Бишкектин Биринчи май райондук соту “алдамчылыкка” шектелип кармалган адвокат Самат Матцаковду 30-декабрга чейин камакта калтырды. Чечимди райондук соттун судьясы Миран Шерматов кабыл алды. Матцаков соттун чечимин “мыйзамсыз” деп атап, апелляциялык арыз менен кайрыларын билдирди.
Тышкы иштер министрлигинин Консулдук департаментинин директору Сейтек Жумакадыр уулу мигранттардын абалы, мыйзамдагы өзгөрүүлөр тууралуу "Азаттыкка" маек курду.
Грузияда евроинтеграцияны жактаган ондогон киши кармалып, журналисттер сабалды. Парламент коопсуздукка жаралган коркунуч деңгээлин жогорку чекке көтөрдү. Грузин өкмөтү Евробиримдикке кирүү боюнча сүйлөшүүлөр 2028-жылдын аягына чейин жүрбөйт деген чечимин жарыялагандан кийин нааразылык башталган.
Орус атуулдугунан кол жууган ондогон мигранттын арасында кыргызстандыктар да бар. Жаңы талаптардын максаты эмне? Орусия муну менен мигранттарды Украинадагы согушка салууну көздөйбү? Мындай чектөөлөрдүн кесепеттери кандай болушу мүмкүн?
28-ноябрда Орусия Украинанын энергетикалык объектилерине жапырт сокку урду. Астанага келген орус президенти Владимир Путин муну украин тараптын Батыштын ракеталары менен Орусиянын аймагын бутага алып жатканына жооп деп мүнөздөдү.
Жогорку Кеңеште онкологиялык ооруларга чалдыккан жарандарга сапатсыз дарылар берилип жатканы боюнча маселе көтөрүлдү. “Кыргызфармация” ишканасы ташып келген бардык медициналык каражаттар сертификациядан өтөрүн жана сапаты жогору экенин айтууда.
Борбордук шайлоо комиссиясы (БШК) жергиликтүү кеңештерге шайлоонун жыйынтыгын чыгарып, Бишкек шаардык кеңешинде кимдер мандат алары белгилүү болду.
Украинанын энергетикалык объектилерине жапырт сокку урулду. Орус президенти Владимир Путин муну украин тараптын Орусиянын аймагын АКШнын ракеталары менен аткылап жатканына жооп деп сыпаттады.
Украинада Орусиянын чабуулдары уланып жаткан учурда ЖККУнун лидерлери Казакстандын Астана шаарына чогулду.
27-ноябрда Орусиянын президенти Владимир Путин Астанага мамлекеттик сапар менен келди. Эртең бул шаарда Жамааттык коопсуздук келишим уюмунун саммити өтөт. Путиндин сапары Украинада соңку кырдаал курчуган учурга туш келди.
Президент Садыр Жапаров 26-ноябрда Берлинде немис канцлери Олаф Шольц жана өлкөнүн президенти Франк-Вальтер Штайнмайер менен жолугуп, эки тараптуу алака-катышты талкуулады.
Социал-демократтардын лидери Темирлан Султанбековдун тергөө абагында ачкачылык жарыялаганына эки апта болду. АКШ Украинага америкалык ATACMS ракеталары менен Орусиянын аймагына сокку урууга уруксат бергенин расмий ырастады. Бишкектеги эски көп кабаттуу үйлөрдүн ордуна көп батирлүү үйлөр салынат.
Дагы жүктөңүз
