Людзі і выбары

Майкл Скэнлан: Важна легітымнасьць выбарчага працэсу

Часовы павераны ў справах ЗША ў Рэспубліцы Беларусь Майкл Скэнлан сёньня выступіў з заявай для прэсы з нагоды прадстаўленьня новага Першага сакратара амбасады.

Берасьцейскіх студэнтаў агітавалі супраць датэрміновага галасаваньня

Берасьцейскія прыхільнікі кандыдата на прэзыдэнта Ўладзімера Някляева арганізавалі пікеты каля ўваходаў у вышэйшыя навучальныя ўстановы абласнога цэнтру.

Старшыні Нарвэскага Хэльсынскага камітэту адмовілі ў беларускай візе

Беларуская амбасада ў Швэцыі адмовіла ў візе ў Беларусь Б’ёрну Энгесланду, старшыні Нарвэскага Хэльсынскага камітэту. Б’ёрн Энгесланд зьбіраўся прыехаць у Беларусь для назіраньня за прэзыдэнцкімі выбарамі.

Кандыдаты дамаўляюцца пра супольную плошчу

Кандыдаты ў прэзыдэнты працягваюць сустрэчы з выбарцамі ў рэгіёнах: Рыгор Кастусёў — у Вялейцы, Уладзімер Някляеў — у Віцебску, Віталь Рымашэўскі — у Баранавічах і Кобрыне, Андрэй Саньнікаў — у Магілёве, Мікола Статкевіч — у Жодзіне.

Апазыцыя зьбірае назіральнікаў у начныя дазоры

За датэрміновым і асноўным галасаваньнем у рэгіёнах будуць назіраць звыш 1500 дэмакратычных актывістаў. Усе гэтыя назіральнікі загадзя акрэдытаваныя ад палітычных партый, грамадзкіх арганізацый і праз збор подпісаў выбарцаў.

Падпалкоўнік Казлоў: "Ад міліцыі не патрабуюць прадухіляць фальсыфікацыі"

Беларуская міліцыя абвясьціла пра пераход на ўзмоцнены варыянт нясеньня службы ў сувязі з прэзыдэнцкімі выбарамі. Ці дапаможа гэта засьцерагчыся ад фальсыфікацый падчас датэрміновага галасаваньня?

На Гарадзеншчыне пачаліся напады на агітатараў за апазыцыйных кандыдатаў

Двое мужчынаў спартыўнага целаскладу прычапіліся да актывіста штабу Някляева ў вёсцы Азёры Гарадзенскага раёну. У Горадні невядомы напаў на аднаго з актывістаў штабу Яраслава Раманчука.

Павал Левінаў — за байкот датэрміновага галасаваньня

Віцебскі праваабаронца вырабіў улёткі з заклікам не хадзіць на прэзыдэнцкія выбары датэрмінова і распаўсюдзіў іх на сваім выбарчым участку № 35 у Першамайскім раёне.

Прагаласуеш датэрмінова — атрымаеш 4 выходныя

14 сьнежня пачынаецца датэрміновае галасаваньне, якое доўжыцца, згодна зь беларускім заканадаўствам, цягам пяці дзён. Як паказвае практыка, датэрмінова галасуюць звычайна ад 20 да 30% выбарцаў.

Сяргей Рыжоў аднавіўся на працы праз суд

Былы віцебскі прэтэндэнт на ўдзел у прэзыдэнцкіх выбарах быў звольнены 1 лістапада нібыта за прагул.

Экспэрты АБСЭ: Больш за 90% эфіру – пра Лукашэнку

Місія Бюро па дэмакратычных інстытутах і правах чалавека АБСЭ надрукавала прамежкавую справаздачу аб асьвятленьні ў дзяржаўных СМІ дзейнасьці кандыдатаў у прэзыдэнты.

Аляксандар Мех абвясьціў конкурс на лепшую песьню для Плошчы

Дэмакратычны актывіст з Кобрыні (Берасьцейская вобласьць) Аляксандар Мех кажа, што мэта конкурсу — аб'яднаць людзей напярэдадні прэзыдэнцкіх выбараў 19 сьнежня.

