پښتونخوا او قبایل

حکومت په کورمه کې د امن لپاره د سني او شیعه ډلو د مورچو ختمولو پرېکړه کړې

په غونډه کې وویل شول چې په کورمه کې تر هغه دوامدار امن نه شي راتلی، چې هلته مورچې او وسله ختمه نه کړل شي. په غونډه کې د حکومت له خوا د کورمې لپاره د جوړې کړې حکومتي لویې جرګې د اقداماتو جاج واخیستل شو.

پېښور پوهنتون کې د تندروۍ د مخنيوي او زغم ښوونې په اړه غونډه شوې

د غونډې ګډونوالې کشماله شاه مشال راډیو ته وویل چې له تعلیمي نصاب څخه دې هغه مواد ليرې کړل شي چې کرکه او تندروي خپروي. هغې وویل د دې پر ځای باید داسې مواد په نصاب کې شامل کړل شي چې زغم او همغږۍ ته وده ورکړي.

د شمالي وزيرستان کډوالو د مرستو تر اعلان وروسته احتجاج پای ته رسولی

د شمالي وزيرستان کډوال وايي چې حکومت له تېرو څلورو میاشتو راهیسې ورسره مرستې ځنډول شوې دي. دوی وایي، هر ځل په سوال، منت، زاریو او احتجاجونو مرستې غواړي. 

د پاکستان پوځ په خیبر پښتونخوا کې د ۱۱ مشکوکو وسلوالو د وژلو دعوه کړې ده

ای اېس پي ار د وژل شویو مشکوکو وسلوالو پېژندګلوي او تړاو نه دی په ډاګه کړی. د پاکستان پوځ وخت په وخت د استخباراتي معلوماتو پر اساس په عملیاتو کې د مشکوکو وسلوالو د وژنې دعوې کوي.

په ډېره اسماعیل خان کې چاودنې د پوځ ۳ سرتېري وژلي دي

په ډېره اسماعيل خان کې د استخباراتي ادارې يو چارواکي، چې له رسنیو سره یې د خبرو اجازه نه لرله، د نوم نه خپرولو په شرط مشال راډيو ته وویل چې د ډېسېمبر پر ۱۷مه د درابڼ په زرکنۍ کې د پوليو د واکسيني ډلې د امنيت لپاره د ګومارل شويو پوځيانو ګاډی د سړک تر غاړې د ښخ بم ښکار شو.

د خيبر پښتونخوا اسمبلۍ پر ارمي پبلک سکول د بريد د عدالتي راپور پر نه خپرېدو نيوکه کړې

د ډېسمبر پر ۱۶مې پر ارمي پبلک سکول د وسلوال بريد په اړه غونډه کې د حکومت مخالفه ګوندونو د غړيو ترڅنګ د حکومتي ګوند تحريک انصاف استازیو هم په خپلو ويناګانو کې د ترهګرۍ پرضد د پاکستان د مرکزي حکومت پالېسي ناکامه وبلله.

د جنوبي وزيرستان ولس يو ځل بيا د ړنګو کورونو د معاوضو غوښتنه کړې

د جنوبي وزيرستان سروېکۍ تحصيل چېرمېن شاه فيصل غازي مشال راډيو ته وويل چې حکومت ژمنه کړې وه چې د هر ړنګ شوي کور څښتن ته به څلور لکه روپۍ ورکوي، خو د نوموړي په خبره چې زرګونه خلک هغې مرستې ترلاسه کولو ته لا هم انتظار باسي.

شانګله کې ۲ پوليس وژل شوي او ۳ ژوبل دي

اې این پي وايي د ارمي پبلک سکول پېښې وجوهات دې په ډاګه شي

د یاد ګوند د خیبر پښتونخوا مشر، ميا افتخار حسین د ډېسېمبر پر ۱۶مه رسنيوو ته په لېږلي ویډيو بیان کې وويل چې خلک د امنيتي ادارو له کاره مطميين نه دي ځکه چې د ترهګرۍ د ختمولو وعدې نه دي پوره شوې.

د شمالي وزیرستان کډوالو له بکاخېلو کیمپ سره بنو ته تلونکی سړک تړلی دی

دوی وايي چې حکومت له څلورو میاشتو راهیسې ورسره مرستې ځنډولې دي. دوی وایي، هر ځل په سوال، منت، زاریو او احتجاجونو مرستې غواړي. 

پولیس او د باجوړ اوسېدونکي وايي امنیتي ځواکونو یو سړی وژلی دی

چارواکی وايي چې د هغه مشکوک وسلوال په ډزو کې یو پوځي هم ژوبل شوی دی. خو د سیمې اوسېدونکي وایي، وژل شوی تن د واړه خرکي په بازار کې څوکیدار وو چې امنیتي ځواکونو یې کور تر شپږو ساعتونو پورې محاصره کړی وو.