Новая Атлянтыда

Якія зоркі сьвецяць беларусам у Калядную ноч?

Каляды, як і Купальле, — адно з самых папулярных у народзе сьвятаў. Яны напоўненыя містэрыяй Раства. Іхная сакральнасьць выяўляецца перадусім у адчуваньні часу і прасторы самім чалавекам. У астранамічным кантэксьце сьвята трапляе на зімовае сонцастаяньне, калі найдаўжэйшая ноч і найкарацейшы дзень. І сёньня мы будзем гаварыць з этнаастраномам Цімафеем Авіліным найперш пра Каляды зорныя.