Паводле Раманчука, яму прапанавалі крэсла рэфарматара ва ўрадзе

Паводле Яраслава Раманчука, яму прапанавалі пасаду кіраўніка ўраду альбо намесьніка прэм’ера. Празь некалькі дзён пасьля гэтага здарыўся інцыдэнт на дарозе ля Гомелю, калі машына кандыдата трапіла ў аварыю.

ОНТ "выдала" апазыцыйным кандыдатам па адным працэнце

Пасьля пагадненьняў у Маскве Лукашэнка застаўся адзіным сапраўдным прарасейскім кандыдатам. Усім астатнім улада плянуе даць пароўну, па-мінімуму

Міліцыя пераходзіць на ўзмоцнены варыянт нясеньня службы

Органы ўнутраных спраў 13—21 сьнежня будуць працаваць ва ўзмоцненым рэжыме. Прычына — маючыя адбыцца 19 сьнежня выбары прэзыдэнта.

Уладзімер Мышак: “Уладам праўда – страшнейшая ад пісталета”

Гомельскія грамадзкія актывісты Ўладзімер Сякерка і Валер Клімаў не змаглі сёньня правесьці сход выбарцаў, каб агітаваць супраць кандыдата ў прэзыдэнты Аляксандра Лукашэнкі.

“Крэмль канчаткова ўпэўніўся, што ня зможа паўплываць на вынікі беларускіх выбараў”

Кіраўніцтва Расеі і Беларусі дасягнула часовага замірэньня. Такія адназначныя высновы робяць расейскія экспэрты пасьля падзеяў, што адбыліся на гэтым тыдні.

Андрэй Саньнікаў сабраў у Горадні самую вялікую аўдыторыю

Сустрэча адбывалася ў перапоўненай залі Гарадзенскай фільгармоніі. Праходы ў зале таксама былі запоўненыя, некаторым давялося стаяць і слухаць кандыдата ў прэзыдэнты ў фае будынку.

Някляеў: “Хто першы паляціць са сваёй пасады, калі на плошчы нешта здарыцца, дык гэта Макей”

Падчас сустрэчаў у рэгіёнах грамадзяне пытаюцца ў кандыдатаў пра сустрэчу на плошчы 19 сьнежня і пра заяву кіраўніка адміністрацыі прэзыдэнта Беларусі Ўладзімера Макея.

«Пагоня» назвала Алеся Пушкіна вязьнем сумленьня

Мастакі творчай суполкі “Пагоня” выступілі з адкрытым лістом з нагоды арышту Алеся Пушкіна, у якім выказалі пратэст супраць дзеянняў уладаў Крупскага раёна і абвясьцілі мастака Алеся Пушкіна вязьнем сумленьня.

Прымушаюць галасаваць датэрмінова – інфармуй праваабаронцаў

Кампанія "Праваабаронцы за свабодныя выбары" пачала збор фота- і відэаматэрыялаў пра факты прымусу да ўдзелу ў датэрміновым галасаваньні.

Над Віцебскам зноў лунаў нацыянальны сьцяг

У запісцы да сьцяга Мірон напісаў: "Мы абавязкова вернем Беларусь у канстытуцыйнае поле, і толькі тады зьявіцца магчымасьць сапраўдных выбараў”.

Альтэрнатыўныя кандыдаты зьняпраўджваюць Макея

Акцыя 19 сьнежня будзе выключна мірнай – гэтак пракамэнтавалі альтэрнатыўныя кандыдаты ў прэзыдэнты заяву кіраўніка Адміністрацыі прэзыдэнта Беларусі Ўладзімера Макея.

Два інцыдэнты з машынай Рымашэўскага

Цягам апошніх двух дзён кандыдат на пасаду прэзыдэнта ад БХД Віталь Рымашэўскі і яго сям’я атрымалі некалькі пагрозаў. Выбарчы штаб Рымашэўскага рыхтуе зварот у пракуратуру.

