Борбордук шайлоо комиссиясынын төрайымы Нуржан Шайлдабекова өз каалоосу менен кызматтан кетип, ордуна Тынчтык Шайназаров шайланды. Дээрлик тогуз жылдан бери комиссияны жетектеп келген Шайлдабекова эки жолу президенттик, эки парламентик жана бир нече жолу жергиликтүү шайлоону өткөрдү.
Соңку айларда Кыргызстанда өтө жарнамаланып келген криптоактив алдамчылык экени ачыкка чыкты. Ага коомчулукка аты белгилүү адамдар да тартылганы, таанымал кишилер иш-чараларына катышканы жана MCN coin криптоактивин уюштуруучулар өкмөттүк басылмага маек курганы талкууга түшүүдө.
Жогорку Кеңештин тармактык комитетинде Суу кодексинин жаңы редакциясын кабыл алуу боюнча мыйзам долбооруна байланыштуу талаш чыкты. Тагыраагы, кодекстин текстине Кумтөр кениндеги Давыдов жана Лысый мөңгүлөрүн казууга уруксат берген сөздү киргизүү сунушталганы ачыкка чыгып, каршылыктарды жаратты.
Өзбекстандын Анжиян облусунда кыз-келиндердин жумушта жоолук салынып, эркектердин жума намазга баруусуна чектөө киргизилип жатканы кабарланды. Ошондой эле эркектерди мажбурлап сакал-мурутун алдырган учурлар катталууда. Бирок мындай буйрук тууралуу расмий маалымат жок.
Интернетте жана жалпыга маалымдоо каражаттарында жалаа жабууга, мазактоого айып пул салуу каралган мыйзам 10-февралда күчүнө кирди. Арызды ИИМ кабыл алып, протокол түзүп, сотко жиберет. Сот жалган маалымат таратты деп тапса, 20 миң сом, андай маалыматты чыгарган медиага 65 миң сом айып пул салынат.
Жалаа жапкан же мазактаган (же сөгүнгөн) пост, комментарийлер үчүн айып салган мыйзамга кол коюлуп, 10-февралда күчүнө кирди. Бул чечимди туура деп колдогондор менен катар жактырбай, мындан ары оюбузду кантип айтабыз, мыйзам баарына бирдей колдонулабы деп кабатыр болгондор да көп.
АКШ президенти Дональд Трамп Орусиянын мамлекет башчысы Владимир Путин менен телефондон сүйлөшкөнүн билдирди. Бул тууралуу New York Post басылмасы жазды. Маалыматка караганда, эки лидер Украинадагы согушка чекит коюу маселесин талкуулашкан.
Бишкек акыркы жылдары абасы кир шаарлардын тизмесинен түшпөй келет. Мурдагы жылдары экологдор борбор калаанын абасында күкүрттүн кош кычкылы, көмүр кычкыл газы, азот кычкылы баштаган зыяндуу газдар көбөйүп кеткенин айтып, коңгуроо кагышкан.
Сымбат Максутованын «Армандуу махабат» үчилтигинде ар кыл тагдырлар, бири экинчисине окшобогон, кайгы менен кубанычы аралаш окуялар сүрөттөлгөн. Булардын баарын бириктирип турган башкы идея адам ууз сезимине чыккынчылык кылбай, махабатын кирсиз таза сакташы керектиги ырасталган.
Тышкы иштер министрлиги (ТИМ) 8-февралда Европа Биримдигинин Кыргызстандагы өкүлү Ханс Фарнхаммер менен жолугушууда Европа парламентинин Адам укуктары боюнча комитетинин өкүлдөрүнүн Кыргызстанга сапарынын болбой калышы тууралуу түшүндүрмө берди.
Uzbekistan Airways Европага каттамдары мурункудай Орусия же Беларус аркылуу өтпөй турганын, учактар бул өлкөлөрдү айланып учмай болгонун жарыялады. Бирок эми Азербайжан жана Түркия аркылуу уча турганы айтылганы менен, Flightradar24 сайты айрым каттамдар дагы эле Орусия аркылуу өтүп жатканын жазды.
Кыргызстанда учурда чоң үйлөрдүн ээлери гана мүлк салыгын төлөшөт. Мисалы, Бишкекте батирдин аянты 80 чарчы метр, жер үйдүкү 150 чарчы метрден ашканда салык салынат. Бирок өкмөт бул система акыйкатсыз экенин айтып, аны өзгөртүүнү сунуштады.
Дагы жүктөңүз
