پښتونخوا او قبایل

د جنوبي وزيرستان ولس يو ځل بيا د ړنګو کورونو د معاوضو غوښتنه کړې

د جنوبي وزيرستان سروېکۍ تحصيل چېرمېن شاه فيصل غازي مشال راډيو ته وويل چې حکومت ژمنه کړې وه چې د هر ړنګ شوي کور څښتن ته به څلور لکه روپۍ ورکوي، خو د نوموړي په خبره چې زرګونه خلک هغې مرستې ترلاسه کولو ته لا هم انتظار باسي.

شانګله کې ۲ پوليس وژل شوي او ۳ ژوبل دي

اې این پي وايي د ارمي پبلک سکول پېښې وجوهات دې په ډاګه شي

د یاد ګوند د خیبر پښتونخوا مشر، ميا افتخار حسین د ډېسېمبر پر ۱۶مه رسنيوو ته په لېږلي ویډيو بیان کې وويل چې خلک د امنيتي ادارو له کاره مطميين نه دي ځکه چې د ترهګرۍ د ختمولو وعدې نه دي پوره شوې.

د شمالي وزیرستان کډوالو له بکاخېلو کیمپ سره بنو ته تلونکی سړک تړلی دی

دوی وايي چې حکومت له څلورو میاشتو راهیسې ورسره مرستې ځنډولې دي. دوی وایي، هر ځل په سوال، منت، زاریو او احتجاجونو مرستې غواړي. 

پولیس او د باجوړ اوسېدونکي وايي امنیتي ځواکونو یو سړی وژلی دی

چارواکی وايي چې د هغه مشکوک وسلوال په ډزو کې یو پوځي هم ژوبل شوی دی. خو د سیمې اوسېدونکي وایي، وژل شوی تن د واړه خرکي په بازار کې څوکیدار وو چې امنیتي ځواکونو یې کور تر شپږو ساعتونو پورې محاصره کړی وو.

د جنوبي وزیرستان د یو کلي اوسېدونکي وايي د توپونو او مارټر مرمیو له وېرې خوب نه شي کولای

د کلي دوو اوسېدونکو ګلزار او ډاکټر عصمت الله د ډېسېمبر پر ۱۴مه، مشال راډیو ته وویل چې پوځ اکثر شپې مهال درنې وسلې کاروي او د کلي خلک "له وېرې خوب نه شي کولای."

په لکي مروتو کې د ګېس او تېلو نوې زیرمې موندل شوي دي

شرکت د ډیسمبر پر ۱۳ په یوه خبرپاڼه کې وویل چې دا ذخیرې یې په لکي مروت کې د بیټني ۲ د کوهیانو په ساحه کې موندلي دي او تر ازموینې وروستو به وتوانیږي چې له دغه ځایه هره ورځ دوه اعشاریه یو څلور ملیون مکعب فوټه ګېس او ۷۴ بیرله تیل راوباسي.

په بنو کې د یو سوداګر تښتول کېدو پرضد احتجاج شوی دی

په سوات کې د پښتون سټوډنټس فیډریشن د امن لپاره لاریون کړی

پاکستان وايي، له جنورۍ تر اکتوبره یې ۳۴۱ وسلوال وژلي

وزارت زیاته کړې چې د روان کال په لسو میاشتو کې یې په زینبیون بریګیډ، مجید بریګیډ، حافظ ګل بهادر ګروپ او پښتون تحفظ مومنټ بندیزونه عملي کړیدي چې ورسره د دوی په وینا، "د عیرقانوني ډلو شمیر ۸۲ ته رسیدلی دی."

په خیبر کې د حقونو فعالان، استادان او خبریالان د وسلوالو له ګواښونو سره مخامخ دي

د ډېسمبر پر ۱۳مه، له مشال راډیو سره په خبرو کې د حقونو یو شمېر فعالانو وویل چې د تېرې څه مودې راهیسې په سیمه کې خبریالانو، استادانو، او روغتیايي کارمندانو ته وسلوال د بریدونو دړکې ورکوي.