Пасьля выступу Віталя Рымашэўскага жыхары Гомеля запісваліся ў назіральнікі й БХД

11 сьнежня кандыдат у прэзыдэнты ад беларускіх хрысьціянскіх дэмакратаў Віталь Рымашэўскі правёў дзьве сустрэчы з выбарцамі Гомелю — у ДК «Фэстывальны» й вучэбна-метадычным цэнтры аб’яднаньня прафсаюзаў.

Мікалай Статкевіч і Дзьмітрый Вус пабывалі ў Воршы і Віцебску

І ў Віцебску, і ў Воршы Мікалай Статкевіч і Дзьмітрый Вус акрэсьлілі мэту свайго ўдзелу ў выбарчай кампаніі — каб «раскрыць людзям вочы», расказаць праўду пра жыцьцё ў Беларусі, у тым ліку і пра тое, як праходзяць выбары.

Рэгіянальны дзень кандыдатаў

У суботу ўсе кандыдаты ў прэзыдэнты знаходзіліся у рэгіёнах. Яны пакінулі сталіцу і накіраваліся на сустрэчы з выбарцамі.

Людзі і выбары. Фотаконкурс (11)

На актывіста Рымашэўскага — з нажом

У Нароўлі на сустрэчы з выбарцамі п’яны мужчына з нажом накінуўся на сябра каманды Рымашэўскага Міколу Арцюхова. Нецьвярозы выкрыкваў нешта супраць Рымашэўскага і ў падтрымку дзеючага кіраўніка дзяржавы.

Лябедзька: «Нас папярэджвалі пра магчымасьць правакацый падчас паездак»

Кандыдат у прэзыдэнты Яраслаў Раманчук трапіў у аўтамабільную аварыю падчас паездкі па Гомельскай вобласьці. Пра акалічнасьці здарэньня расказаў кіраўнік ягонага перадвыбарчага штабу Анатоль Лябедзька.

Раманчук трапіў у аварыю

«Нечакана проста перад аўтамабілем, у якім я ехаў, „Аўдзі А3“», што стаяла ля ўзбочыны, выехала на праезную частку і стала рабіць паварот. Мы сутыкнуліся практычна лоб у лоб».

У Гомелі адбыўся агітацыйны сход супраць Лукашэнкі

Гомельскія грамадзкія актывісты Ўладзімер Кацора й Васіль Палякоў дамагліся памяшканьня ў ДК «Фэстывальны», каб правесьці сёньня ўвечары сход выбарцаў дзеля агітацыі супраць кандыдата ў прэзыдэнты Аляксандра Лукашэнкі.

Андрэй Саньнікаў сустрэўся зь віцебскімі выбарцамі

Сустрэча прайшла ў Цэнтры творчасьці дзяцей і моладзі Першамайскага раёну і была, пэўна, самай шматлюднай, калі згадаць ранейшыя візыты ў Віцебск іншых кандыдатаў.

Прыхільнікі Някляева і Саньнікава зладзілі шэсьце ад Акадэміі навук да ГУМу

Моладзевыя актывісты, сябры ініцыятыўных групаў кандыдатаў на прэзыдэнта Ўладзімера Някляева ды Андрэя Саньнікава правялі ў цэнтры Менску шэсьце па праспэкце Незалежнасьці ад Акадэміі навук да ГУМу.

Былы праўладны назіральнік Д.Няхай: Як фальсыфікуюць выбары

Былы супрацоўнік Маладэчанскага райвыканкаму Дзьмітры Няхай зьвярнуўся з адкрытым лістом да грамадзкасьці, у якім раскрываецца мэханізм фальшаваньня вынікаў выбараў у Беларусі.

У Менску адбылася акцыя прыхільнікаў Някляева ды Саньнікава

А 17-й гадзіне каля цэнтральнага ўваходу ў Акадэмію навук сабралася каля 100 моладзевых актывістаў, сябраў ініцыятыўных групаў кандыдатаў на прэзыдэнта Ўладзімера Някляева ды Андрэя Саньнікава.

Звольнілі з пасады і адабралі старшынёўства

У Астраўцы, што на Гарадзеншчыне, замянілі старшыню раённай выбарчай камісіі Міхаіла Зімніцкага — былога кіраўніка спраў Астравецкага райвыканкаму.

