Орусия Курск облусундагы украин күчтөрү ээлеп турган аймактарын кайтарып алуу максатында чабуул жасоо үчүн түндүк кореялык жоокерлер менен кошо 50 миңдей аскер чогултту. Бул тууралуу The New York Times гезити жекшембиде АКШдагы жана Украинадагы булактарына таянып билдирди.
26-октябрга караган түнү Ташкент облусунун Кибрай районунда белгисиз бирөөлөр Range Rover үлгүсүндөгү жол тандабасты аткылаган. “Азаттыктын” өзбек кызматынын булактары ал маалда машинеде өзбек президентинин кызынын жакын өнөктөшү Комил Алламжонов жана айдоочусу болгонун маалымдашты.
Украинада соңку суткада Орусиянын чабуулунан бир киши набыт болуп, 20дан ашууну жаракат алды. Зеленский НАТОнун баш катчысы менен Орусияда жайгашкан Түндүк Кореянын аскерлерине байланыштуу маселени талкуулады. Путин Украинанын макамы тууралуу өз шартын айтты.
Садыр Жапаров диний ишмерлер менен "Дин тутуу эркиндиги жана диний уюмдар жөнүндө” мыйзам долбоорун талкуулады. Зеленский Будапештте Курскидеги түндүк кореялык аскерлердин маселесин көтөрсө, Путин Украинанын макамы тууралуу өз шартын айтты.
Орусиянын Курск аймагында украин аскерлери алгачкы жолу түндүк кореялыктар менен кагылышты. Кыргызстанда басма сөз күнү белгиленүүдө. Кытай-Кыргызстан-Өзбекстан темир жолунун курулушу ноябрдын аягында башталары маалымдалды.
Орусиянын Курск аймагында украин күчтөрү алгачкы жолу түндүк кореялыктар менен кагылышты. Бул тууралуу украин бийлиги билдирсе, эл аралык басылмалар корейлердин арасында жоготуулар бардыгын жазды. Пхеньян Орусияга жиберген 12 миңдей аскердин көбү Курск облусуна түшкөнү буга чейин кабарланган.
АКШдагы президенттик шайлоодо мурдагы мамлекет башчы Дональд Трамп жеңди. Дүйнө лидерлери аны жеңиши менен куттуктай башташты. Трамп өзү америкалыктарга ыраазычылык билдирип, алдыга озуп чыгышын “мурда-кийин болбогон жеңиш” деп атады.
Бишкекте Эрдоган менен Жапаров менен жолукту. АКШда президенттик шайлоо өтүп жатат. Сот депутаттыкка талапкер Б. Дүйшөналиевди тил кат менен камактан бошотту. Жогорку Кеңештин төрагасы Нурланбек Шакиев сот жообуна тартылып абакта жаткан журналисттердин маселесин көтөрө турганын билдирди.
Америка Кошмо Штаттарында президенттик шайлоодо добуш берүү жүрүп жатат. Кечээ кечинде талапкерлер кампанияларын жыйынтыктап, акыркы жолу добуш берүүчүлөрдү ынандыруу аракетин көрүштү. Маалыматка караганда, 80 миллиондой киши алдын ала добуш берди.
Режеп Тайып Эрдогандын мамлекетик сапарында президент Садыр Жапаров Түркия менен Кыргызстандын соода жүгүртүүсүн 5 млрд долларга жеткирүү үчүн Анкарадан экспорттук товарларга жеңилдик сурады. Президенттердин жолугушуусунда Гүлен кыймылы, “Маариф” мектептерин көбөйтүү маселеси көтөрүлдү.
Молдованын Борбордук шайлоо комиссиясы, алдын ала санактар боюнча, президенттик шайлоонун экинчи айлампасында Майя Санду жеңишке жеткенин кабарлады. Бүгүнкү күндө добуштардын 98,9% саналып бүттү.
2022-жылы Орусиядагы мобилизацияга байланыштуу Казакстанга качып чыгып, кийин Европага кеткен бир нече орусиялык жаран “Кош бол, курал!” уюмуна бирикти. Франциядан башпаанек сураган бул адамдар Орусия Украинага кол салганын, мындай шартта дезертирлик үчүн уялбаш керектигин айтып чыгышты.
Дагы жүктөңүз
