Шейшембиде таң эрте ондогон дрон Москвага сокку урганда эки киши каза тапканы, ондон ашууну жараат алганы кабарланды. Расмий булактардын маалыматына караганда, ошол эле күнү эртең менен жана түн ичинде Орусия Украинанын аймактарын баллистикалык ракета жана дрондор менен аткылады.
Тыңчылыкка байланыштуу айыптоолордун негизинде Брюсселден жашыруун түрдө кетүүгө аргасыз болгон орусиялык дипломат Европа кызматташтык жана коопсуздук уюмундагы (ЕККУ) маанилүү жетекчилик кызматка көрсөтүлдү.
2024-жылы 6-январдын таңында орус күчтөрү Украинанын Запорожье облусундагы Смелое кыштагынан чыгып, украин жоокерлери, анын ичинде "Пингвин" деген каймана аты бар Виталий Годнюк турган жерге кол салышкан. Тергөөнүн версиясы боюнча, орус аскери Дмитрий Курашов туткунга түшкөн Годнюкту атып салган.
11-мартта Гренландияда парламенттик шайлоо өтөт. Бул шайлоо дүйнөдөгү эң чоң арал геосаясаттын бутасына айланган учурга туш келди. Буга чейин АКШ президенти Дональд Трамп Данияга караштуу аралга бир нече жолу кызыгуусун билдирген.
Украинанын президенти Владимир Зеленский 10-мартта Эр-Риядда Сауд Арабиянын мураскер ханзаадасы Мухаммед бин Салман менен жолугушат.
АКШнын Украина менен чалгын маалыматтарын бөлүшүүнү токтотуу тууралуу чечими Киевдин орус армиясынын чабуулунан коргонуусун олуттуу алсыратат. Расмий адамдар менен талдоочулар ошол эле маалда Вашингтондун мындай чечими Украинанын аскердик аракеттерине чекит койбойт деп белгилешет.
Сириянын өкмөттүк күчтөрү алавит азчылыгына кирген жүздөгөн карапайым тургунду жок кылды. Бул тууралуу байкоочулар тобу маалымдады. Бул былтыр жыл соңунда Башар Асаддын бийлиги кулатылгандан берки эң кандуу окуя болуп калды.
Киев Сауд Арабиясына АКШ менен маанилүү сүйлөшүүлөргө делегациясын жөнөтүүгө даярданып жаткан кезде, Орусия Украинанын аймагына чабуулдарын күчөтүп, жайкын тургундарга каршы соккуларын көбөйттү жана фронтто жаңы ийгиликтерге жетишти.
28-ноябрда Грузиянын өкмөтү ЕБге кошулуу боюнча сүйлөшүүлөрдү 2028-жылга чейин токтотууну жарыялаганы нааразылык акцияларын жаратты. Ал 100 күндөн бери уланып жатат. "Азаттыктын" Грузиядагы фотокабарчылары Дато Коридзе, Мзия Саганелидзе акцияларды биринчи күндөн эле тартып келатат.
2022-жылы Орусия Украинага ар тараптан басып киргенден бери АКШ, Евробиримдик жана башка союздаштар Киевге жардам берүү үчүн жалпысынан 287 млрд доллардан ашык сарпташканын Дүйнөлүк экономика боюнча Киль институту билдирди.
Иранда кыз-келинди хижабчан жүрүүгө мажбурлоо, Ооганстандагы аялдардын тебеленген укуктары, Украинада согуш учурунда сексуалдык ыдык көргөндөр, Босния жана Герцеговинадагы фемицид фактылары. Аялдардын татыктуу, дискриминациясыз жашоосу үчүн күрөш мурда болуп көрбөгөндөй зарыл болуп турат.
Учурда Борбор Азия чөлкөмүнүн бир да өлкөсүндө жөлөкпул суммасы аялдарды көп бала төрөөгө шыктандырбайт. Алар "өзүмө төрөдүм" дегени менен мамлекеттен келе турган жардамга эч качан каршы эмес. "Азаттык Азия" редакциясы Борбор Азия өлкөлөрүндө энелерге кандай колдоо көрсөтүлөрүн сураштырып көрдү.
Дагы жүктөңүз
