Бишкекте Атамбаевдин мурдагы жан сакчысы Эркин Мамбеталиев кармалды. Курск аймагында "федералдык деңгээлдеги өзгөчө кырдаал" жарыялады. Парижде эркин күрөштөн 57 кг чейинки салмакта Бекзат Алмаз уулу коло медал үчүн күрөшөт. Кыз-келиндер күрөшүнөн Айсулуу Тыныбекова жарым финалга чыкты.
Бишкекте Алмазбек Атамбаевдин мурдагы жан сакчысы катары таанымал Эркин Мамбеталиев кармалды. УКМК аны кримтөбөл деп атап, уюшкан кылмыштуу топко катышуу фактысы боюнча козголгон кылмыш ишинин алкагында колго түшүрүлүп, Караколдогу убактылуу кармоочу жайга камалганын билдирди.
Беш жыл мурун мурдагы президент Алмазбек Атамбаевди кармоо операциясында башаламандык чыгып, атайын кызматтын офицерине ок тийип каза тапса, Чүйдүн милиция жетекчисинин башына таш тийип, майып болуп калды. Сот жараяны төрт жылдан бери бүтө элек. Офицердин өлүмүнө ким жоопкер?
Иран менен Израилдин ортосунда согуш тутануу ыктымалдуулугу Жакынкы Чыгышты соңку жылдардагы эң ири кризиске кептеди. Буга Тегеранда ХАМАСтын саясий лидери Исмаил Ханиянын жана ага чейин Бейрутта "Хезболла" террордук тобунун аскердик командачысынын өлтүрүлүшү түрткү болду.
Кыргызстандын Орусиядагы элчиси болуп Улуттук банктын мурдагы төрагасы Кубанычбек Бөкөнтаев дайындалды. Орус жергесиндеги мигранттарга басым күчөгөн шартта Москвадагы элчиликтин дарегине сын айткандар арбын. Жаңы элчи мигранттар менен кандай иштешет? Ал эмнелерге көнүл бурушу зарыл?
“Хезболла” радикал кыймылы 4-августка караган түнү Израилдин түндүгүндөгү Бейт-Хилель шаарына ракеталык чабуул жасады. Израил маалымат каражаттары жазгандай, ракеталардын баарын “Темир калкан” абадан коргонуучу системасы атып түшүрдү.
Аталган мыйзам полицияга мигранттарды депортациялоого уруксат берет. Бул мыйзам долбоорун ушул жылдын апрель айында Думадагы бардык беш фракциясынын өкүлдөрү сунуштаган.
Америкалык журналисттер Алсу Курмашева, Эван Гершкович жана мурдагы деңиз аскери Пол Уилан Кошмо Штаттарга кайтып барышты. Алар жана дагы 13 киши Москва менен Батыштын кансыз согуштан берки эң ири туткун алмашуу жараянынын алкагында орус жана беларус абактарынан бошотулган болчу.
АКШ жана Еврошаркетте террордук деп таанылган ХАМАС тобунун саясий жетекчиси Исмаил Ханиянын сөөгү Дохада жерге берилет. Иран анын өлүмү үчүн Израилди айтыптап, өч аларын эскерткени Жакынкы Чыгыш ири жаңжалдын кучагында калышы мүмкүн деген кооптонуу күчөдү.
Орусияда Мамлекеттик дума мигранттарга каршы мыйзамды кабыл алды. Эми полиция чет элдик жарандарды соттун чечими жок депортациялайт. Ал арада Украинадагы согушка орус жарандыгын алган мигранттарды жиберүү дагы бир ирет сунушталды.
Ички иштер министрлигинин Бишкектеги жатаканасында аптапта суу өчүп калды. Жашоочулар 4-августтан тарта жарык да жок болот деген эскертүү берилип жатканын билдиришүүдө. Анда жашаган 60тай үй-бүлө ИИМ аларды ушундай жол менен жатаканадан чыгарууну көздөп жатканын айтып жатышат.
Украина 31-июлга караган түнү Орусиянын катуу чабуулуна кабылганын, орус аскерлери бутага алган негизги аймак бул жолу борбор калаа Киев болгонун билдирди. Жыл башынан бери Киев мынчалык көп дрон учурулган соккуга кабыла элек болчу.
Дагы жүктөңүз
