Людзі і выбары

Ярмошына: Нашай віны ў зьбіцьці Някляева няма

Цэнтравыбаркам ня мае паўнамоцтваў разглядаць факт зьбіцьця кандыдата на прэзыдэнта Ўладзімера Някляева. Пра гэта заявіла старшыня ЦВК Лідзія Ярмошына на прэсавай канфэрэнцыі.

Аўтухоў паскардзіўся ў міліцыю на “перасьлед невядомымі”

Леанід Аўтухоў, прыхільнік Уладзімера Някляева з райцэнтру Гарадок Віцебскай вобласьці, патэлефанаваў у міліцыю і распавёў, што з самага ранку яго перасьледуе легкавік, у якім езьдзяць невядомыя ў цывільным.

На шляху ў Менск затрымалі яшчэ чатырох віцебскіх актывістаў

Супрацоўнікі ДАІ спынілі машыну, якой кіраваў Уладзіслаў Варанецкі. Разам з трыма пасажырамі яго даставілі ў аддзел міліцыі Віцебскага раёну

Кіраўнік кампаніі TNS-Украіна: перамог Лукашэнка

У наўпроставым эфіры тэлеканалу ОНТ Мікалай Чурылаў,кіраўнік кампаніі TNS-Україна, якая праводзіла апытаньні на выхаду з выбарчых участкаў, паведаміў, што перамагае на выбарах Аляксандар Лукашэнка з 72,2 працэнтамі пададзеных галасоў выбарцаў.

Уладзімер Някляеў шпіталізаваны з чэрапна-мазгавой траўмай

Стан Някляева быў настолькі цяжкі, што хуткая спынілася і хвілін 15 яму аказвалі тэрміновую дапамогу ў машыне.

Twitter: вашы паведамленьні з плошчы

Адключылі сацыяльныя сеткі? Чытайце найважнейшыя абнаўленьні з Twitter, Facebook, Livejournal беспасярэдне з вуліцаў Менску. Абнаўляецца ў рэжыме рэальнага часу.

Невядомыя ў чорным зьбілі някляеўцаў. Някляева забрала хуткая дапамога

У той час, як калёна прыхільнікаў Уладзімера Някляева рушыла зь Нямігі ў бок Кастрычніцкай плошчы, на людзей наляцелі каля 50 чалавек у чорным. Прыхільнікаў Някляева пачалі брутальна зьбіваць, узрываліся шумавыя гранаты і пэтарды.

Ля чыгуначнага вакзалу — мітынг прыхільнікаў Рымашэўскага

Ля чыгуначнага вакзалу адбываецца мітынг прыхільнікаў Віталя Рымашэўскага. Людзі прыбываюць. Іх ужо каля 400 чалавек.

Ярмошына ўражаная «бліскучымі лічбамі галасаваньня»

Паводле старшыні Цэнтарвыбаркаму Лідзіі Ярмошынай, цяперашнія прэзыдэнцкія выбары дэманструюць «бліскучыя лічбы». Паводле дадзеных ЦВК, на 18.00 яўка выбарцаў па краіне склала 84%.

Прыхільнікі Рымашэўскага сабраліся ля чыгуначнага вакзала

Ля чыгуначнага вакзала пад бел-чырвона-белымі сьцягамі і сьцягамі БХД зьбіраюцца сябры штабу і прыхільнікі кандыдата на прэзыдэнта Віталя Рымашэўскага. Іх ужо каля 200 чалавек.

Блякуюцца нумары тэлефонаў кампаніі назіральнікаў

На нумары тэлефонаў кампаніі для назіраньня грамадзкага аб’яднаньня «Рух «За Свабоду» апэратараў velcom і life:).

Затрымліваюць актывістаў штабу Някляева

Алег Ладуцька, каардынатар выбарчага штабу Ўладзімера Някляева па Цэнтральным раёне Менску, затрыманы на станцыі мэтро Кунцаўшчына.

