Орусиянын улуттук валютасы – рублдин дүйнөлүк валюталарга карата курсу дагы арзандады. Орус аскерлери Украинага басып кирген алгачкы күндөрү ал кунун кескин жоготуп, кайра түзөлгөн. Иш жүзүндө азыр ошондон да түшүп кетти.
Грузияда өкмөт Евробиримдикке кирүү боюнча сүйлөшүүлөр 2028-жылдын аягына чейин жүрбөйт деген чечимин жарыялагандан кийин өлкөдө толкундоолор уланууда.
Жогорку Кеңеште онкологиялык ооруларга чалдыккан жарандарга сапатсыз дарылар берилип жатканы боюнча маселе көтөрүлдү. “Кыргызфармация” ишканасы ташып келген бардык медициналык каражаттар сертификациядан өтөрүн жана сапаты жогору экенин айтууда.
Бишкектин Биринчи май райондук соту “алдамчылыкка” шектелип кармалган адвокат Самат Матцаковду 30-декабрга чейин камакта калтырды. Чечимди райондук соттун судьясы Миран Шерматов кабыл алды. Матцаков соттун чечимин “мыйзамсыз” деп атап, апелляциялык арыз менен кайрыларын билдирди.
Тышкы иштер министрлигинин Консулдук департаментинин директору Сейтек Жумакадыр уулу мигранттардын абалы, мыйзамдагы өзгөрүүлөр тууралуу "Азаттыкка" маек курду.
Борбордук шайлоо комиссиясы (БШК) жергиликтүү кеңештерге шайлоонун жыйынтыгын чыгарып, Бишкек шаардык кеңешинде кимдер мандат алары белгилүү болду.
Украинада Орусиянын чабуулдары уланып жаткан учурда ЖККУнун лидерлери Казакстандын Астана шаарына чогулду.
Кыргызстанда электр энергиясынын тартыштыгы күчөп баратат. 2024-жылы дефицит 3 млрд кВт/саатты түзсө, жакынкы жылдары 5-6 миллиардга чейин жетери айтылууда. ГЭСтер оңдолуп, чакан станциялар салынып жатканы менен, ал тартыштыкты жаба албай, өкмөт импортту көбөйтүүгө аргасыз.
Түркияда жашырынган өзбекстандыктардын саны өстү. Бул тууралуу Өзбекстандын Стамбулдагы башкы консулдугу расмий билдирүү таратты. Түркияда сулуулук салондорун мыйзамсыз иштеткен жана алтын куймаларды алып өткөн өзбекстандыктардын окуясы да талкууга алынууда.
Президент Садыр Жапаров мектептердеги мугалимдерге сапатсыз ноутбук сатып берген деп өкмөт башчысы Акылбек Жапаров баш болгон бир нече чиновникке сөгүш берди. Кыргыз өкмөтү буга чейин мугалимдерди атайын компьютерлер менен камсыз кылуу планын жарыялаган.
Курулуш, архитектура, турак жай жана коммуналдык чарба мамлекеттик агенттиги Бишкектин борборундагы эски кабаттуу үйлөр бузулуп, жаңы үйлөр курулушу мүмкүн экенин жарыялады. Бул үчүн атайын документ иштелип жатат. Өкмөттүн бул долбоорунун жол-жобосу кандай болот, ал башка көйгөйгө жол ачпайбы?
Жогорку Кеңештин тармактык комитети интернет менен жалпыга маалымдоо каражаттарында жалаа жана мазактоо үчүн айып салууга жол ачкан мыйзам долбоорун экинчи окууда жактырды. Өкмөт айыптын көлөмүн азайтып, мыйзамдын аткарылышына Ички иштер министрлиги жоопкер болорун айтууда.
Дагы жүктөңүз
