Кыргыз бийлиги Макмал-Каракол темир жолун куруу үчүн америкалык компания менен макулдашканын жарыялады. Ага АКШнын Кыргызстандагы элчиси Лесли Вигери да катышты. "Трансевразиялык каттам" деп аталган долбоордун болжолдуу баасы 3 млрд доллар экени, ал мамлекеттик-жеке өнөктөштүктө ишке ашары айтылды.
Зордук-зомбулуктан качкан кыз-келиндер убактылуу баш калкалоочу кризистик борборлор каржылоосуз калганы белгилүү болду. Депутат Мамашова алар негизинен АКШнын донорлору аркылуу каржыланып келгенин, ал өлкөдө саясат өзгөрүп жатканындыктан каржылоосуз калганын айтып, өкмөттү каражат берүүгө чакырды.
Жер кодексинин жаңы редакциясынын долбооруна нааразы болгон жарандар Жогорку Кеңештин алдына чогулуп, президентке кайрылды. Алар парламент кабыл алган мыйзамга кол койбоону суранууда. Ал тапта президент Садыр Жапаров бул мыйзамды артка кайтарарын билдирди.
Соңку жылдары орусиялык "Яндекс" компаниясы Борбор Азиянын дээрлик бардык өлкөлөрүндө такси рыногунда монополистке айланды. Кыргызстанда, Казакстанда же Өзбекстанда ал тармакта реалдуу атаандаштык жок. Бирок компания коңшу Тажикстандын рыногун багындыра алган жок. Кеп маркетинг маселесинде эмес.
Иликтөөчү журналист Болот Темиров Чүйдөгү №2 аялдар абагында алты жылдык жаза мөөнөтүн өтөп жаткан жубайы, Temirov Live жана “Айт айт десе” долбоорлорунун жетекчиси Махабат Тажибек кызынын өмүрү коркунучта экенин жазды. ЖАК мындай маалыматты төгүндөп, анын өмүрүнө коркунуч жок экенин айтууда.
Кыргыз оймо-чиймеси түшүрүлгөн кийимдерди саткан орусиялык YAKA бренди бир канча күндөн бери кыргызстандыктардын көңүлүн бурууда. Буга компаниянын өз өнүмүнүн “стилистикалык өзгөчөлүгүн” көчүрүп алганга тыюу салып, мындай учурда сотко кайрыла турганын билдиргени себеп болгон.
Үч жыл мурун Орусия Украинага басып кирип, кеңири масштабда согуш баштагандан бери кыргыз паспортун алууга кызыккан орусиялыктар үчүн гүлдөгөн жаңы рынок пайда болду. Ар кандай визалык чектөө, санкцияларга туш болгон орусиялыктарга кыргыз паспорту чет өлкөлөргө чыгууда бир топ жеңилдик берет.
5-февралда тажикстандык журналист Рухшона Хакимованын сегиз жылга кесилиши коомчулукту нес кылды. Анын 2,5 жаштагы жана 9 айлык кыздары таенесинде калды.
Бишкектеги №72 орто мектептин 8-классынын окуучусунун өлүмүнө шек саналып ушул эле мектептин 9-классынын окуучусу кармалды. Өткөн аптада Оштун Кара-Суу районундагы мектепте да мушташта окуучунун өмүрү кыйылды.
Европа өлкөлөрүнүн башчылары келерки аптада Парижде чогулуп, Украинадагы тынчтык келишимин талкуулай турганы күтүлүп жатат. Чукул жыйын АКШнын Европа өлкөлөрүнүн дарегине айтылган катаал билдирүүлөрүнө туш келди.
Кыргызстандык Жамал (аты өзгөртүлгөн) Америкага мыйзамдуу кирүүгө үмүт кылып, азыркы тапта Мексикада отурган мигранттардын бири. Ал Тихуанага үч баласы менен жыл башында барган. Ижарага батир алып, айына 1500 доллар төлөп жашап жатканын, күнүнө 5 миң сомдой тамак-ашка короторун айтып берди.
Грузияга карын эне болуу үчүн барган бир нече тайланддык аял ал жакта барымтада калып, урук клеткалары алынганын айтып чыгышты. Бул окуя Грузияда соңку жылдары өнүгүп бараткан коммерциялык карын энеликтин көмүскө тараптарын ачыкка чыгарды.
Дагы жүктөңүз
