Орусиянын президенти Владимир Путин Азербайжандын президенти Илхам Алиевден Актауда кыйраган учак үчүн кечирим сураганын Кремлдин маалымат кызматы билдирди.
27-декабрда Бишкектин Биринчи май райондук соту камактагы адвокат Самат Матцаковдун абак мөөнөтүн узартуу боюнча тергөөчүнүн өтүнүчүн карады. Матцаковдун жактоочулары кийинки сотко тергөө тобунун башчысын чакырууну суранды. Судья бул өтүнүчтү канаттандырып, кийинки отурум 29-декабрга белгиленди.
2024-жыл кыргызстандык журналисттер үчүн оңой болгон жок. Temirov Live редакциясына тиешеси бар 11 журналист камалып, анын төртөө сотто жаза алды. Мындан сөз эркиндигине байланыштуу бир катар сунуштар айтылып, талаштуу мыйзамдар да кабыл алынды. Бийлик өлкөдө сөз эркиндиги бар экенин айтып келет.
Украинанын армиясы туткунга алган түндүк кореялык аскер каза тапты. Буга чейин украин бийлиги Курск облусунда согушуп жаткан түндүк кореялыктардын жоготуулары үч миңден ашканын билдирген.
27-декабрда Жалал-Абад шаарында Кыргызстандын президенти Садыр Жапаровдун жана Кытай менен Өзбекстандын өкүлдөрүнүн катышуусунда Кытай-Кыргызстан-Өзбекстан темир жолунун курулушун баштоо аземи өттү.
Жогорку Кеңеште кыргызстандыктардын фамилиясын тандоо мүмкүнчүлүгүн кеңейтүү боюнча мыйзам долбоору биринчи окууда кабыл алынды. Ага ылайык, буга чейин жарандын аты - жөнү Асанов Үсөн Касымович болсо, каалоочулар эми документке Асантеги Үсөн Касымдын деп жазылганга мүмкүнчүлүк алат.
Жогорку Кеңеште “Дин тутуу эркиндиги жана диний бирикмелер жөнүндө” мыйзам долбоору экинчи жана үчүнчү окууда кабыл алынды. Мыйзам долбоорун Министрлер кабинети демилгелеген.
Уюшкан кылмыштуу топтун “Женго” каймана аттуу мүчөсү Кадырбек Досонов Бишкектеги №1 тергөө абагында мекеменин кызматкерлери тарабынан катуу ур-токмокко алынганын адвокаты билдирип чыкты. Маалыматты Акыйкатчы институту дагы тастыктады. Жаза аткаруу кызматы кабарды төгүндөдү.
Бишкек кайрадан абанын булганышы боюнча дүйнөдө биринчи орунга чыкты. World Air Quality уюмунун абанын сапаты тууралуу индексинде башкалаанын айрым бөлүктөрүндөгү көрсөткүч өтө кооптуу чектен ашкан.
Казакстанда Азербайжандын учагы кырсыкка кабылып, 30дан ашык адам каза тапты. Аман калган 29 киши ооруканага түштү. Учакта беш экипаж мүчөсү жана 62 жүргүнчү болгон.
Казакстандын Мангыстау облусунун Актау шаарына жакын жерде Чеченстандын баш калаасы Грозныйга бараткан учак кулады. Кырсыктан борттогу 67 кишинин 38и каза болду, 29у аман калып, ооруканага жеткирилген.
Дагы жүктөңүз
