Олимпиаданын төртүнчү күнүндө кыргызстандык дзюдочу Эрлан Шеров мелдешке чыкты.
Украина 31-июлга караган түнү Орусиянын катуу чабуулуна кабылганын, орус аскерлери бутага алган негизги аймак бул жолу борбор калаа Киев болгонун билдирди. Жыл башынан бери Киев мынчалык көп дрон учурулган соккуга кабыла элек болчу.
Казакстандын айрым аймактарында сот мектеп администрациясынын жоолукчан кыздарды сабакка киргизбей коюусун жана окуудан чыгаруусун мыйзамсыз деп тапты. Бирок соттон утуп чыккан ата-энелер менен мектептердин тиреши токтой элек.
Ирандын Ислам революциясынын сакчылар корпусу АКШ жана Еврошаркетте террордук деп таанылган палестиналык ХАМАС радикал тобунун саясий лидери Исмаил Ханиянын өлүмү иликтенерин билдирди. "Революция сакчылары" кол салуу үчүн Израилди айыптады. Израил тараптан окуяга байланыштуу маалымат түшө элек.
Кыргызстандын Тышкы иштер министрлиги кыргыз мигранттарына карата текшерүүлөрдүн күчөшүнө тынчсыздануусун билдирди.
Орусияда мигранттарды убактылуу кармоочу жайларда кыйнап, Украинадагы согушка айдап жатышат.
Венесуэлада азыркы президент Николас Мадуронун шайлоодо жеңгени жарыялангандан кийин өлкөдө жапырт нааразылык акциялары башталды. Добуш берүүнүн жыйынтыгына каршылыгын билдирген миңдеген адамдар 29-июлда көчөгө чыгып, полиция менен кагылышуулар катталды.
Кыргыз-тажик чек арасынын 94% такталганын эки өлкөнүн бийлик өкүлдөрү кабарлады. Калган 6% эң татаал, бир нече жолку чек ара чырына себеп болгон бөлүктөр экени айтылып жатат.
Парижде өтүп жаткан Олимпиада оюндары күн сайын кызыктуу беттештер, жаңы рекорддор менен коштолууда.
Сөз эркиндиги кенен өлкөдө коррупция аз болот, андыктан журналистти чектеп же камап койбой, анын эркин иштөөсүнө мүмкүн болушунча ыңгайлуу шарт түзүү зарыл. Мындай пикирин “Азаттыкка” курган маегинде “Журналисттер” коомдук бирикмесинин башкармалыгынын мүчөсү, медиа эксперт Марат Токоев билдирди.
Мурдагы күйөөсүнөн зомбулук көргөн Асел Ногойбаева эки апта мурда мурдагы күйөөсү абактан уюлдук телефондон коркуткан каттарды жазып жатканын билдирип, адвокаты Индира Саутова атайын прокуратурага арыз берген.
Дагы жүктөңүз
