Трамп Зеленскийден кат алды. Киев менен Москва согушту токтотууга даярбы?

АКШ президенти Дональд Трамп 5-мартта Конгресстеги кайрылуусунда Владимир Зеленскийден кат алганын айтты. Анда Зеленский тынчтык сүйлөшүүлөрүнө даярдыгын билдирген. Ошондой эле Трамп Украина кен байлыктар боюнча келишимге каалаган убакта кол коюуга даяр экенин кошумчалады. Трамп бул кайрылуусун АКШ Украинага аскердик жардамды убактылуу токтотуп койгондон бир нече саат өтпөй жасады.