Кыргызстандык Жамал (аты өзгөртүлгөн) Америкага мыйзамдуу кирүүгө үмүт кылып, азыркы тапта Мексикада отурган мигранттардын бири. Ал Тихуанага үч баласы менен жыл башында барган. Ижарага батир алып, айына 1500 доллар төлөп жашап жатканын, күнүнө 5 миң сомдой тамак-ашка короторун айтып берди.
Орусиялык оппозиционер саясатчы Алексей Навальный Ямал-Ненец автоном аймагындагы шарты катаал түрмөдө туура бир жыл мурун 47 жашында каза тапкан. Орусиянын Жаза аткаруу кызматы ал сейилдеп келгенден кийин өзүн жаман сезип, дароо эсин жоготконун, жандандыруу аракетинен майнап чыкпаганын билдирген.
Орусиянын дрон соккусу Чернобыл АЭСнин саркофагына тийди. “Дордой” базарында соодагерлердин салык жана камсыздандыруу төгүмдөрүн базардын администрациясы көзөмөлдөй турган болду. Милиция Баткенде 16 жаштагы өспүрүм теңтушун бычактаганын кабарлады.
“ЭлКат” компаниясындагы абал көп суроо жаратты. Президенттин администрациясы кантип жеке компаниянын жетекчисин алмаштырды? “ЭлКатты” ким негиздеген жана ал мамлекетке эмне үчүн 500 млн сом төлөй баштаган? Ишкананы тартып алуу аракети болуп жаткан жокпу?
Белгилүү укук коргоочу, "Кылым шамы" уюмунун негиздөөчүсү Азиза Абдирасулова жаңы жыл алдында Кыргызстандан чет жакка чыгып кетүүгө аргасыз болгонун билдирген. Биз менен телефон аркылуу маегинде андай кадамга барышына кийинки кездери көбөйүп кеткен коркутуу, каралоо, жамандоо себеп болгонун айтты.
Конституциялык сот Бишкектеги Ататүрк паркынын аймагында жеке жактарга берилген жерлерди мэриянын карамагына кайтаруу боюнча арызды карап, корутунду чыгарды. Бишкек мэриясы анда калаа башчылыгынын парк боюнча чечимдери мыйзамдуу деп табылганын жарыя кылды.
Орусияда мигранттардын банк карталары бөгөттөлө баштады. Кремлдин жаңы реестрине кирип калган мигранттар эмне кылышы керек? Орусияда мигранттарды тескеген жаңы режимдин кесепети кандай? Кыргыз бийлиги өз жарандарына кандай жардам бере алат?
Бишкектеги №72 мектептеги токмоктон каза болгону кабарланган окуучунун өлүмүн шаардык милиция териштире баштады. Ал арада Оштун Кара-Суу районундагы мектепте да мушташ чыгып, 9-класттын окуучусу ооруканада көз жумду. Окуя катталган эки мектепте тең жетекчилери кызматтан алынганы белгилүү болду.
12-февралда АКШнын президенти Дональд Трамп адегенде Орусиянын мамлекет башчысы, андан кийин Украинанын лидери менен телефондон сүйлөштү. Трамп айткандай, Владимир Путин да, Владимир Зеленский да тынчтыкты кааларын билдирген.
Бишкектеги Жүрөк хирургиясы жана органдарды алмаштыруу илим изилдөө институтунда өрт чыгып, эки бала набыт болуп, тогуз адам жабыркады. Киевге баллистикалык ракетадан сокку урулуп, киши өмүрү кыйылды. Уланбек Эгизбаев атындагы сыйлык иликтөөчү журналисттерге ыйгарылды.
Кыргыз тили кирил арибине өткөндө орус тили кантип үстөмдүк кылган? Советтик республикалардын тил саясатын ким кандай жүргүзгөн? Эгемендикке ээ болгон 30 жылда кыргыз тилинин ыраатка салынган, эффективдүү эрежелери эмне үчүн кабыл алынган жок? Чоробек Сааданбек ушул суроолорго жооп издейт.
Расмий Дүйшөмбү кыргыз-тажик чек арасын тактоо боюнча маалымат берип, тактоо иштери аяктаганын, алдыда “суу жана жол боюнча кошумча келишим кабыл алынарын” билдирди.
Дагы жүктөңүз