Беларусь у інфармацыйнай аблозе

Супраць шэрагу незалежных інфармацыйных рэсурсаў у дзень выбараў 19 сьнежня распачатая кібэратака. Гэтым разам пайшла ў ход новая зброя – фальшывыя сайты зьнешне падобныя на арыгіналы, але з фальшывай інфармацыяй.

У Рудзенску заблякаваныя маладафронтаўцы

Як паведамляюць праваабаронцы, у адной з кватэраў у Рудзенску зяблякаваныя актывісты «Маладога фронту».

Лазавік зьвярнуў увагу на апытаньне Радыё Свабода

Лазавік паведаміў, што свае экзыт-полы праводзяць розныя сацыялягічныя групы і СМІ. У прыватнасьці, ён зьвярнуў увагу на апытаньне, якое на сваім сайце ладзіць Радыё Свабода.

На 16 гадзінаў яўка склала 75,8 працэнтаў

ЦВК паведаміў дадзеныя пра яўку выбаршчыкаў на 16 гадзін. Паводле ЦВК, на гэты час удзел у выбарах прынялі 75,8 працэнтаў выбаршчыкаў, альбо 5 мільёнаў 376 тысяча 615 чалавек

Расейскія назіральнікі ад КПРФ ня бачаць ніякіх парушэньняў на выбарах

А 17 гадзіне ў Палацы Рэспублікі пачалася прэсавая канфэрэнцыя назіральнікаў на выбарах ад Расейскай Фэдэрацыі.

ТNS абвяргае агучаныя лібы экзыт-полаў

Расейскае агенцтва "Регнум" паведаміла, што кампанія TNS-Украіна, якая праводзіць экзіт-пол па замове беларускіх уладаў, дапусьціла уцечку інфармацыі, паводле якой Лукашэнка мае толькі 40 працэнтаў. Аднак кіраўнік TNS-Украіна Мікалай Чурылаў абверг гэтую інфармацыю.

Рэгіёны: затрыманьні, абвінавачаньні, арышты

У асноўны дзень прэзыдэнцкіх выбараў міліцыянты і супрацоўнікі КДБ працягвалі затрымліваць актывістаў апазыцыі ў рэгіёнах, перашкаджалі ім дабірацца да Менску. Адначасна на выбарчых участках незалежныя назіральнікі фіксавалі шматлікія парушэньні парадку галасаваньня.

Горадня: “Калі ніколі нічога не зьмяняць, то як мы даведаемся, як можа быць лепей”

На Гарадзеншчыне ў асноўны дзень выбараў назіралася высокая актыўнасьць выбарцаў, а назіральнікі за выбарчым працэсам адзначалі і шматлікія парушэньні выбарчага працэсу.

Пяць кандыдатаў у прэзыдэнты каля Пракуратуры

Пяць кандыдатаў у прэзыдэнты патрабуюць вызваленьня Зьмітра Дашкевіча ды іншых затрыманых актывістаў.

За што галасавалі Кастусёў, Міхалевіч і Рымашэўскі

Кандыдаты ў прэзыдэнты Віталь Рымашэўскі і Алесь Міхалевіч галасавалі паводле месца жыхарства ў Менску. Адзіны сярод прэтэндэнтаў іншагародні кандыдат Рыгор Кастусёў гэтаксама галасаваў па ўзятым адмацаваньні ў Менску, хоць мае магілёўскую прапіску. За што прагаласавалі палітыкі? Перадае Ігар Карней.

Міліцыя: Дашкевіч затрыманы за бойку

Лідэра Маладога фронту Зьмітра Дашкевіча вінавацяць у збройным нападзе. На сайце Гарадзкога ўпраўленьня ўнутраных спраў Менску зьявілася паведамленьне, у якім сьцьвярджаецца, што Дашкевіч быў затрыманы ў суботу за ўдзел у бойцы.

