مصري چارواکي وایي، د غزې د بیا رغونې داسې طرحه جوړوي چې اوسیدونکي یې په خپلو مېنو کې پاته شي. دا اقدام وروسته تر دې کیږي چې د امریکا ولسمشر ډونالډ ټرمپ اعلان وکړ چې د غزې اوسیدونکي په بېلابېلو عربي هېوادونو کې میشتوي.
د امریکا د بهرنیوچارو وزیر مارکو روبیو او روس سیال یې سیرګي لاوروف او له دواړو خواوو نور جګپوړو چارواکو نن د سعودي عربستان په پلازمېنه ریاض کې د دواړو هېوادونو ترمنځ د اړیکو د ښه کولو او د اوکراین د جګړې د پای ته رسولو په اړه خبرې پیل کړې.
روبیو منځني ختیځ ته خپل سفر له اسراییلو پيل کړ او تر نتنیاهو وروسته یې یکشنبه ناوخته د اسراییلو له ولسمشر سره هم ولیدل.
د ملګرو ملتونو سرمنشي انتونیو ګوتیریش له حماس ډلې غوښتنه کړې چې د اسراییلي برمته وو د خوشې کولو بهیر ونه دروي او د اوربند له موافقې سره سم پر خپلو ژمنو عمل وکړي.
د امریکا ولسمشر خبرداری ورکړ چې د حماس د سخت دریځې ډلې لخوا نیول شوي ټول اسراییلي یرغمل باید د شنبې تر غرمې پورې خوشې شي که نه د غزې د اوربند تړون باید لغوه شي.
هغه درې یرغمل اسراییل ته ورسیدل چې نن د ورځې په پیل کې حماس ډلې په غزې تړانګه کې آزاد کړي اود په سلګونو کسانو په وړاندې یې ښودلي و. د اسراییل او حماس ترمنځ د شوي اوربند د موافقې په دغه پړاو کې به اسراییل نن له خپلو زندانونو په لسګونو فلسطیني بندیان خوشې کړي.
ټاکل شوې چې د اسراییل صدراعظم نن سې شنبې په سپینه ماڼۍ کې له ولسمشر ډونالډ ټرمپ سره وګوري.
د سوریې موقت ولسمشر احمد الشرع ویلي د سعودي عربستان له ولیعهد محمدبن سلمان سره یې د اړیکو د لا ښه والي او بشري او اقتصادي برخو کې پر هر اړخیزو همکاریو مفصلې خبرې کړي. سعودي عربستان د سوریې د کورنۍ جګړې پرمهال د بشار الاسد پرضد د یاغي ډلو مالي ملاتړ کاوه.
د شنبې په ورځ د مصر، اردن، سعودي عربستان، متحده عربي اماراتو، قطر، فلسطین او عرب ټولنې په ګډ بیان کې راغلي چې دوی له هر ډول طرحې سره چې په نتیجه کې یې فلسطینیان له خپلو اصلي مېنو بېځایه کېږي، مخالف دي.
د اسراییل او حماس ترمنځ د شوي اوربند په ترڅ کې به د شنبې په ورځ حماس درې نوراسراییلي یرغمل خوشې کړي. اسراییل یې هم په بدل کې په لسګونو فلسطیني بندیان خوشې کوي. تراوسه له لسو زیات اسراییلي اوپنځه ټایلنډي یرغمل خوشې شوي خو د اسراییلي چارواکو په وینا تراوسه له اتیاوو زیات یرغمل له حماس سره دي.
د سوریې د پخوانۍ یاغي ډلې، "هیات تحریر الشام"، مشر، چې د سوریې د ولسمشر بشار الاسد رژیم یې نسکور کړ، د دغه هېواد د موقت ولسمشر په توګه وټاکل شو.
اسراییل دې کورنیو ته وروسته له هغه خپلو ویجاړو مېنو ته د ستنېدو اجازه ورکړه چې حماس ډلې د اونۍ په پیل کې د دریو اسراییلي برمته وو له خوشې کولو او د اسراییلو پوځ د غزې له اصلي دهلیزې څخه له وتلو سره موافقه وکړه.
نور راوښيه
