Түркиянын Анталия шаарында жашаган кыргызстандык келин түрк күйөөсүнүн ур-токмогуна кабылганын "Азаттыкка" айтып берди. Буга чейин социалдык тармактарда келиндин денесинде көгала издер бар экени жана колу бычак менен кескиленгени жарыяланган.
АКШда төрөлгөн балдарга жарандык берүү саясаты туристтик виза менен барып, ал жакта көз жарууну каалаган чет өлкөлүк аялдарды өзүнө тарткан учурлар аз эмес. Президент Дональд Трамп эми ошол норманы чектөөнү көздөгөнү бир топ үй-бүлөлөрдү, мисалы, башпаанек сурагандарды кыйын абалга кептемекчи.
Жакынкы Чыгыштагы кырдаалдын улам өзгөрүп жатышы чөлкөмдүн, анын ичинен Борбор Азиянын коопсуздугуна кандай таасир этет? Расмий Бишкек Сириядагы кырдаал боюнча кандай көз карашта жана кыргыз жарандарын кайтаруу иши уланабы? Ооганстандагы “Талибан” бийлиги менен алака кандай өзгөрүүдө?
Кремль Орусиянын президенти Владимир Путин Трамп менен сүйлөшүүгө даяр экенин билдирди. Социал-демократтар партиясынын төрага орун басары Кадырбек Атамбаев жана апасы Раиса Атамбаева милицияга сурак берип чыкты. Бишкектин Көк-Жар конушундагы көп кабаттуу үйдө газ жарылып, 62 жаштагы аял каза тапты.
АКШнын президенти Дональд Трамп өлкөнүн Мексика менен чек арасында өзгөчө кырдаал жарыялап, CBP One тиркемеси иштебей калды. "Азаттык" ушул тапта Мексикада жүргөн айрым кыргыз жарандары менен байланышты.
Кыргыз бийлиги “Керемет Банк”, “Газпром нефть Азия”, “Мунай-Мырза” компанияларын АКШнын санкциясынан чыгарууну өтүндү. АКШ менен Евробиримдиктин өлкөлөрү 2022-жылдан бери Кыргызстандагы он чакты компанияга санкция салды.
Кыргыз бийлиги “Керемет Банк”, “Газпром нефть Азия”, “Мунай-Мырза” компанияларын АКШнын санкциясынан чыгарууну өтүндү. Тышкы иштер министринин орун басары Медер Абакиров АКШнын Кыргызстандагы элчиси Лесли Вигери менен үч компаниянын санкцияга илинишин талкуулады.
Мексиканын бийлиги АКШдан артка кайтарылган жарандары үчүн баш калкалоочу жайларды даярдап, бирок президент Клаудия Шейнбаум үчүнчү өлкөлөрдүн мигранттары кабыл алынбай турганын билдирди. Өз кезегинде Дональд Трамп Мексика менен чек арага бир жарым миң аскерди жөнөтүү тууралуу буйрукка кол койду.
АКШнын президенти Дональд Трамп 20-январда инаугурациядан кийин дароо мыйзамсыз миграцияны ооздуктоого киришти. Америкадагы кыргызстандык мигранттарды бул чечимдер канчалык түйшөлтөт? Трамптын алгачкы кадамдары дүйнөгө, анын ичинде Кыргызстанга кандай таасир тийгизиши мүмкүн?
Дональд Трамп эгер Владимир Путин Украинадагы согушту токтотуу боюнча сүйлөшүүдөн баш тартса, Орусияга каршы санкция киргизе турганын айтты. Ошто 2006-2007-жылдары дарыгерлердин айынан ВИЧ жуккан балдардын ата-энелери бийликке кайрылды. Бишкекте айрым заводдордун иши убактылуу токтотулду.
Украинанын президенти Владимир Зеленский Орусиянын көзөмөлүндөгү аймактардан Киев юридикалык негизде баш тартпасын билдирди. Муну менен бирге ал согуштун активдүү баскычын токтотууну колдой турганын кошумчалады.
Президент Жапаров дин тутуу эркиндиги жана диний бирикмелер тууралуу мыйзамга кол коюп, андагы талкуу жараткан маселелерди түшүндүрдү. Ал диний агымдар жөнүндө сөз кылып, тармакты иретке келтирүү зарылдыгын белгиледи. Мыйзамды парламент былтыр 26-декабрда кабыл алган.
Дагы жүктөңүз
