Москва шаарына дрон чабуулуна кабылды. Орусия бул согуш башталгандан бери Москвага жасалган эң ири чабуул экенин билдирди. Ушул эле күнү Киевге Орусия тараптан аба чабуулу болуп, эскертүү жарыяланды. Ал арада Орусиянын Курск аймагында кармаш уланууда.
Жогорку сот Каныкей Аранованын кассациялык арызын четке кагып, аны абакта калтырды. Орус баш калаасы жапырт дрон чабуулуна кабылганын Москванын мэри билдирди. Кыргызстандагы “Мбанк” жана "Керемет банк" баштаган ири банктар Орусия менен акча которуу кызматташтыгын убактылуу токтотту.
Курск облусунда украин аскерлеринин көзөмөлүндөгү райондордо ооруканалар, дүкөндөр иштебей турат. Киевдин өкүлү Михаил Подоляк Украина жергиликтүү калкка гуманитардык жардам жеткирип, эл аралык нормаларга ылайык коргоп жатканын айтты.
Кыргызстанда диний агартуу жаатында түзүлгөн “Ыйман” фондунун ишмердигине байланыштуу жаңжал чыкты. Фонддун ишмердигин текшерген аудит Түркиянын өкмөтү бөлгөн 5 миллион доллардан ашык акчанын отчету жок экенин аныктаган. Бул иш боюнча фонддун мурдагы эсепчиси камакка алынды.
Кыргызстанда Түркия “Ыйман” фондуна бөлгөн 5 млн доллардан ашык акчанын отчету жок экенин аныкталып, мурдагы эсепчи кармалды. АКШда Демократтар партиясынын атынан Камала Харрис президенттикке талапкер болуп расмий көрсөтүлөт. Мрох Пакистанда жана Швецияда катталды.
АКШнын Чикаго шаарында Демократиялык партиянын 3 күндүк улуттук курултайы башталды. Жыйында вице-президент Камала Харрис ноябрдагы шайлоого партиянын атынан талапкер болуп көргөзүлөт. Бир ай мурун талапкерликтен баш тарткан президент Жо Байденди чогулгандар жылуу тосуп алышты.
Кыргыз бийлиги маймыл чечек деп аталган мрох вирусу боюнча дүйнөдөгү кырдаалдан улам билдирүү таратып, өлкөдө эпидемиологиялык абал туруктуу экенин, бирок алдын алуу чаралары көрүлүп жатканын маалымдады. Дүйнөлүк саламаттыкты сактоо уюму 14-августта глобалдык мааниде өзгөчө кырдаал жарыялаган.
Бишкек жана башка чоң шаарлардагы тротуарларда электр чыгырык же мопед сүзүп, колу-буту сынгандар мындай окуяларга укуктук баа берилбей жатканына нааразы. Арасында бир жылдан ашык убакыттан бери адилеттик издегендери да бар. Жыл башынан бери Кыргызстанда жол кырсыктарынан 280 киши каза болду.
Украинанын президенти Владимир Зеленский Курскидеги операциянын башкы максаты - өлкөсүн коргоо үчүн Орусиянын аймагында "буфердик зона" түзүү экенин айтты. Украин аскерлери Курск облусуна 6-августта кирип барган.
18-августтун кечинде Ысык-Көл облусундагы бир катар айылдарда сел жүрдү. Украин армиясы Курск облусундагы Сейм дарыясына салынган үчүнчү көпүрөнү талкалаганын билдирди. Кыргыз өкмөтү Тажикстан менен чек ара боюнча сүйлөшүүлөрдү жыйынтыктоо алдында турганын билдирди.
Казакстанда 20-августта атомдук станция куруу боюнча акыркы коомдук талкуу өткөнү жатат. Расмий маалыматка караганда, АЭС өлкөнүн энергетика тармагындагы таңсыктыкты жабууга жардам бермекчи. Долбоорго каршы чыккандар курулуш кымбатка түшөрүн айтып, экологиялык маселелерди козгошууда.
Жазуучу жана публицист Олжобай Шакир Жогорку сотко апелляциялык арыз берди. Мирланбек Маратбек уулунун үйүнөн алынган материалдар боюнча экспертиза дайындалды. Украин армиясы Орусиянын Курск облусундагы Суджа шаарын толук өз көзөмөлүнө алганын президент Зеленский билдирди.
Дагы жүктөңүз
