Бишкек шаардык соту жапырт башаламандыкка айыпталган төрт журналисттин ишин карап, Ленин райондук сотунун чечимин күчүндө калтырды.
Министрлер кабинетинин төрагасы, президенттин администрациясынын жетекчиси болуп Адылбек Касымалиев дайындалды.
Бийлик диний чөйрөнүн ишмердигин жөнгө салган мыйзамды кайра жазып чыгууда. Демилгечилер 2008-жылы кабыл алынган мыйзам азыркы талаптарга жооп бербей калганын айтууда. Жогорку Кеңеште 17-декабрда “Дин тутуу эркиндиги жана диний бирикмелер жөнүндө” мыйзам долбоору боюнча парламенттик угуу өттү.
"Азаттыктын" казак редакциясы 1986-жылдын 17-18-декабрында Алматы шаарында Совет бийлигине талаптарын билдирүү үчүн митингге чыккан жаштардын сүрөттөрүн тартуулайт. Сүрөттөр Алматынын Борбордук мамлекеттик архивинен алынды.
16-декабрда Казакстанда Эгемендик күнү белгиленди. Ал күнү полиция күчөтүлгөн тартипте иштеди. Казакстандын бир катар аймактарында активисттер ар кандай беренелер менен кармалып, 5-20 суткага камакка алынды. Дүйшөмбүдө интернеттин ылдамдыгына байланыштуу нааразылыктар да айтылды.
Улуттук коопсуздук мамлекеттик комитеттин төрагасы Камчыбек Ташиев жалпыга маалымдоо каражаттары үчүн маалымат жыйын уюштурду. Ал 2020-жылдын октябрь айынан 2024-жылдын ушул мезгилине чейин мамлекетке 168 млрд 287 млн 49 миң сом (1 млрд 945 млн 515 миң доллар) кайтарылганын билдирди.
Жаза аткаруу кызматы №2 түзөтүү мекемесиндеги жарандык активисттер Зарина Төрөкулова жана Каныкей Аранова катаал шарттагы жаза өтөө режимине которулганын ырастады. Мунун алдында жакындары жана адвокаттары активисттер мыйзамсыз которулганын айтып чыгышкан.
Европанын борбор калааларында дипломаттар жана саясатчылар Украинадагы согуш токтошу үчүн тынчтык планы кандай болушу мүмкүн экенин жабык талкуулап жатышат. Варианттардын бири - Европадан бейпилдик күчтөрүн жиберүү.
Кыйноолорду алдын алуу боюнча улуттук борбор абактагы ишкер Имамидин Ташов ачкачылыкты токтотконун билдирди.
Газа тилкесинин бир нече шаарына, анын ичинен качкындар баш калкалаган жайларга жасалган Израил армиясынын аба соккуларынан 50дөн көп адамдын өмүрү кыйылды. Бул тууралуу жергиликтүү медиктер билдирди. ЦАХАЛ 15-декабрдагы соккуларды ХАМАС радикал уюмуна каршы операция катары түшүндүрдү.
Тажикстандын Канибадам районунда дагы бир үрөй учурган киши өлтүрүү катталды. "Азаттыктын" тажик кызматы маалымдагандай, дүйшөмбүгө караган түнү Хисорак айылында төрт кишинин сөөгү табылган. Каза болгондордун экөө жубайлар, экөө эне-бала экени кабарланды.
Дагы жүктөңүз
