پښتونخوا او قبایل

په کورمه کې د سنیانو او شیعه ګانو ترمینځ تازه نښتو کې ۱۰ تنه وژل شوي دي

د کورمې انتظامي مشر جاوېد الله مسید د نومبر پر ۲۷مه مشال راډیو ته وویل چې د اوربند رسمي اعلان لا نه دی شوی خو دواړو لوریو ورسره په نښتو درولو موافقه کړې ده. دی وايي چې د کورمې په ځینو برخو کې لا هم ډزې کېږي چې د درولو هڅه یې کوي. 

په پاکستان کې سږ کال د پولیو پېښو شمېر ۵۶ ته لوړ شوی دی

هغې ادارې د نومبر پر ۲۸مه پر خپله ووبپاڼه په بيان کې ويلي دي چې د روغتیا ملي ادارې (نیشنل هېلت انسټيټیوټ یا اېن ای اېچ) د نومبر پر ۲۷مه په ډېره اسماعيل ضلع کې د یو هلک د وینو په نمونو کې پولیو وایرس تایید کړی دی.

د کورمې په يوشمېر برخو کې تاوتريخوالی دوام لري

د شیعه ګانو یو مشر عاقل حسین د نومبر پر ۲۶مه مشال راډيو ته وويل چې حکومت دې په سيمه کې خپل واک عملي کړي او جنګ دې ودروي. د سنیانو يو مشر حاجي سليم خان اورکزي مشال راډيو ته وويل چې حکومت دې د اعلان کړي اوربند د عملي کولو تر څنګ د خونړيو پېښو د پيلولو په پلټنو کولو عاملينو ته سزا ورکړي.

پوځ په شمالي وزیرستان کې د ۳ مشکوکو وسلوالو د وژنې دعوه کړې ده

د پوځ د عامه اړيکو ادارې (ای اېس پي ار) د مشال راډیو په ګډون رسنیو ته په استولي بیان کې دعوه کړې چې هغو وسلوالو د نومبر پر ۲۶مه شپې مهال پر ډېورنډ کرښه له افغانستانه سپینوام ته د اوښتو هڅه کوله چې امنیتي سرتېرو وویشتل.

د بنو په ځونیخېلو کې د خلکو د ځورنۍ خلاف جرګه دوام لري

د جاني خېلو اوسېدونکو د نومبر له ۲۲مې څخه په سیمه کې غونډه پیل کړې ده. جرګې له حکومته دا غوښتنه  هم کړې چې په سیمه کې پر امنیتي پوسته په وروستي برید کې د ککړتیا په تور نیول شوي کسان دې خوشې کړي.

په کورمه کې شیعه او سنیانو مړي او یرغمل شوي تبادله کړي

د بګن سیمې يو مشر حاجي محمد کريم د نومبر بر ۲۵مه ناوخته مشال راډيو ته وويل چې انتظامي او پوځي افسرانو ته يې څلور مړي ورسپارلي او له مخالف لوري يې پينځه ښځينه ترلاسه کړې دي.

پاکستاني پوځ د تیرا مشرانو ته د ولسي ځایونو د خونديتوب ډاډ ورکړی

د خیبر ضلعي انتظامیې د نومبر پر ۲۴مه د مشال راډیو په ګډون رسنیو ته په استول شوي بیان کې ویلي چې پوځي چارواکو د تیرا له مشرانو سره جرګه کړې او د عملیاتو پر مهال د وژل شویو او ژوبلو کسانو کورنیو ته یې معاوضې ورکړې دي.

په کورمه کې د حکومت لخوا د اوربند پر اعلان سربېره، نښتې شوې دي

د ځونیخېلو جرګې له حکومته د نیول شویو کسانو د خوشې کولو غوښتنه کړې

د جرګې مشرانو دا هم وويل چې په دې لړ کې يې له امنيتي چارواکو سره لیدلي، خو لا کومې نتيجې ته نه دي رسېدلي. د نومبر پر ۱۹مه په بنو کې په امنيتي پوسته پر ځانمرګي بريد کې ۱۲ سرتېري ووژل شول. د پاکستانيو طالبانو حافظ ګل بهادر ډلې د بريد ذمه واري منلې وه. امنيتي ځواکونو تر پېښې وروسته لسګونه کسان ونیول.

په بلوچستان او خیبر پښتونخوا کې ۳ نور ماشومان ګوزڼ وهلي دي

په پاکستان کې سږ کال د ګوزڼ پېښې د ۲۰۲۳ز کال پرتله په بېساري ډول زیاتې شوې دي. په هغه هېواد کې تېر کال د ګوزڼ شپږ پېښې ثبت شوې وې چې ورڅخه یې څلور ماشومان د خیبر پښتونخوا او دوه د سیند اوسېدونکي ول.

په کورمه کې په فرقه ییز تاوتریخوالي کې د وژل شویو شمېر ۳۵ ته لوړ شوی دی

د سیمې روغتیايي چارواکي، مشران او اوسېدونکي وايي چې د نومبر ۲۳مې په تاوتریخوالي کې ۱۰ نور کسان ووژل شول او د دواړو خواوو تر ۱۵۰ پورې کسان ژوبل شول. په دې ډول د مساپرو پر ګاډو د نومبر پر ۲۱مه په وسلوال برید او له هغه وخت راهیسې په تاوتریخوالي کې د وژل شویو ټول شمېر تر شاوخوا ۸۵ پورې رسېدلی دی.