Сооронбай Жээнбековдун бийлигин алмаштырган Октябрь окуяларына төрт жыл болду. 2020-жылы 5-октябрда шайлоонун жыйынтыгына нааразы болгон эл Ак үйгө кирип барган. Ошондон тарта 15-октябрга чейин Кыргызстанда саясий оюндар, тараптардын сүйлөшүүлөрү күч алган. 10 күндүн аралыгындагы окуяларга активдүү катышкан Феликс Кулов, Сыймык Жапыкеев, Тилек Токтогазиев, Өмүрбек Суваналиевдер Жээнбековдун кантип бийликтен кеткенин “Азаттыкка” айтып беришти.