Экзыт-полы: ЭКООМ - за Лукашэнку 72,3 працэнты, INSIDE - 37,8

У выпуску навінаў у 15 гадзінаў Беларускае Тэлебачаньне паведаміла дадзеныя экзіт-пола, праведзенага праўладным цэнтрам ЭКООМ. Прэсавая служба Яраслава Раманчука паведаміла іншыя лічбы са спасылкай на расейскую кампанію INSIDE.

Віцебск: кіраўніка суполкі “Маладая Беларусь” вартуе міліцыя

Кіраўнік віцебскай суполкі «Маладой Беларусі» Тарас Сурган паведаміў, што каля дома, дзе ён жыве, ужо суткі дзяжурыць міліцэйская машына. Па тэлефоне яму загадалі ў 17 гадзін зьявіцца ў міліцыю, аднак ён адмовіўся ісьці туды без позвы.

Выбары адбыліся. На 14 гадзін яўка склала 65,2%

Старшыня ЦВК Лідзія Ярмошына ў жывым эфіры Першага каналу беларускага тэлебачаньня паведаміла лічбы яўкі выбаршчыкаў на 14 гадзінаў. Па ўсёй Беларусі яўка склала 65,2%.

Георгі Чачалідзэ: "Упершыню бачу, каб прэзыдэнта абіралі 5 дзён"

Дэпутат парлямэнту Грузіі Георгі Чачалідзэ, які зарэгістраваны міжнародным назіральнікам на выбарах прэзыдэнта Беларусі, назіраў са многімі выбарамі ў розных краінах.

Сьпіс затрыманых

Большасьць адпускаюць пасьля кароткіх прафіляктычных гутарак.

Горадня засталася без кандыдатаў

У Горадні зьніклі партрэты кандыдатаў на прэзыдэнта. Студэнтцы пагражаюць выключэньнем з унівэрсітэту.

Някляеў напісаў на бюлетэні "За выбары без Лукашэнкі"

Уладзімер Някляеў прагаласаваў на выбарчым участку ў школе нумар 54 на вуліцы Сонечнай у Менску.

Заблякаваны сайт "Хартыі-97"

У першай палове дня была зафіксаваная DOS-атака, а цяпер сайт наагул не загружаецца. На думку каардынатара сайту Натальлі Радзінай, гэта робіцца ўладай наўмысна: альбо на ўзроўні Белтэлекаму, альбо ідзе DOS-атака.

У Наваполацку зафіксаваны факт укідваньня стосу бюлетэняў

Назіральнікі Міхаіл Новікаў (Рух "За свабоду" і Яўген Апецянок (Партыя БНФ), якія працуюць на ўчастку №22 у Наваполацку, сталі сьведкамі таго, што адзін з выбарцаў закідваў у скрыню для галасаваньня вялікі стос бюлетэняў.

Ярмошына: "Абгрунтаваных скаргаў няма"

А 14 гадзіне старшыня ЦВК правяла чарговую прэсавую канфэрэнцыю. Вось кароткі пераказ яе выказваньняў.

Назіральнікі — на адлегласьці, падлік галасоў — моўчкі

Назіральніца Валянціна Сьвяцкая наведала трэнінг для старшыняў участковых камісіяў Маскоўскага раёну. Вось чаму там вучылі.

У Магілёве й Крычаве пазбавілі акрэдытацыі двух назіральнікаў

У Магілёве з участка для галасаваньня № 66 выдалілі назіральніцу ад Беларускага Хэльсынскага Камітэту Натальлю Самахвалаву. У Крычаве з участка для галасаваньня №4 выдалілі назіральніка ад Свабоднага прафсаюза мэталістаў Уладзімера Кудраўцава.

