АКШ президенти Дональд Трамп Орусиянын мамлекет башчысы Владимир Путин менен телефондон сүйлөшкөнүн билдирди. Бул тууралуу New York Post басылмасы жазды. Маалыматка караганда, эки лидер Украинадагы согушка чекит коюу маселесин талкуулашкан.
Үй-бүлөлүк зомбулукка каршы күрөш милициянын быйылкы жылы коомдук тартипти сактоо ишиндеги негизги багыттардын бири болорун ички иштер министри Улан Ниязбеков билдирди. Кыргызстан глобалдык индексте кыз-келиндер үчүн кооптуу өлкө деп эсептелет.
Uzbekistan Airways Европага каттамдары мурункудай Орусия же Беларус аркылуу өтпөй турганын, учактар бул өлкөлөрдү айланып учмай болгонун жарыялады. Бирок эми Азербайжан жана Түркия аркылуу уча турганы айтылганы менен, Flightradar24 сайты айрым каттамдар дагы эле Орусия аркылуу өтүп жатканын жазды.
Орусиядагы ондогон мигрант банк карталары күтүлбөгөн жерден бөгөттөлүп калганын, айласы кетип турганын айтышты. Алардын айрымдарынын тиешелүү документтери толук болсо дагы, банк картасы иштебей калган. Орусияда мыйзамсыз жүргөн чет элдик жарандарды чыгаруу боюнча режим 5-февралда күчүнө кирди.
Украин өкмөтү жана бейөкмөт уюмдар орус күчтөрүнүн катарында согушуп жүргөн 50дөн ашуун теги борборазиялык жоокер туткунга түшкөнүн кабарлады. Украинадагы борборазиялык согуш туткундары кантип орус армиясынын катарына кошулуп калган? “Биз жана дүйнө” берүүсүндө туткундардын таржымалына токтолобуз.
Экс-министр Динара Кутманова, уулу Кемелбек Кутманов сегиз жылдан абакка кесилгени белгилүү болду. Алардын мүлкү мамлекетке алынат. 2023-жылы УКМК Кутманова бир катар коррупциялык фактыларда “башкы уюштуруучусу экени аныкталып”, кармалганын кабарлаган. Кутманова тагылган айыптарды четке каккан.
Кремль Ак үй менен Украина маселесин талкуулап жатканын ырастады. Зеленский да Путин менен сүйлөшүү үчүн бир үстөлгө отурууга даяр экенин билдирди. Экс-министр Динара Кутманова жана анын уулу Кемелбек Кутманов сегиз жылдан абакка кесилди. Орусияда миграцияга байланыштуу жаңы мыйзамдар күчүнө кирди.
Кремль АКШ менен Украина маселесин талкуулап жатканын ырастады. Мунун алдында украин президенти Владимир Зеленский Путин менен сүйлөшүү үчүн бир үстөлгө отурууга даяр экенин билдирди.
Башкы прокуратура уюшма кылмыш тобунун активдүү мүчөсү болгон делген Эркин Мамбеталиевди актаган буга чейинки сот өкүмдөрүн жокко чыгарууга аракет кылып жатканы белгилүү болду. Жогорку соттун расмий сайтындагы маалыматка ылайык, башкы көзөмөлдөөчү орган буга байланыштуу өтүнүч жөнөткөн.
Президент Трамп Газанын тургундарын башка жерге көчүрүүнү сунуш кылып, АКШ тилкени өз карамагына аларын, кайра куруп, гүлдөтөрүн айтты. Бул планды палестиндер жана Жакынкы Чыгышта эки мамлекет түзүү принцибин жактаган өлкөлөр сындаса, израилдиктер "тынчтык орнотууга өбөлгө түзөт" деп үмүттөнүшөт.
5-февралда Тажикстандын Жогорку соту "мамлекеттик төңкөрүш аракети" боюнча айыпталып жаткан бир топ адамдарга өкүм чыгарды. Алардын арасында мурдагы министр, Жогорку Кеңештин төрагасы баш болгон он чакты мурдагы аткаминерлер, саясатчылар, журналисттер бар.
Орус армиясынын Харьков облусунун Изюм шаарына жасаган соккусунан беш адам набыт болду, 30дан ашык адам жаракат алды. Өткөн түнү Орус армиясы кайрадан Киевди дрондор менен бутага алды. АКШнын президенти Дональд Трамп Киевге берилген аскердик жардамдын ордуна Украинадан сейрек металлдарды сурады.
Дагы жүктөңүз
