Санариптик өнүктүрүү министрлиги жарыялаган тизмеде соңку мезгилде ымыркайларга арабча ысымдар көп ыйгарылганы байкалат.
Жекшембиде Оштогу борбордук базардан сел агызып кеткен аялдын сөөгү 16-июлда Өзбекстандын Анжиян шаарындагы сайдан табылды. Ал - 39 жаштагы Б.А. аттуу жаран. Буга чейин Төлөйкөн айылындагы эс алуу жайында жүргөндө селге агып кеткен төрт кишинин сөөгү табылып жерге берилген.
OCCRP - Уюшкан кылмыштуулукту жана коррупцияны иликтөө борбору Кыргызстандагы медиа өнөктөшү Temirov LIVE менен Фейсбуктагы пикири үчүн соттолуп кеткен Каныкей Аранованын иши боюнча иликтөө жарыялады. Анда Арановага айып коюуга негиз болгон баракча башында башка бирөөнүн атына ачылганы айтылат.
Израилдин аба соккуларынан Газанын түштүгүндө жана борбордук бөлүгүндө соңку суткада дагы 60тан ашуун киши каза болгону кабарланды. Израил согушкерлер колдонуп келген туннелдер жок кылынгандан бери алар сыртта жайкын тургундар жашаган жерлерге аралашып, жашына баштаганын билдирди.
Макс Георг Майер социалдык тармактардагы баракчасына кыргызча жазып, өлкөнү түрө кыдырып, ак калпакты башынан түшүрбөй кыргызстандыктарга таанылган.
Украинада MH17 каттамындагы "Боинг-777" жүргүнчү учагынын атып түшүрүлгөнүнө 10 жыл болду. Анда борттогу 298 адамдын баары мүрт кеткен. Эл аралык иликтөөчүлөр тобу учакка орусиялык ракета тийгенин далилдешкен. Москва башынан эле бул үчүн жоопкерчилик алуудан баш тартып келет.
Тажикстандын Башкы прокуратурасы июнда парламенттин мурдагы депутаты, "Демократиялык партиянын" мурдагы төрагасы Саиджафар Усмонзода "мамлекеттик бийликти басып алууга аракет кылган" деген шек менен кармалганын билдирген.
Орусияда борборазиялык мигранттардын жүрүм-туруму боюнча жаңы эрежелер иштелип чыкты. Анда өз тилинде шыбырашып сүйлөшүүгө, мал союуга тыюу салган бир катар чектөөлөр бар.
Орусиянын Курск облусундагы заводдордун биринде дрон соккусунан кийин өрт тутанды. Андан тышкары Орусиянын башка бир нече облусу учкучсуз аппараттардын чабуулуна дуушар болду. Ал эми “Россия-1” мамлекеттик телеканалында Европадагы шаарларга ракеталык сокку уруу темасы козголуп, картасы көрсөтүлдү.
Соңку беш күндөн бери дүйнөнүн ар кайсы өлкөлөрүндө суу ташкындан улам ондогон адамдардын өмүрү кыйылды. Индия, Кытай, Кошмо Штаттар, Ооганстанда нөшөрдүн айынан аймактарды суу каптап, жүздөгөн турак жайларга, гектарлаган айдоо аянттарына зыян келтирилди.
Дагы жүктөңүз
