдап, ылдамдыгы саатына 145 чакырымга жетүүдө. Азырынча кырсыкта эки киши каза болгону кабарланды.
Казакстан Борбор Азиядагы алгачкы АЭС курууга дагы бир кадам жакындады. Өзбекстан да Орусия менен чогуу чакан АЭС курууну көздөп жатат. Кыргыз өкмөтүнүн өкүлдөрү АЭС куруу үчүн коомчулукта түшүндүрүү иштерин баштаганын билдирди. Эмне себептен Орусия регионго АЭС курууга кызыкдар?
“Салимбай байбача” деген ат менен Борбор Азияга таанымал, Өзбекстанда соттолгон кримтөбөл, 73 жаштагы Салим Абдувалиевди Кыргызстан менен эмне байланыштырат? Спортпу, бизнеспи же криминал, баңгизат ташуубу?
Шаршембиге караган түнү Израил Газанын качкындар баш калкалаган лагерлерине сокку урганы кабарланды. Чабуулдан кеминде 13 кишинин өмүрү кыйылганы, анын ичинде бир үй-бүлөнүн тогуз мүчөсү набыт болгону айтылууда.
Орусиянын түрмөлөрүндө Украинадагы кан күйгөн кармашка азгырган учурлар көбөйдүбү? Темир тор артындагы мигранттар эмне себептен согушка барууга макул болуп, бөтөн жердеги өлүмгө баш байлап кетип жатат? Уулу кандуу кармашка айдалган эне-атанын зарын ким угат?
Ооганстанда талибдер соңку жылы эле 20 миң музыкалык аспапты жок кылганы августта маалым болду. 2021-жылы бийликти басып алган экстремисттик топ аспаптарды “шарыятка туура келбейт” деп жүйө келтирет. Каардуу бийликтен корккон ооган өнөрпоздору мекенин таштап чыгып кетти.
Олжобай Шакир үч жылдык пробация менен эркиндикке чыгарды. Украинанын Херсон жана Одесса аймактарына урулган авиасоккудан ондогон адам жапа чекти. Ноокат районундагы медреседе 14 жаштагы баланы бычактаган деп шектелген 16 жаштагы өспүрүм бир айга камалды.
Украинанын Херсон жана Одесса аймактарына урулган авиасоккудан ондогон адам жапа чекти. Сокку мектепке жана бала бакчага тийди. Ал эми Украинанын Орусия аннексиялап алган Крым жарым аралындагы Феодосия шаарындагы мунай базада тутанган өрт өчө элек.
Дагы жүктөңүз