Берасьцейшчына: парушэньні і затрыманьні

У Берасьці а 13-й гадзіне на выхадзе з пад'езду свайго дома па бульвары Касманаўтаў быў затрыманы Віктар Чайкоўскі, давераная асоба кандыдата ў прэзыдэнты Мікалая Статкевіча

Віцебскіх актывістаў спыняюць па дарозе ў Менск

Сяргея Парсюкевіча затрымалі на аўтавакзале, калі ён садзіўся ў аўтобус на Менск. Міліцыянты заявілі, што ён падобны да злачынцы, які паўгадзіны таму зьдзейсьніў забойства.

Менск: участковая камісія не паслухалася Ярмошыну

У Менску ўчастковая камісія адмовілася дапусьціць назіральніка да галасаваньня, нягледзячы на рэкамэндацыю ЦВК

Лазавік: Яны шукаюць плямы на сонцы

Як паведаміў сакратар ЦВК Мікалай Лазавік, на 10 гадзіну па ўсёй краіне прагаласавала 32,1%.

Кандыдаты прыйдуць да Генпракуратуры патрабаваць вызваленьня Дашкевіча

Рыгор Кастусёў заклікае ўсіх кандыдатаў у прэзыдэнты сёньня а 16-й гадзіне прыйсьці ў Генэральную пракуратуру, каб запатрабаваць неадкладнага вызваленьня Зьмітра Дашкевіча, Міхася Пашкевіча, Алеся Пушкіна, іншых затрыманых прэвэнтыўна.

Яраслаў Раманчук аддаў голас за сябе

Кандыдат на прэзыдэнта Яраслаў Раманчук прагаласаваў на ўчастку №76 Савецкага раёну ў Менскім дзяржаўным тэхналягічным каледжы.

Чавэс: "Твая перамога, брат Аляксандар, гэта наша перамога!"

Прэзыдэнт Вэнэсуэлы Уга Чавэс у сваім тэлевізійным звароце да нацыі выказаў сваю ўпэўненасьць у тым, што дзейны беларускі прэзыдэнт Аляксандар Лукашэнка пераможа і на сёньняшніх выбарах.

Скрыні зь бюлетэнямі ахоўваліся неахайна

Назіральнікі кампаніі "За справядлівыя выбары — 2010" заўважылі сыстэмную памылку — у парушэньне артыкула 53, часткі 4 Выбарчага кодэксу старшыні камісій функцыю захаваньня скрыняў для датэрміновага галасаваньня даручылі міліцыянтам.

Лукашэнка: "Нікога сёньня на Плошчы ня будзе"

У 12.20 на сваім участку прагаласаваў Аляксандар Лукашэнка. Пасьля галасаваньня ён адказаў на пытаньні журналістаў. Вось некаторыя выказваньні кіраўніка дзяржавы:

Чудакоў прапануе Беларусі швэдзкую мадэль выбараў

Загадчык катэдры Акадэміі кіраваньня пры прэзыдэнце Міхаіл Чудакоў лічыць, што выбарчая мадэль Швэцыі блізкая для Беларусі.

Колькасьць тых, хто прагаласаваў датэрмінова, розьніцца

Выяўлены разыходжаньні ў колькасьці тых, хто прагаласаваў, па дадзеных выбарчых камісіяў і па падліках назіральнікаў кампаніі "За справядлівыя выбары — 2010" на 86 участках з 250.

Выбары ўжывую

Маці актывістаў "Маладога Фронту" прыйшлі ў КДБ

Маці актывістаў "Маладога Фронту" сабраліся каля помніку Фэліксу Дзяржынскаму насупраць будынка КДБ. 12.25 Дзяжурны КДБ Краянаў паведаміў жанчынам, што супрацоўнікі КДБ не затрымлівалі Зьмітра Дашкевіча і параіў зьвярнуцца да міліцыянтаў.

У інтэрнаце Гомельскага мэдунівэрсытэту датэрмінова прагаласавала 70% студэнтаў

Кампанія "За справядлівыя выбары — 2010" падрыхтавала папярэднюю справаздачу па выніках назіраньня за датэрміновым галасаваньнем на выбарах прэзыдэнта.