Тбилисиде евроинтеграцияны жактап чыккан митингде 107 адам кармалганын ИИМ билдирди. 29-ноябрда кечинде парламент имаратынын алдына жүздөгөн адамдар чогулган. Полиция аларга каршы суу жана көздөн жаш агызуучу каражат колдонгон. Айрым телеканалардын кызматкерлери сабалганы кабарланды.
Тышкы иштер министрлигинин Консулдук департаментинин директору Сейтек Жумакадыр уулу мигранттардын абалы, мыйзамдагы өзгөрүүлөр тууралуу "Азаттыкка" маек курду.
Грузияда евроинтеграцияны жактаган ондогон киши кармалып, журналисттер сабалды. Парламент коопсуздукка жаралган коркунуч деңгээлин жогорку чекке көтөрдү. Грузин өкмөтү Евробиримдикке кирүү боюнча сүйлөшүүлөр 2028-жылдын аягына чейин жүрбөйт деген чечимин жарыялагандан кийин нааразылык башталган.
Орус атуулдугунан кол жууган ондогон мигранттын арасында кыргызстандыктар да бар. Жаңы талаптардын максаты эмне? Орусия муну менен мигранттарды Украинадагы согушка салууну көздөйбү? Мындай чектөөлөрдүн кесепеттери кандай болушу мүмкүн?
28-ноябрда Орусия Украинанын энергетикалык объектилерине жапырт сокку урду. Астанага келген орус президенти Владимир Путин муну украин тараптын Батыштын ракеталары менен Орусиянын аймагын бутага алып жатканына жооп деп мүнөздөдү.
Жогорку Кеңеште онкологиялык ооруларга чалдыккан жарандарга сапатсыз дарылар берилип жатканы боюнча маселе көтөрүлдү. “Кыргызфармация” ишканасы ташып келген бардык медициналык каражаттар сертификациядан өтөрүн жана сапаты жогору экенин айтууда.
Түркияда жашырынган өзбекстандыктардын саны өстү. Бул тууралуу Өзбекстандын Стамбулдагы башкы консулдугу расмий билдирүү таратты. Түркияда сулуулук салондорун мыйзамсыз иштеткен жана алтын куймаларды алып өткөн өзбекстандыктардын окуясы да талкууга алынууда.
27-ноябрда Орусиянын президенти Владимир Путин Астанага мамлекеттик сапар менен келди. Эртең бул шаарда Жамааттык коопсуздук келишим уюмунун саммити өтөт. Путиндин сапары Украинада соңку кырдаал курчуган учурга туш келди.
Ички иштер министрлиги издөө жарыялаган Ноокаттын Көк-Жар аймактык милиция бөлүмүнүн мурдагы башчысы Тимур Абдисатар уулу мекемеге өз эрки менен барганда кармалганын, уруп-сабалганын айтып чыкты. Мындан улам өлкө башчыларына кайрылып, ага козголгон кылмыш ишинин акыйкат териштирилишин суранды.
Израил жана АКШ террордук уюм деп санаган Ливандагы "Хезболла» радикал тобу ок атууну токтотуу келишимине жакындап калышты. Бул тууралуу кабар агенттиктери маалымдады. АКШ жана Франциянын арачылыгы менен түзүлгөн планды премьер-министр Биньямин Нетаньяхунун коопсуздук кабинети жактырууга тийиш.
Жергиликтүү шайлоодо добуш сатып алууга шектелип камалган оппозициячыл Социал-демократтар партиясынын лидери Темирлан Султанбековдун тергөө абагында ачкачылык жарыялаганына эки апта болду. Саясатчынын иши боюнча Европарламенттин депутаты кыргыз бийлигине кайрылды.
11 журналисттин ичинен Махабат Тажибек кызы, Актилек Капаров, Айке Бейшекеева жана Азамат Ишенбековдун иши 25-ноябрда Бишкек шаардык сотунда карала баштады. Алардын адвокаттары ишти караган эки судьяга ишенбөөчүлүк көрсөтүп, адилет чечим чыгарарынан шек санай турганын айтышты.
Дагы жүктөңүз