28-ноябрда Грузиянын өкмөтү ЕБге кошулуу боюнча сүйлөшүүлөрдү 2028-жылга чейин токтотууну жарыялаганы нааразылык акцияларын жаратты. Ал 100 күндөн бери уланып жатат. "Азаттыктын" Грузиядагы фотокабарчылары Дато Коридзе, Мзия Саганелидзе акцияларды биринчи күндөн эле тартып келатат.
2022-жылы Орусия Украинага ар тараптан басып киргенден бери АКШ, Евробиримдик жана башка союздаштар Киевге жардам берүү үчүн жалпысынан 287 млрд доллардан ашык сарпташканын Дүйнөлүк экономика боюнча Киль институту билдирди.
Иранда кыз-келинди хижабчан жүрүүгө мажбурлоо, Ооганстандагы аялдардын тебеленген укуктары, Украинада согуш учурунда сексуалдык ыдык көргөндөр, Босния жана Герцеговинадагы фемицид фактылары. Аялдардын татыктуу, дискриминациясыз жашоосу үчүн күрөш мурда болуп көрбөгөндөй зарыл болуп турат.
Учурда Борбор Азия чөлкөмүнүн бир да өлкөсүндө жөлөкпул суммасы аялдарды көп бала төрөөгө шыктандырбайт. Алар "өзүмө төрөдүм" дегени менен мамлекеттен келе турган жардамга эч качан каршы эмес. "Азаттык Азия" редакциясы Борбор Азия өлкөлөрүндө энелерге кандай колдоо көрсөтүлөрүн сураштырып көрдү.
Вашингтондун Киевге аскердик жардамды убактылуу токтотуп коюшу Балтика боюндагы өлкөлөрдүн өзгөчө тынчын алууда. Бул кадам АКШ президенти Дональд Трамп менен Украинанын лидери Владимир Зеленскийдин Ак үйдөгү кайым айтышынан көп өтпөй жасалды.
Украинанын Кривой Рог шаарында шаршембинин кечинде урулган соккудан каза тапкандар төрт кишиге жетти. Ондогон адам жараланды. Жарым-жартылай урап калган имаратта мейманкана орун алган. Орусия окуяны комментарийлеген жок.
"Талибан" ооган кыз-келиндерине каалаган жерде иштөөгө, окууга, коомдук жайга барууга, алтургай бөлмөсүнө терезе коюуга тыюу салган. Мындай чектөөгө туш болгон аялдар америкалык порножылдыздын өлкөгө кирүүсүнө уруксат берилгенине нааразы. Укук коргоочулар муну "эки жүздүүлүк" деп сындап жатат.
Бучанын көчөлөрүндө ар кай жерде чачылган сөөктөр. Атылган деп айтылган согуш туткундарынын сөөктөрү украин бийлигине кайтарылган. Жүргүнчү поездге баллистикалык ракета тийгенде бейкүнөө тургундардын каны төгүлгөн. Орустар асырап алган украин балдардын кайда экенин ата-энелери билбейт.
4-мартта АКШ президенти Дональд Трамп Конгрессте туруп, Зеленскийден кат алганын жана анда украин лидери сүйлөшүүлөрдү баштоого даярдыгын билдиргенин айтты. Бул Трамптын президенттик кызматка киришкенден бери Конгресске жасаган биринчи кайрылуусу. Анын кызматка киришкенине 50 күндөн ашты.
Трамп 5-мартта Конгресстеги кайрылуусунда Зеленскийден кат алганын айтып, ал тынчтык сүйлөшүүлөрүнө даярдыгын билдиргенин айтты. Трамп бул кайрылуусун АКШ Украинага аскердик жардамды убактылуу токтотуп койгондон бир нече саат өтпөй жасады.
Украинадагы согушту токтотуунун айланасында дипломатиялык аракеттер кызып, АКШ менен Батыштын калган өлкөлөрү ортосундагы пикир келишпестик даана байкала баштаган чакта Кытай мындай абалдан кандай артыкчылык же пайда таба аларын издеп жатат.
Дагы жүктөңүз