За "Бацьку-прэзыдэнта" — ужо хорам

Шэраг музычных панэгірыкаў пра Лукашэнку пашырыўся. Гэтым разам на ўсхваленьне прэзыдэнта мабілізаваныя дзеці. Хор вакальнай студыі "Зорачка".

Ці будзе адзіны сцэнар Плошчы 19 сьнежня?

Пракуратура Беларусі вынесла папярэджаньні пяці апазыцыйным кандыдатам за заклікі выйсьці 19 сьнежня на Кастрычніцкую плошчу Менску. Кандыдаты ды іх прадстаўнікі ў адказ сабраліся, каб абмеркаваць адзіны сцэнар пасьлявыбарчага мітынгу.

Калі гэта фарс, то навошта ў ім удзельнічаць?

Ініцыятыва Някляева, які прапанаваў іншым альтэрнатыўным кандыдатам супольна зьняцца з выбараў, не была падтрыманая. Але яе працягваюць актыўна абмяркоўваць у рэгіёнах.

Кандыдаты ў прэзыдэнты камэнтуюць “маскоўскія пагадненьні”

9 сьнежня кіраўнікі Расеі і Беларусі падпісалі дакумэнты пра экспартнае мыта на нафтапрадукты. Як кандыдаты ў прэзыдэнты Беларусі паставіліся да гэтага пагадненьня?

Плянэта Гулаг

У сьпісе 15 найбольш вядомых палітвязьняў сьвету Freedom House прыводзіць імя беларуса Мікалая Аўтуховіча. Паводле гэтай праваабарончай арганізацыі, Аўтуховіч натхняў землякоў не баяцца выказвацца супраць рэжыму.

ЦВК Беларусі ня будзе разглядаць папярэджаньні Генпракуратуры 5 кандыдатам

Папярэджаньні Генэральнай пракуратуры пяці кандыдатам за заклік правесьці несанкцыянаваную акцыю Цэнтравыбаркам разглядаць ня будзе, паведаміла кіраўніца ЦВК Лідзія Ярмошына.

Агітацыя супраць — пад пытаньнем

Замоўленыя гомельскімі грамадзкімі актывістамі сходы для агітацыі выбарцаў супраць кандыдата ў прэзыдэнты Аляксандра Лукашэнкі — пад вялікім пытаньнем.

Выбары 2010: як крэатыўна прадаць кандыдата?

«Кастусёў альбо сьмерць», «Наш кандыдат — Жырафенка», «Галасуючы за Някляева, вы забіваеце кацяня», а таксама «Час мяняць лысую гуму», «Я адна такая, праўда» і «Аддай, што скраў » — усё гэта прадукты вытворчасьці самадзейных і прафэсійных паліттэхнолягаў, якія працуюць на прэзыдэнцкую кампанію 2010.

У БДУ адрэагавалі на кампанію «Саша, сыходзь!»

Студэнтку 2-га курсу філфаку БДУ Касю Давыдзік выклікалі на размову ў дэканат пасьля яе ўдзелу ў несанкцыянаваным шэсьці пад лёзунгам «Саша, сыходзь!»

Лукашэнка пайшоў на саступкі Расеі

У Маскве кіраўнік Беларусі Аляксандар Лукашэнка падпісаў дакумэнты па стварэньні адзінай эканамічнай прасторы і паабяцаў іх ратыфікаваць да 1 студзеня 2011 году.

Чарговая "аўтаправерка" для Зьмітра Дашкевіча

Лідэра «Маладога фронту» Зьмітра Дашкевіча затрымалі супрацоўнікі ДАІ на тэрыторыі Кастрычніцкага раёну Менску. Зьміцер кіраваў аўтамабілем, які належыць бацьку Насты Палажанкі.

Канфлікт журналіста зь міліцыянтам у Віцебску атрымаў працяг

Уладзіслава Стараверава 10 сьнежня выклікаюць у Віцебскую абласную пракуратуру «для тлумачэньняў аб парушэньні заканадаўства аб СМІ».